‘സഹിച്ചു, പക്ഷെ, കൊല്ലുമെന്ന് ഉറപ്പായപ്പോൾ പിടിച്ചുനിൽക്കാനായില്ല...’; ല​ഹ​രി​ക്ക് അ​ടി​മ​യാ​യ മകനെ പൊലീസിന് കൈമാറിയ മാ​താ​വ് പറയുന്നത് ​പൊളളുന്ന അനുഭവങ്ങൾ

കോഴിക്കോട്: എല്ലാ അമ്മമാരെപ്പോലെ ഏറെ സഹിച്ചു. പക്ഷെ, എന്നെ കൊല്ലുമെന്ന് ഉറപ്പായപ്പോൾ പിടിച്ചു നിൽക്കാൻ കഴിഞ്ഞില്ലെന്ന് എലത്തൂർ ചെട്ടികുളത്തെ മിനി. ഇന്നലെയാണ് ലഹരിക്ക് അടിമയായ 26കാരനായ മകൻ രാഹുലിനെ മിനി പൊലീസിന് ​ൈകമാറിയത്. ‘മകന് ഏറ്റവും ഇഷ്ടം എന്നോട് തന്നെയാണ്. പക്ഷെ, ഞാൻ തന്നെയാണ് അവന്റെ ലഹരി ഉപയോഗവും കൂട്ടുകെട്ടും ചോദ്യം ചെയ്യാറ്. അതവന് സഹിക്കാൻ കഴിയുമായിരുന്നില്ല. അത്, വലിയ പകയായി ഉള്ളിൽ കൊണ്ടു നടന്നു. അതാണ്, കൊല്ലുമെന്ന് ഭീഷണിപ്പെടുത്തുന്നതിലേക്ക് നയിച്ചതെന്ന്’ മാതാവ് മിനി പറയുന്നു.

അ​വ​ൻ കു​ടും​ബ​ത്തി​നും നാ​ടി​നും ഒ​രി​ക്ക​ലും ഭീ​ഷ​ണി​യാ​വ​രു​ത്. ല​ഹ​രി​ക്ക് അ​ടി​മ​യാ​യ രാഹുലിനെ വെ​ള്ളി​യാ​ഴ്ചയാണ് പൊ​ലീ​സ് അ​റ​സ്റ്റു​ചെ​യ്തത്. 13വയസുമുതൽ ലഹരി ഉപയോഗിച്ച് വരുന്നതായി മകൻ പറഞ്ഞതായി മാതാവ് മിനി പറയുന്നു. 18 വയസുമുതലാണ് അവൻ ലഹരി ഉപ​യോഗിക്ക​ുന്നതായി തിരിച്ചറിയാൻ കഴിഞ്ഞത്. തുടക്കത്തിൽ കഞ്ചാവായിരുന്നു.പിന്നെ മറ്റു പലതുമായി. അവന് നിർത്തണമെന്ന് ആഗ്രഹമുണ്ടായിരുന്നു. നിരവധി തവണ ലഹരിമുക്ത കേന്ദ്രങ്ങളിൽ ചികിത്സ തേടി. എല്ലാറ്റിൽ നിന്നും മാറി നടക്കും. പിന്നെ, സുഹൃത്തുക്കളിൽ നിന്നും അവനിതൊക്കെ കിട്ടും.

കിട്ടിക്കഴിഞ്ഞാൽ പിന്നെ എല്ലാം പഴയ പടിയായി. പിന്നെ അതുവരെ മരുന്നു കഴിച്ചതൊക്കെ വെറുതെയാവുമെന്ന് മിനി പറയുന്നു. നേരത്തെ ഓരോ കേസിൽ നിന്നും അവനെ ഇറക്കികൊണ്ടുവന്നത് ഞാൻ തന്നെയാണെന്ന് മിനി പറയുന്നു. ഇനി അവൻ എത്ര പറഞ്ഞാലും അവനോട് കനിവ് കാണിച്ചില്ല. മനസ് കല്ലാക്കാൻ തീരുമാനിച്ചിരിക്കുകയാണെന്ന് മിനി പറയുന്നു.

കഴിഞ്ഞ ഒരു വർഷം മുൻപാണ് മറ്റൊരു കേസിൽ പ്രതിയായ രാഹുൽ ജയിലിൽ നിന്നും പുറ​ത്തിറങ്ങിയത്. കു​ടും​ബ​ത്തെ ഒ​ന്ന​ട​ങ്കം കൊ​ല്ലു​മെ​ന്ന് ഭീ​ഷ​ണി​പ്പെ​ടു​ത്തി​യ ചെ​ട്ടി​കു​ളം വാ​ളി​യി​ൽ രാ​ഹു​​ലി​നെ (25) എ​ല​ത്തൂ​ർ പൊ​ലീ​സ് അ​റ​സ്റ്റു​ചെ​യ്ത് കൊ​ണ്ടു​പോ​കു​മ്പോ​ൾ ല​ഹ​രി​ക്കെ​തി​രെ വ​ലി​യ പാ​ഠ​മാ​ണ് ഉ​യ​ർ​ത്തി​യ​ത്. പോ​ക്സോ ഉ​ൾ​പ്പെ​ടെ നി​ര​വ​ധി കേ​സു​ക​ളി​ൽ പ്ര​തി​യാ​യ യു​വാ​വി​ന്റെ നി​ര​ന്ത​ര വ​ധ​ഭീ​ഷ​ണി​യെ​ത്തു​ട​ർ​ന്ന് സ​ഹി​കെ​ട്ട പെ​റ്റ​മ്മ​ത​ന്നെ​യാ​ണ് എ​ല​ത്തൂ​ർ പൊ​ലീ​സി​ൽ വി​വ​ര​മ​റി​യി​ച്ച​ത്. വി​വി​ധ കേ​സു​ക​ളി​ൽ ജാ​മ്യം നേ​ടി മു​ങ്ങി​ന​ട​ക്കു​ക​യാ​യി​രു​ന്ന രാ​ഹു​ലി​ന്റെ കാ​ര്യ​ത്തി​ൽ വ​ർ​ഷ​ങ്ങ​ളാ​യി തീ​തി​ന്നു​ക​യാ​യി​രു​ന്നു കു​ടും​ബം.

എ​ല​ത്തൂ​ർ, കൂ​രാ​ച്ചു​ണ്ട്, പീ​രു​മേ​ട്, കൊ​യി​ലാ​ണ്ടി സ്റ്റേ​ഷ​നു​ക​ളി​ൽ വ​ധ​ശ്ര​മം, പോ​ക്സോ അ​ട​ക്കം കേ​സു​ക​ളി​ൽ പ്ര​തി​യാ​ണി​യാ​ൾ. പി​താ​വി​നെ​യും മാ​താ​വി​നെ​യും സ​ഹോ​ദ​രി​യു​ടെ മൂ​ന്ന​ര​വ​യ​സ്സു​ള്ള കു​ഞ്ഞി​നെ​യും കൊ​ല്ലാ​ൻ തീ​രു​മാ​ന​മെ​ടു​ത്ത​താ​യി ക​ഴി​ഞ്ഞ​ദി​വ​സം രാ​ത്രി രാ​ഹു​ൽ ഭീ​ഷ​ണി​പ്പെ​ടു​ത്തി​യി​രു​ന്നു. മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന രാ​ഹു​ൽ അ​ത് ചെ​യ്യാ​ൻ മ​ടി​ക്കി​ല്ലെ​ന്ന് ഉ​റ​പ്പു​ള്ള​തി​നാ​ലാ​ണ് പൊ​ലീ​സി​ൽ വി​വ​രം അ​റി​യി​ച്ച​ത്. എ​ട്ടാം​ക്ലാ​സി​ൽ പ​ഠി​ക്കു​മ്പോ​ൾ​ത​ന്നെ ല​ഹ​രി ഉ​പ​യോ​ഗി​ച്ച രാ​ഹു​ലി​നെ പ​ത്താം ക്ലാ​സി​ൽ പ​ഠി​ക്കു​ന്ന​വേ​ള​യി​ൽ ക​ഞ്ചാ​വ് വ​ലി​ച്ച​തി​ന് സ്കൂ​ളി​ൽ​നി​ന്ന് പു​റ​ത്താ​ക്കി​യി​രു​ന്നു. പ​ണ​ത്തി​ന് വീ​ട്ടി​ൽ നി​ര​ന്ത​രം വ​ഴ​ക്കു​ണ്ടാ​ക്കാ​റു​ണ്ടാ​യി​രു​ന്ന രാ​ഹു​ൽ ക​ഴി​ഞ്ഞ​ദി​വ​സം സ​ഹോ​ദ​രി​യു​ടെ കു​ട്ടി​ക്ക് മി​ഠാ​യി ന​ൽ​കി​യ​തി​ൽ സം​ശ​യം​തോ​ന്നി​യ മാ​താ​വ് ചോ​ദ്യം ചെ​യ്തു.

സ്ഥി​ര​മാ​യി മ​യ​ക്കു​മ​രു​ന്ന് ഉ​പ​യോ​ഗി​ക്കു​ന്ന രാ​ഹു​ലി​ന്റെ പ്ര​വൃ​ത്തി​ക​ളി​ൽ സം​ശ​യ​മു​ള്ള​തി​നാ​ലാ​ണ് ചോ​ദ്യം ചെ​യ്ത​ത്. ഇ​തി​ൽ ക്ഷു​ഭി​ത​നാ​യ രാ​ഹു​ൽ മാ​താ​വി​നെ അ​സ​ഭ്യം പ​റ​യു​ക​യും സാ​ധ​ന​ങ്ങ​ൾ എ​ടു​ത്തെ​റി​യു​ക​യും ചെ​യ്തു. വീ​ട്ടി​ലു​ണ്ടാ​യി​രു​ന്ന മു​ത്ത​ശ്ശി​യെ അ​ടി​ക്കാ​ൻ ചെ​ല്ലു​ക​യും ചെ​യ്തു. പൊ​ലീ​സി​നെ വി​ളി​ക്കു​മെ​ന്ന് മാ​താ​വ് പ​റ​ഞ്ഞ​പ്പോ​ൾ താ​ൻ ക​ഴു​ത്തി​ന്റെ ഞ​ര​മ്പ് മു​റി​ക്കു​ക​യും നി​ങ്ങ​ളാ​ണ് ചെ​യ്ത​തെ​ന്ന് പ​റ​യു​മെ​ന്ന് മാ​താ​വി​നെ ഭീ​ഷ​ണി​പ്പെ​ടു​ത്തു​ക​യും ചെ​യ്തു. മൂ​ന്നു​മാ​സ​ത്തി​നു​ള്ളി​ൽ എ​ല്ലാ​വ​രെ​യും കൊ​ന്ന് ജ​യി​ലി​ൽ​പോ​വു​മെ​ന്ന് പ​റ​യു​ക​യും ചെ​യ്തി​രു​ന്നു​വ​​ത്രെ. വി​വി​ധ കേ​സു​ക​ൾ ഉ​ള്ള​തി​നാ​ൽ ജ​യി​ലി​ൽ​പോ​വേ​ണ്ടി​വ​രു​മെ​ന്ന് ഉ​റ​പ്പു​ള്ള​തി​നാ​ൽ ഏ​ത് ആ​ക്ര​മ​ണ​ത്തി​നും മു​തി​രു​മെ​ന്ന പേ​ടി​യു​ണ്ടാ​യ​തി​നാ​ലാ​ണ് പൊ​ലീ​സി​ൽ അ​റി​യി​ച്ച​തെ​ന്ന് മാ​താ​വ് പ​റ​ഞ്ഞു.

പൊ​ലീ​സ് പി​ടി​ക്കാ​ൻ വ​ന്ന​തു​കൊ​ണ്ടാ​ണ് ആ​ത്മ​ഹ​ത്യ ചെ​യ്യു​ന്ന​തെ​ന്ന കു​റി​പ്പ് രാ​ഹു​ൽ എ​ഴു​തി​വെ​ച്ചി​രു​ന്നു. പൊ​ലീ​സ് എ​ത്തി​യ​പ്പോ​ൾ പൊ​ലീ​സി​നു​നേ​രെ തി​രി​ഞ്ഞ രാ​ഹു​ൽ ചാ​ന​ലു​കാ​ർ എ​ത്തി​യാ​ൽ മാ​ത്ര​മേ കൂ​ടെ പോ​കൂ​വെ​ന്ന് പ​റ​ഞ്ഞ് പ​രാ​ക്ര​മം കാ​ണി​ച്ചു. വി​വി​ധ കേ​സു​ക​ളി​ൽ അ​റ​സ്റ്റ് വാ​റ​ന്റു​ള്ള രാ​ഹു​ലി​നെ പോ​ക്സോ കേ​സി​ലാ​ണ് എ​ല​ത്തൂ​ർ എ​സ്.​ഐ മു​ഹ​മ്മ​ദ് സി​യാ​ദ് അ​റ​സ്റ്റു​ചെ​യ്ത​ത്.