മുഹമ്മദ്​ നിയാസും വിജു എബ്രഹാമും ഹൈകോടതി ജഡ്​ജിമാർ

കൊച്ചി: കേരള ഹൈകോടതിയി​േലക്ക്​ രണ്ട്​ പുതിയ ജഡ്​ജിമാർകൂടി. ഹൈകോടതി അഭിഭാഷകരായ മുഹമ്മദ് നിയാസ്, വിജു എബ്രഹാം എന്നിവരെ അഡീഷനൽ ജഡ്​ജിമാരായി നിയമിച്ച്​ രാഷ്​ട്രപതിയുടെ ഉത്തരവിറങ്ങി. 1995ൽ നിയമബിരുദം നേടിയവരാണ് ഇരുവരും. 2019ലാണ്​ ഇരുവ​രെയും ​ൈഹകോടതി കൊളീജിയം ശിപാർശ ചെയ്​തത്​.

തലശ്ശേരി ചൊവ്വാകാരൻ പുതിയപുരയിൽ കുടുംബാംഗമായ മുഹമ്മദ് നിയാസ് പി.എസ്‌.സി മുൻ ചെയർമാൻ പരേതനായ സാവാൻകുട്ടിയുടെ മകനാണ്​. മാതാവ്​: മറിയം. നിയമവിദ്യാർഥി പർവേസ്, സ്​കൂൾ വിദ്യാർഥികളായ ഷെസ, ഫൈസ എന്നിവരാണ്​ മക്കൾ. കോഴിക്കോട്​ ഗവ. ലോ കോളജിൽനിന്ന്​ നിയമബിരുദം നേടിയ ശേഷം കോഴിക്കോടും പിന്നീട്​ 1997ൽ ഹൈകോടതിയിലും പ്രാക്​ടീസ്​ ആരംഭിച്ചു. ഭരണഘടന, സിവിൽ, ക്രിമിനൽ, ​െകാഫെപോസ നിയമങ്ങളിൽ വിദഗ്ധനാണ്.

എറണാകുളം ആംപ്രയിൽ കുടുംബാംഗമായ വിജു എബ്രഹാമി​െൻറ പിതാവ്​ എ.കെ. അവിരയും ഹൈകോടതി അഭിഭാഷകനായിരുന്നു. കുഞ്ഞൂഞ്ഞമ്മയാണ്​ മാതാവ്​. ഭാര്യ: സുനി. മകൻ: അവിര. 1996ൽ പ്രാക്ടീസ് ആരംഭിച്ച വിജു 2011 മുതൽ 2016വരെ ഹൈകോടതിയിൽ സീനിയർ ഗവ. പ്ലീഡറായിരുന്നു. എസ്​.ബി.ഐ, കാത്തലിക് സിറിയൻ ബാങ്ക് എന്നിവയുടെ സ്​റ്റാൻഡിങ് കോൺസലായി പ്രവർത്തിച്ചിട്ടുണ്ട്​. 2010ൽ ഹൈകോടതി അഭിഭാഷക അസോസിയേഷൻ സെക്രട്ടറിയായിരുന്നു.