ഗു​രു​ത​ര കു​റ്റ​കൃ​ത്യ​ങ്ങ​ളി​ൽ ഉ​ൾ​പ്പെ​ട്ട 59 പൊലീസുകാരെ പിരിച്ചുവിടാൻ നീക്കം

തി​രു​വ​ന​ന്ത​പു​രം: ഗു​രു​ത​ര കു​റ്റ​കൃ​ത്യ​ങ്ങ​ളി​ൽ ഉ​ൾ​പ്പെ​ട്ട 59 പൊ​ലീ​സ് ഉ​ദ്യോ​ഗ​സ്ഥ​രെ സ​ർ​വി​സി​ൽ​നി​ന്ന്​ പി​രി​ച്ചു​വി​ടാ​ൻ നീ​ക്കം. ജീ​വ​പ​ര്യ​ന്ത​മോ പ​ത്തു​വ​ർ​ഷം വ​രെ​യോ ത​ട​വ് ല​ഭി​ക്കാ​വു​ന്ന കു​റ്റ​കൃ​ത്യ​ങ്ങ​ളി​ൽ ഏ​ർ​പ്പെ​ട്ട​വ​രാ​ണ് പ​ട്ടി​ക​യി​ലു​ള്ള​ത്. ഇ​വ​രു​ടെ ഭാ​ഗം​കൂ​ടി കേ​ട്ട​ശേ​ഷ​മാ​കും ന​ട​പ​ടി. ക്രി​മി​ന​ൽ കേ​സു​ക​ളി​ൽ പ്ര​തി​ക​ളാ​യ പൊ​ലീ​സു​കാ​രെ പി​രി​ച്ചു​വി​ടാ​ൻ നീ​ക്കം ആ​രം​ഭി​ച്ച​താ​യി ന​വം​ബ​റി​ൽ 'മാ​ധ്യ​മം' റി​പ്പോ​ർ​ട്ട്​ ചെ​യ്തി​രു​ന്നു. ഏ​ഴ്​ വ​ർ​ഷ​ത്തി​ൽ താ​ഴെ ശി​ക്ഷ ല​ഭി​ക്കാ​വു​ന്ന കു​റ്റം ചെ​യ്തവ​രെ ത​ൽ​ക്കാ​ലം ഒ​ഴി​വാ​ക്കും.

സം​സ്ഥാ​ന പൊ​ലീ​സി​ൽ​നി​ന്ന്​ ഇ​ത്ര​യും ഉ​ദ്യോ​ഗ​സ്ഥ​രെ ഒ​രു​മി​ച്ച് പി​രി​ച്ചു​വി​ടാ​നു​ള്ള ന​ട​പ​ടി​യി​ലേ​ക്ക്​ ക​ട​ക്കു​ന്ന​ത്​ ആ​ദ്യ​മാ​യാ​ണ്. മു​മ്പ്​ ഇ​ത്ത​രം നീ​ക്കം ന​ട​ന്നെ​ങ്കി​ലും രാ​ഷ്ട്രീ​യ ഇ​ട​പെ​ട​ലു​ക​ളെ​തു​ട​ർ​ന്ന്​ പി​ന്മാ​റി. ആ​ദ്യ പി​ണ​റാ​യി സ​ർ​ക്കാ​ർ അ​ധി​കാ​ര​ത്തി​ൽ​വ​ന്ന 2016 മു​ത​ൽ ഇ​തു​വ​രെ 12 ഉ​ദ്യോ​ഗ​സ്ഥ​രെ പി​രി​ച്ചു​വി​ട്ടു. സേ​ന​യി​ലെ ക്രി​മി​ന​ലു​ക​ളെ പി​രി​ച്ചു​വി​ടു​മെ​ന്ന്​ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​യ​മ​സ​ഭ​യി​ൽ വ്യ​ക്ത​മാ​ക്കി​യി​രു​ന്നു. പീ​ഡ​ന​ക്കേ​സി​ൽ പ്ര​തി​യാ​യ ബേ​പ്പൂ​ർ തീ​ര​ദേ​ശ പൊ​ലീ​സ് സ്റ്റേ​ഷ​ൻ ഇ​ൻ​സ്പെ​ക്ട​ർ പി.​ആ​ർ. സു​നു​വി​നെ പി​രി​ച്ചു​വി​ടാ​നു​ള്ള റി​പ്പോ​ർ​ട്ടി​ലാ​ണ് 58 പേ​രെ​ക്കൂ​ടി പി​രി​ച്ചു​വി​ടേ​ണ്ടി​വ​രു​മെ​ന്ന്​ സ​ർ​ക്കാ​റി​നെ ഡി.​ജി.​പി അ​നി​ൽ​കാ​ന്ത് അ​റി​യി​ച്ച​ത്.

ആ​ഭ്യ​ന്ത​ര അ​ഡീ​ഷ​ന​ൽ ചീ​ഫ് സെ​ക്ര​ട്ട​റി ഡോ. ​വി. വേ​ണു കൈ​മാ​റി​യ റി​പ്പോ​ർ​ട്ട് നി​യ​മ സെ​ക്ര​ട്ട​റി ഹ​രി നാ​യ​ർ വ്യ​വ​സ്ഥ​ക​ളോ​ടെ അം​ഗീ​ക​രി​ച്ചു. സു​നു​വി​നെ​യാ​കും ആ​ദ്യം പി​രി​ച്ചു​വി​ടു​ക. അ​തി​ൽ നി​യ​മ​പ്ര​ശ്നം ഉ​ണ്ടാ​യി​ല്ലെ​ങ്കി​ൽ പ​ടി​പ​ടി​യാ​യി മ​റ്റു​ള്ള​വ​രെ പു​റ​ത്താ​ക്കും. സു​നു​വി​നെ പി​രി​ച്ചു​വി​ടാ​നു​ള്ള ഫ​യ​ൽ മു​ഖ്യ​മ​ന്ത്രി​യു​ടെ പ​രി​ഗ​ണ​ന​യി​ലാ​ണ്. അ​ദ്ദേ​ഹം ഫ​യ​ലി​ൽ ഒ​പ്പി​ടു​ന്ന മു​റ​ക്ക്​ തു​ട​ർ​ന​ട​പ​ടി​യു​ണ്ടാ​കും.