മോട്ടോർ വാഹനവകുപ്പ്​ ഫയൽ കെട്ടിക്കിടന്നാൽ നടപടി; മുന്നറിയിപ്പുമായി സർക്കുലർ

തി​രു​വ​ന​ന്ത​പു​രം: വി​ജി​ല​ൻ​സ്​ പ​രി​ശോ​ധ​ന​യി​ൽ വ്യാ​പ​ക​ക്ര​മ​ക്കേ​ടു​ക​ൾ ക​ണ്ടെ​ത്തി​യ​തി​ന്​ പി​ന്നാ​ലെ തി​രി​ക്കി​ട്ട ന​ട​പ​ടി​ക​ളു​മാ​യി മോ​ട്ടോ​ർ വാ​ഹ​ന​വ​കു​പ്പ്. അ​പേ​ക്ഷ​ക​ളി​ലും ഫ​യ​ലു​ക​ളി​ലും തീ​രു​മാ​നം വൈ​കു​ന്ന​ത്​ അ​വ​സാ​നി​പ്പി​ക്കാ​ൻ ക​ർ​ശ​ന നി​ർ​ദേ​ശം ന​ൽ​കി.

ഇ​തി​ന്‍റെ ഭാ​ഗ​മാ​യി ഒ​രോ ദി​വ​സ​വും ല​ഭി​ക്കു​ന്ന അ​പേ​ക്ഷ​ക​ളി​ൽ തീ​ർ​പ്പാ​ക്കു​ന്ന​വ​യു​ടെ വി​വ​രം അ​ന്നു​ത​ന്നെ വി​ല​യി​രു​ത്ത​ണം. അ​പേ​ക്ഷ​ക​ൾ​ കെ​ട്ടി​ക്കി​ട​ന്നാ​ൽ ഓ​ഫി​സ് മേ​ധാ​വി ഉ​ത്ത​ര​വാ​ദി​യാ​കും. ഡെ​പ്യൂ​ട്ടി ക​മീ​ഷ​ണ​ര്‍മാ​ര്‍ ഒ​രോ ഓ​ഫി​സി​ലെ​യും ഫ​യ​ല്‍ നീ​ക്കം പ​രി​ശോ​ധി​ക്കു​ക​യും വീ​ഴ്ച വ​രു​ത്തു​ന്ന​വ​ര്‍ക്കെ​തി​രെ ന​ട​പ​ടി എ​ടു​ക്കു​ക​യും വേ​ണ​​മെ​ന്ന് ഗ​താ​ഗ​ത ക​മീ​ഷ​ണ​റു​ടെ സ​ർ​ക്കു​ല​റി​ൽ നി​​ർ​ദേ​ശി​ക്കു​ന്നു.

ഇ​ട​നി​ല​ക്കാ​രു​ടെ മാ​ത്രം അ​പേ​ക്ഷ​ക​ള്‍ തേ​ടി​പ്പി​ടി​ച്ച് തീ​ര്‍പ്പാ​ക്കു​ന്ന​താ​യി വി​ജി​ല​ന്‍സ് പ​രി​ശോ​ധ​ന​യി​ല്‍ ക​ണ്ടെ​ത്തി​യി​രു​ന്നു. ഇ-​മെ​യി​ലാ​യി ല​ഭി​ക്കു​ന്ന പ​രാ​തി​ക​ളി​ലും കൈ​പ്പ​റ്റ് ര​സീ​ത് ന​ല്‍കാ​ൻ ഉ​ദ്യോ​ഗ​സ്ഥ​ര്‍ക്ക് നി​ര്‍ദേ​ശം ന​ല്‍കി. ഇ​ത്ത​രം പ​രാ​തി​ക​ള്‍ ന​ട​പ​ടി​യെ​ടു​ക്കാ​തെ മാ​റ്റി​വെ​ക്കു​ന്ന​താ​യി ക​ണ്ടെ​ത്തി​യ​തി​നെ​തു​ട​ര്‍ന്നാ​ണി​ത്.

തീ​രു​മാ​നം വൈ​കി​യാ​ലോ ന​ട​പ​ടി ഉ​ണ്ടാ​യി​ല്ലെ​ങ്കി​ലോ അ​പേ​ക്ഷ​ക​ര്‍ക്ക് കൈ​പ്പ​റ്റ് ര​സീ​ത് വെ​ച്ച് മേ​ലു​ദ്യോ​ഗ​സ്ഥ​ര്‍ക്ക് പ​രാ​തി ന​ല്‍കാം. മോ​ട്ടോ​ർ വാ​ഹ​ന വ​കു​പ്പി​ൽ ആ​ഭ്യ​ന്ത​ര വി​ജി​ല​ൻ​സ്​ സം​വി​ധാ​നം ആ​രം​ഭി​ക്ക​ന്ന​തും പ​രി​ഗ​ണ​ന​യി​ലു​ണ്ട്. ഫ​യ​ലു​ക​ൾ വി​കേ​ന്ദ്രീ​ക​രി​ച്ച് തീ​ർ​പ്പാ​ക്കു​ന്ന സം​വി​ധാ​നം പ​രീ​ക്ഷ​ണാ​ടി​സ്ഥാ​ന​ത്തി​ൽ ആ​രം​ഭി​ച്ചെ​ങ്കി​ലും കാ​ര്യ​ക്ഷ​മ​മ​ല്ല. ഒ​രു ഫ​യ​ലും അ​ഞ്ചു​ദി​വ​സ​ത്തി​ൽ കൂ​ടു​ത​ൽ കെ​ട്ടി​ക്കി​ട​ക്കാ​ൻ പാ​ടി​ല്ലെ​ന്നാ​ണ് വ​കു​പ്പി​ന്‍റെ നി​ല​പാ​ട്. നി​ശ്ചി​ത സ​മ​യ​പ​രി​ധി​യി​ൽ കൂ​ടു​ത​ൽ ഫ​യ​ൽ കൈ​വ​ശം ​വെ​ക്കു​ന്ന​വ​രു​ടെ വി​വ​രം ഡി​ജി​റ്റ​ലാ​യി ശേ​ഖ​രി​ക്കാ​നും ന​ട​പ​ടി ആ​രം​ഭി​ച്ചു.