എം.​എ​സ്.​സി എ​ൽ​സ-3: നഷ്ടപരിഹാരമായി 5.97 കോടി കപ്പൽ കമ്പനി കെട്ടിവെച്ചു

കൊ​ച്ചി: മേ​യ് 24ന് ​കൊ​ച്ചി തീ​ര​ത്ത് മു​ങ്ങി​യ എം.​എ​സ്.​സി എ​ൽ​സ-3 ക​പ്പ​ൽ മു​ഖേ​ന ച​ര​ക്ക്​ അ​യ​ച്ച​വ​ർ​ക്ക്​ ഹൈ​കോ​ട​തി ഇ​ട​പെ​ട​ലി​നെ​ത്തു​ട​ർ​ന്ന് ന​ഷ്ട​പ​രി​ഹാ​ര​മാ​യി 5.97 കോ​ടി രൂ​പ കെ​ട്ടി​വെ​ച്ച്​ ക​പ്പ​ൽ ക​മ്പ​നി. ക​പ്പ​ൽ മു​ങ്ങി ക​ണ്ടെ​യ്​​ന​റു​ക​ൾ വെ​ള്ള​ത്തി​ലാ​യ​തി​നെ​ത്തു​ട​ർ​ന്ന്​ ത​ങ്ങ​ൾ​ക്കു​ണ്ടാ​യ ന​ഷ്ടം വീ​ട്ടു​ന്ന​തു​വ​രെ വി​ഴി​ഞ്ഞ​ത്ത്​ ന​ങ്കൂ​ര​മി​ട്ടി​രി​ക്കു​ന്ന ക​മ്പ​നി​യു​ടെ മ​റ്റൊ​രു ക​പ്പ​ൽ എം.​എ​സ്.​സി മാ​ന​സ തീ​രം വി​ടു​ന്ന​ത്​ ത​ട​യ​ണ​മെ​ന്നാ​വ​ശ്യ​പ്പെ​ട്ട്​ അ​ഞ്ച്​ വ്യാ​പാ​രി​ക​ൾ ന​ൽ​കി​യ ഹ​ര​ജി​യി​ലെ ന​ട​പ​ടി​ക​ൾ​ക്ക്​ പി​ന്നാ​ലെ​യാ​ണ്​ ന​ഷ്ട​പ​രി​ഹാ​രം കെ​ട്ടി​വെ​ച്ച​ത്.

എം.​എ​സ്.​സി മെ​ഡി​റ്റ​റേ​നി​യ​ൻ ഷി​പ്പി​ങ്​ ക​മ്പ​നി​യു​ടെ എം.​എ​സ്.​സി എ​ൽ​സ-3 ക​പ്പ​ലി​ൽ ഹ​ര​ജി​ക്കാ​ർ അ​യ​ച്ച ച​ര​ക്കു​ക​ളാ​ണ്​ ന​ഷ്ട​പ്പെ​ട്ട​ത്. ന​ഷ്ട​പ​രി​ഹാ​രം ഈ​ടാ​ക്കാ​നു​ള്ള ന​ട​പ​ടി​ക​ൾ ഉ​ണ്ടാ​കാ​തി​രു​ന്ന​തി​നെ​ത്തു​ട​ർ​ന്ന്​ വ്യാ​പാ​രി​ക​ൾ ഹൈ​കോ​ട​തി​യെ സ​മീ​പി​ക്കു​ക​യാ​യി​രു​ന്നു. ക​പ്പ​ൽ ക​മ്പ​നി​യു​ടെ അ​ശ്ര​ദ്ധ​മൂ​ല​മു​ണ്ടാ​യ സാ​​ങ്കേ​തി​ക, യ​ന്ത്ര​ത്ത​ക​രാ​ർ മൂ​ല​മാ​ണ്​ ക​പ്പ​ൽ മു​ങ്ങി​യ​തെ​ന്നും ന​ഷ്ട​പ​രി​ഹാ​രം ന​ൽ​കാ​ൻ ബാ​ധ്യ​സ്ഥ​രാ​ണെ​ന്നു​മാ​യി​രു​ന്നു ഹ​ര​ജി​ക്കാ​രു​ടെ വാ​ദം. ക​പ്പ​ൽ ക​മ്പ​നി ത​ങ്ങ​ളു​ടെ ന​ഷ്ടം നി​ക​ത്തു​മെ​ന്ന്​ ഉ​റ​പ്പു​വ​രു​ത്താ​ൻ എം.​എ​സ്.​സി മാ​ന​സ ക​പ്പ​ൽ അ​റ​സ്റ്റ്​ ചെ​യ്യാ​ൻ ഉ​ത്ത​ര​വി​ട​ണ​മെ​ന്നും ഉ​ത്ത​ര​വ്​ വി​ഴി​ഞ്ഞം തു​റ​മു​ഖ​ത്തി​ന്​ കൈ​മാ​റ​ണ​മെ​ന്നു​മാ​യി​രു​ന്നു ഇ​വ​രു​ടെ ആ​വ​ശ്യം. ക​പ്പ​ൽ ത​ട​ഞ്ഞു​വെ​ക്കാ​ൻ അ​റ​സ്റ്റ്​ ഉ​ത്ത​ര​വി​ടേ​ണ്ട​തി​ല്ലെ​ന്നും വ്യാ​ഴാ​ഴ്ച​ത​ന്നെ ന​ഷ്ട​പ​രി​ഹാ​ര​ത്തു​ക കെ​ട്ടി​വെ​ക്കാ​മെ​ന്നും ക​പ്പ​ൽ ക​മ്പ​നി അ​റി​യി​ച്ചു.

ക​പ്പ​ൽ വ്യാ​ഴാ​ഴ്ച മ​ട​ങ്ങാ​നി​രി​ക്കു​ന്ന​താ​ണെ​ന്നും അ​റ​സ്റ്റ്​ ഉ​ത്ത​ര​വി​ല്ലെ​ങ്കി​ൽ ന​ഷ്​​ട​പ​രി​ഹാ​രം ത​രാ​തെ തീ​രം വി​ടാ​ൻ സാ​ധ്യ​ത​യു​ണ്ടെ​ന്നു​മു​ള്ള ആ​ശ​ങ്ക ഹ​ര​ജി​ക്കാ​ർ ആ​വ​ർ​ത്തി​ച്ചു. തു​ട​ർ​ന്ന്​ കോ​ട​തി​യി​ൽ തു​ക കെ​ട്ടി​വെ​ക്കു​ക​യോ​ ​കോ​ട​തി​ക്ക്​ ബോ​ധ്യ​പ്പെ​ടു​ന്ന​വി​ധം സ​മാ​ന തു​ക​ക്കു​ള്ള സെ​ക്യൂ​രി​റ്റി​ കെ​ട്ടി​വെ​ക്കു​ന്ന​ത്​ വ​രെ​യോ ക​പ്പ​ൽ ത​ട​ഞ്ഞു​വെ​ക്കാ​ൻ ജ​സ്റ്റി​സ്​ എം.​എ. അ​ബ്​​ദു​ൽ​ഹ​ക്കീം ഉ​ത്ത​ര​വ്​ പു​റ​പ്പെ​ടു​വി​ക്കു​ക​യാ​യി​രു​ന്നു. ഉ​ച്ച​ക്കു​ശേ​ഷം ഹ​ര​ജി പ​രി​ഗ​ണി​ക്ക​വേ, അ​ഞ്ച്​ ഹ​ര​ജി​ക്കാ​രും ​​ചേ​ർ​ന്ന്​ പ​ലി​ശ​സ​ഹി​തം ആ​വ​ശ്യ​പ്പെ​ട്ട ആ​കെ തു​ക​യാ​യ 5.97 കോ​ടി രൂ​പ ഹൈ​കോ​ട​തി ര​ജി​സ്​​ട്രാ​റു​ടെ പേ​രി​ൽ ഡി​മാ​ൻ​ഡ്​ ഡ്രാ​ഫ്​​റ്റ്​ ആ​യി നി​ക്ഷേ​പി​ച്ച​തി​ന്‍റെ രേ​ഖ​ക​ൾ ക​പ്പ​ൽ ക​മ്പ​നി ഹാ​ജ​രാ​ക്കി. തു​ക​യോ സെ​ക്യൂ​രി​റ്റി​യോ കെ​ട്ടി​വെ​ച്ചാ​ൽ മ​റ്റൊ​രു ഉ​ത്ത​ര​വി​ല്ലാ​തെ​ത​ന്നെ അ​റ​സ്റ്റ്​ വാ​റ​ണ്ടും ഉ​ത്ത​ര​വും പി​ൻ​വ​ലി​ക്കു​മെ​ന്നും സിം​ഗി​ൾ​ബെ​ഞ്ച്​ ഉ​ത്ത​ര​വി​ൽ വ്യ​ക്ത​മാ​ക്കി​യി​രു​ന്നു. തു​ക കെ​ട്ടി​വെ​ച്ച​താ​യി കോ​ട​തി​ക്ക്​ ബോ​ധ്യ​പ്പെ​ട്ട​തി​നെ​ത്തു​ട​ർ​ന്ന്​ ക​പ്പ​ലി​ന്​ തീ​രം വി​ടാ​ൻ സ്വാ​ഭാ​വി​ക അ​നു​മ​തി​യും ല​ഭി​ച്ചു. ഹ​ര​ജി​ക​ൾ വീ​ണ്ടും 16ന്​ ​പ​രി​ഗ​ണി​ക്കാ​ൻ മാ​റ്റി.