You are here

മുഹമ്മദ്​ സാലിഹ്​ ഇനി ‘അക്ഷരവീടി​’െൻറ തണലിൽ

സാലിഹ് കുടുംബത്തോടൊപ്പം അക്ഷരവീട്ടിൽ

ഇൗ​ങ്ങാ​പ്പു​ഴ: സ്വ​ന്ത​മാ​യി വീ​ടെ​ന്ന ചി​ര​കാ​ല സ്വ​പ്നം യാ​ഥാ​ർ​ഥ്യ​മാ​യ​തി​​െൻറ ആ​ത്മ​സം​തൃ​പ്തി​യി​ൽ മു​ഹ​മ്മ​ദ് സാ​ലി​ഹ് പു​തു​പ്പാ​ടി കാ​വു​മ്പു​റ​ത്തെ ‘അ​ക്ഷ​ര​വീ​ട്ടി’​ൽ താ​മ​സ​മാ​ക്കി. ലോ​ക്ഡൗ​ൺ നി​ല​നി​ൽ​ക്കു​ന്ന​തി​നാ​ൽ അ​ടു​ത്ത ബ​ന്ധു​ക്ക​ളെ​പ്പോ​ലും കൂ​ട്ടാ​തെ ഭാ​ര്യ സം​ഷാ​ദ്, മ​ക്ക​ളാ​യ ഹ​ന്ന, സൈ​ഹ, ഹാ​ദി എ​ന്നി​വ​രോ​ടൊ​പ്പം വാ​ട​ക​വീ​ട് ഒ​ഴി​വാ​ക്കി അ​ക്ഷ​ര​വീ​ട്ടി​ലേ​ക്ക് താ​മ​സം​മാ​റ്റു​ക​യാ​യി​രു​ന്നു. ജ​ന്മ​നാ കൂ​ടെ​യു​ള്ള അ​ന്ധ​ത​യെ തെ​ല്ലും കൂ​സാ​തെ പ്ര​തി​കൂ​ല സാ​ഹ​ച​ര്യ​ങ്ങ​ളെ അ​തി​ജീ​വി​ച്ച് ഉ​ന്ന​ത വി​ദ്യാ​ഭ്യാ​സം നേ​ടു​ക​യും ചെ​സി​ൽ അ​ന്താ​രാ​ഷ്​​ട്ര നേ​ട്ട​ങ്ങ​ൾ​വ​രെ കൈ​വ​രി​ക്കു​ക​യും ചെ​യ്ത സാ​ലി​ഹ് വാ​ട​ക​വീ​ട്ടി​ൽ താ​മ​സി​ക്കു​ന്ന​താ​യി ‘മാ​ധ്യ​മ’​ത്തി​ൽ വ​ന്ന വ​ർ​ത്ത​യാ​ണ് അ​ക്ഷ​ര​വീ​ട്ടി​ലെ​ത്തി​ച്ച​ത്.

‘മാ​ധ്യ​മ’​വും അ​ഭി​നേ​താ​ക്ക​ളു​ടെ സം​ഘ​ട​ന​യാ​യ ‘അ​മ്മ’​യും പ​ണ​മി​ട​പാ​ട് ധ​ന​വി​നി​മ​യ രം​ഗ​ത്തെ ആ​ഗോ​ള സ്ഥാ​പ​ന​മാ​യ യൂ​നി​മ​ണി​യും ആ​രോ​ഗ്യ​രം​ഗ​ത്തെ അ​ന്താ​രാ​ഷ്​​ട്ര ബ്രാ​ൻ​ഡാ​യ എ​ൻ.​എം.​സി ഗ്രൂ​പ്പും സം​യു​ക്ത​മാ​യി കേ​ര​ള​ത്തി​ലെ പ്ര​തി​ഭ​ക​ൾ​ക്ക് ന​ൽ​കു​ന്ന ആ​ദ​ര​വും അം​ഗീ​കാ​ര​വു​മാ​ണ് അ​ക്ഷ​ര​വീ​ട്. ഹാ​ബി​റ്റാ​റ്റ് ചെ​യ​ർ​മാ​ൻ ജി. ​ശ​ങ്ക​റാ​ണ് അ​ക്ഷ​ര​വീ​ട് രൂ​പ​ക​ൽ​പ​ന ചെ​യ്യു​ന്ന​ത്. മ​ല​യാ​ള അ​ക്ഷ​ര​മാ​ല​യി​ലെ ‘ണ’ ​എ​ന്ന അ​ക്ഷ​ര​മാ​ണ് സാ​ലി​ഹി​​െൻറ വീ​ട്. 

സ്കൂ​ൾ വി​ദ്യാ​ഭ്യാ​സ കാ​ലം മു​ത​ൽ ചെ​സി​ൽ അ​തി​ത​ൽ​പ​ര​നാ​യി​രു​ന്ന സാ​ലി​ഹ് ഡി​ഗ്രി പ​ഠ​ന​ത്തി​ന് ദേ​വ​ഗി​രി സ​െൻറ്​ ജോ​സ​ഫ്സ് കോ​ള​ജി​ൽ ചേ​ർ​ന്ന​തോ​ടെ​യാ​ണ് സം​സ്ഥാ​ന​ത​ല​ത്തി​ൽ നേ​ട്ട​ങ്ങ​ൾ കൈ​വ​രി​ക്കാ​ൻ തു​ട​ങ്ങി​യ​ത്. 2007, 2008 വ​ർ​ഷ​ങ്ങ​ളി​ൽ സം​സ്ഥാ​ന അ​ന്ധ ചെ​സ് ടൂ​ർ​ണ​മ​െൻറി​ൽ ചാ​മ്പ്യ​നാ​വു​ക​യും നാ​ഷ​ന​ൽ ഫി​ഡേ റേ​റ്റി​ങ്​ ടൂ​ർ​ണ​മ​െൻറി​ൽ പ​ങ്കെ​ടു​ക്കാ​ൻ അ​വ​സ​രം ല​ഭി​ക്കു​ക​യും ചെ​യ്തു. 

2008ൽ ​ദ​ക്ഷി​ണേ​ന്ത്യ​ൻ ടൂ​ർ​ണ​മ​െൻറി​ൽ കേ​ര​ള  ക്യാ​പ്റ്റ​നാ​യ സാ​ലി​ഹ് ടീ​മി​ന് ര​ണ്ടാം സ്ഥാ​നം നേ​ടി​ക്കൊ​ടു​ക്കു​ക​യും വ്യ​ക്തി​ഗ​ത സ​മ്മാ​നം നേ​ടു​ക​യും ചെ​യ്തു. 
ബ്ലൈ​ൻ​ഡ്​ ചെ​സ് ടൂ​ർ​ണ​മ​െൻറി​ൽ ഫി​ഡേ റേ​റ്റി​ങ്​ നേ​ടി​യ ആ​ദ്യ കേ​ര​ളീ​യ​നാ​ണ് സ​ലി​ഹ്. 2017ൽ ​ഹ​രി​യാ​ന​യി​ലെ അ​മ്പാ​ല​യി​ൽ ന​ട​ന്ന ദേ​ശീ​യ ബ്ലൈ​ൻ​ഡ്​​ ടൂ​ർ​ണ​മ​െൻറി​ൽ 15ാം സ്ഥാ​നം സ്ഥാ​നം നേ​ടി​യ സാ​ലി​ഹ് ബി ​സോ​ൺ കാ​റ്റ​ഗ​റി (തീ​രെ കാ​ഴ്ച​യി​ല്ലാ​ത്ത​വ​ർ) ടീ​മി​ൽ ര​ണ്ടാ​മ​താ​യി. 2018ൽ ​ഇ​ന്തോ​നേ​ഷ്യ​യി​ൽ ന​ട​ന്ന പാ​രാ​ലി​മ്പി​ക്സ് ഏ​ഷ്യ​ൻ ഗെ​യിം​സി​ൽ വെ​ള്ളി​മെ​ഡ​ൽ നേ​ടി​യാ​ണ് അ​ന്ത​ർ​ദേ​ശീ​യ താ​ര​മാ​യ​ത്. 

ക​ശ്മീ​ർ, ഹ​രി​യാ​ന, ഡ​ൽ​ഹി, പ​ഞ്ചാ​ബ്, ബം​ഗാ​ൾ, ഒ​ഡി​ഷ, ഝാ​ർ​ഖ​ണ്ഡ്, ഗു​ജ​റാ​ത്ത്, ഗോ​വ, ത​മി​ഴ്നാ​ട്, ക​ർ​ണാ​ട​ക എ​ന്നി​വി​ട​ങ്ങ​ളി​ൽ ന​ട​ന്ന ടൂ​ർ​ണ​മ​െൻറു​ക​ളി​ൽ പ​ര​സ​ഹാ​യ​മി​ല്ലാ​തെ​യാ​യി​രു​ന്നു സാ​ലി​ഹി​​െൻറ യാ​ത്ര. 

നി​യ​മ​പ​ഠ​നം പൂ​ർ​ത്തി​യാ​ക്കി​യ സാ​ലി​ഹ് സി​വി​ൽ സ​ർ​വി​സ് പ​രീ​ക്ഷ​ക്കു​ള്ള ത​യാ​റെ​ടു​പ്പി​ലാ​ണ്. കേ​ര​ള ​ൈബ്ല​ൻ​ഡ്​ അ​സോ​സി​യേ​ഷ​ൻ പ്ര​സി​ഡ​ൻ​റ​യി തെ​ര​ഞ്ഞെ​ടു​ക്ക​പ്പെ​ട്ട സാ​ലി​ഹ് സം​സ്ഥാ​ന ടൂ​ർ​ണ​മ​െൻറു​ക​ൾ സം​ഘ​ടി​പ്പി​ച്ചു​വ​രു​ന്നു. ‘മാ​ധ്യ​മ’​ത്തോ​ടും അ​ക്ഷ​ര​വീ​ട്​ സം​ഘാ​ട​ക​രോ​ടും വീ​ട് നി​ർ​മാ​ണ​ത്തി​ൽ പ്രാ​ദേ​ശി​ക​മാ​യി സ​ഹ​ക​രി​ച്ച ചു​രം സം​ര​ക്ഷ​ണ സ​മി​തി അ​ട​ക്ക​മു​ള്ള​വ​രോ​ടും അ​ക​മ​ഴി​ഞ്ഞ ന​ന്ദി രേ​ഖ​പ്പെ​ടു​ത്തു​ക​യാ​ണ് സാ​ലി​ഹും കു​ടും​ബ​വും. 

Loading...
COMMENTS