നവതിയുടെ നിറവിൽ മലയാളത്തിന്റെ എം.ടി

കോ​ഴി​ക്കോ​ട്: ക​ഥ​യും ക​ഥാ​പാ​ത്ര​ങ്ങ​ളും കൊ​ണ്ട് മ​ല​യാ​ളി​യു​ടെ ​മ​ന​സ്സി​ൽ വാ​ക്കി​ന്റെ പെ​രു​ന്ത​ച്ച​നാ​യി ഹൃ​ദ​യം കീ​ഴ​ട​ക്കി​യ മാ​ട​ത്ത്​ തെ​ക്കേ​പ്പാ​ട്ട്​ വാ​സു​ദേ​വ​ൻ നാ​യ​ർ എ​ന്ന എം.​ടി​ക്ക് ഇ​ന്ന് ന​വ​തി. 90 വ​ർ​ഷ​ത്തി​ന്റെ ജീ​വി​ത​സ​പ​ര്യ​ക്കി​ട​യി​ൽ മ​നു​ഷ്യ​ജീ​വി​ത​ത്തി​ന്റെ ആ​ഴ​വും പ​ര​പ്പും എം.​ടി​യോ​ളം വാ​യ​ന​ക്കാ​രി​ലെ​ത്തി​ച്ച എ​ഴു​ത്തു​കാ​ര​ൻ മ​ല​യാ​ള​ത്തി​ൽ​ത​ന്നെ അ​പൂ​ർ​വം.

മ​ല​യാ​ള ചെ​റു​ക​ഥ​യെ ക​വി​ത​യു​ടെ ഉ​ത്തും​ഗ​ത​യി​ലേ​ക്ക് ന​യി​ച്ച കാ​ഥി​ക​ൻ. ജ്ഞാ​ന​പീ​ഠം കീ​ഴ​ട​ക്കി​യ എ​ഴു​ത്തു​കാ​ര​ൻ. പ​ല ത​ല​മു​റ​യെ എ​ഴു​ത്തി​ന്റെ വ​ഴി​യി​ൽ ക​ണ്ടെ​ത്തി​യ പ​​ത്രാ​ധി​പ​ർ. നി​ർ​മാ​താ​ക്ക​ൾ കാ​ത്തു​കി​ട​ന്ന​ത്ര​യും വി​ല​യേ​റി​യ തി​ര​ക്ക​ഥാ​കൃ​ത്ത്. ന​ട​പ്പു​ശീ​ല​ങ്ങ​ളു​ടെ നെ​റു​ക​യി​ൽ തി​രു​ത്തി​ന്റെ പ​ള്ളി​വാ​ൾ വീ​ശി​യ സം​വി​ധാ​യ​ക​ൻ. അ​ങ്ങ​നെ തൊ​ട്ട​തെ​ല്ലാം പൊ​ന്നാ​ക്കി​യ മ​റ്റൊ​രു സ​ർ​ഗ​പ്ര​തി​ഭ​യും എം.​ടി​യെ​പ്പോ​ലെ കേ​ര​ള​ത്തി​ലി​ല്ല. 1933 ജൂ​ലൈ 15ന് ​മ​ല​പ്പു​റം ജി​ല്ല​യി​ലെ പൊ​ന്നാ​നി താ​ലൂ​ക്കി​ൽ കൂ​ട​ല്ലൂ​രി​ൽ പു​ന്ന​യൂ​ര്‍ക്കു​ളം ടി. ​നാ​രാ​യ​ണ​ന്‍ നാ​യ​രു​ടെ​യും അ​മ്മാ​ളു അ​മ്മ​യു​ടെ​യും നാ​ലു ആ​ണ്‍മ​ക്ക​ളി​ല്‍ ഏ​റ്റ​വും ഇ​ള​യ​വ​നാ​യാ​യി​രു​ന്നു വാ​സു​വി​ന്റെ ജ​ന​നം. സ്വ​ന്തം അ​നു​ഭ​വ​പ​രി​സ​ര​ങ്ങ​ളി​ൽ തൊ​ട്ട​ടു​ത്ത് ക​ണ്ട മ​നു​ഷ്യ​രാ​യി​രു​ന്നു എം.​ടി​യു​ടെ ക​ഥാ​പാ​ത്ര​ങ്ങ​ളി​ൽ ഏ​റെ​യും. ജീ​ർ​ണി​ച്ചു നി​ലം​പൊ​ത്താ​റാ​യ നാ​ലു​കെ​ട്ടു​ക​ൾ​ക്കു​ള്ളി​ൽ നെ​ടു​വീ​ർ​പ്പി​ടു​ന്ന മ​നു​ഷ്യ​രെ എം.​ടി ലോ​ക​ത്തി​നു മു​ന്നി​ൽ മാ​റാ​ല നീ​ക്കി കാ​ട്ടി​ക്കൊ​ടു​ത്തു.

കാ​ല​വും മ​ഞ്ഞും അ​സു​ര​വി​ത്തും പാ​തി​രാ​വും പ​ക​ൽ​വെ​ളി​ച്ച​വും ര​ണ്ടാ​മൂ​ഴ​വും പോ​ലു​ള്ള കൃ​തി​ക​ൾ മ​ല​യാ​ള നോ​വ​ൽ സാ​ഹി​ത്യ​ത്തെ മാ​റ്റി​പ്പ​ണി​തു. ദാ​ർ എ​സ് സ​ലാ​മും ഷെ​ർ​ല​കും വാ​രി​ക്കു​ഴി​യും വാ​ന​പ്ര​സ്ഥ​വും നി​ന്റെ ഓ​ർ​മ​ക്കും പോ​ലു​ള്ള മി​ക​വു​റ്റ ക​ഥ​ക​ൾ കാ​ല​ങ്ങ​ൾ​ക്കു​മ​പ്പു​റ​ത്തേ​ക്ക് സ​ഞ്ച​രി​ച്ചു. കൈ​ക്കു​റ്റ​പ്പാ​ട് തീ​ർ​ത്ത തി​ര​ക്ക​ഥ​ക​ളാ​യി​രു​ന്നു എം.​ടി​യു​ടെ തൂ​ലി​ക​യി​ൽ​നി​ന്ന് പി​റ​ന്ന​ത്. കാ​ല​മേ​റെ ക​ഴി​ഞ്ഞി​ട്ടും മ​ല​യാ​ള സി​നി​മ പു​തി​യ ച​ക്ര​വാ​ള​ങ്ങ​ളി​ലേ​ക്ക് പ​റ​ന്നു​യ​ർ​ന്നി​ട്ടും എം.​ടി വെ​ള്ളി​ത്തി​ര​യി​ൽ ജീ​വ​ൻ ന​ൽ​കി​യ ക​ഥാ​പാ​ത്ര​ങ്ങ​ളു​ടെ സം​ഭാ​ഷ​ണ​ങ്ങ​ൾ ഇ​പ്പോ​ഴും മ​ല​യാ​ളി​ക​ൾ ഓ​ർ​ത്തി​രി​ക്കു​ന്നു. ആ​വ​ർ​ത്തി​ച്ച് ഉ​രു​വി​ടു​ന്നു. മ​ക​നെ വീ​തു​ളി എ​റി​ഞ്ഞു​വീ​ഴ്ത്തി​യ പെ​രു​ന്ത​ച്ച​നും ച​തി​യ​നെ​ന്ന് മു​ദ്ര​പ​തി​ഞ്ഞ ച​ന്തു​വി​നും എം.​ടി ന​ൽ​കി​യ തി​ര​ഭാ​ഷ്യം ലോ​ക സി​നി​മ​യി​ൽ​ത​ന്നെ അ​പൂ​ർ​വം.

ന​ഗ​ര​മേ ന​ന്ദി​യും കു​ട്ട്യേ​ട​ത്തി​യും പ​ഞ്ചാ​ഗ്നി​യും അ​ടി​യൊ​ഴു​ക്കു​ക​ളും വൈ​ശാ​ലി​യും ഒ​രു വ​ട​ക്ക​ൻ വീ​ര​ഗാ​ഥ​യും പെ​രു​ന്ത​ച്ച​നും താ​ഴ്വാ​ര​വും പോ​ലു​ള്ള ക്ലാ​സി​ക് സി​നി​മ​ക​ൾ മാ​ത്ര​മ​ല്ല, ദേ​ശീ​യ പു​ര​സ്കാ​രം നേ​ടി​യ നി​ർ​മാ​ല്യ​ത്തി​ന്റെ സം​വി​ധാ​യ​ക​നു​മാ​ണ് അ​ദ്ദേ​ഹം. എം.​ടി​യു​ടെ ന​വ​തി ക​ഴി​ഞ്ഞ കു​റ​ച്ചു​നാ​ളു​ക​ളാ​യി കേ​ര​ളീ​യ സ​മൂ​ഹം ആ​ഘോ​ഷ​മാ​ക്കി​യി​രി​ക്കു​ക​യാ​ണ്. തു​ഞ്ച​ൻ​പ​റ​മ്പി​ൽ ന​ട​ന്ന ആ​ഘോ​ഷ​ങ്ങ​ളി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​നും ന​ട​ൻ മ​മ്മൂ​ട്ടി​യും പോ​ലു​ള്ള പ്ര​മു​ഖ​രാ​ണ് എ​ത്തി​യ​ത്. മാ​തൃ​ഭൂ​മി ഒ​രാ​ഴ്ച നീ​ണ്ട പ​രി​പാ​ടി​ക​ളും സം​ഘ​ടി​പ്പി​ച്ചി​രു​ന്നു.