Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightകുഞ്ഞിനെ...

കുഞ്ഞിനെ പള്ളിമുറ്റത്ത്​ ഉ​േപക്ഷിച്ച സംഭവത്തിൽ അമ്മ അറസ്​റ്റിൽ

text_fields
bookmark_border
കുഞ്ഞിനെ പള്ളിമുറ്റത്ത്​ ഉ​േപക്ഷിച്ച സംഭവത്തിൽ അമ്മ അറസ്​റ്റിൽ
cancel

കോഴിക്കോട്: നാലു ദിവസം പ്രായമുള്ള കുട്ടിയെ പള്ളിമുറ്റത്ത് ഉപേക്ഷിച്ച സംഭവത്തിൽ അമ്മ അറസ്​റ്റിൽ. കരിപ്പൂർ വി മാനത്താവളത്തിൽ കഫറ്റീരിയയിൽ ജോലി ചെയ്യുന്ന 21കാരിയെയാണ് പന്നിയങ്കര പൊലീസ് അറസ്​റ്റ്​ ചെയ്തത്. കഴിഞ്ഞ ദിവസം സ ്വദേശമായ തൃശൂരിൽ ചെന്ന്​​ യുവതിയെ ​െപാലീസ്​ കസ്​റ്റഡിയിലെടുക്കുകയായിരുന്നു​. പിന്നീട്​ അറസ്​റ്റ്​ രേഖപ്പെട ുത്തി. കുട്ടിയുടെ പിതാവ്​ സഹപ്രവർത്തകനും മലപ്പുറം തവന്നൂർ സ്വദേശിയുമായ 21കാരനാണ്​. ഒന്നര വർഷം മുമ്പാണ്​ ഇരുവരും ബന്ധം തുടങ്ങിയതെന്നും വീട്ടുകാരറിയാത്ത ബന്ധമായതിനാലാണ്​ കുഞ്ഞിനെ ഉപേക്ഷിച്ചതെന്നും പൊലീസ്​ പറഞ്ഞു.

ഇരുവരും കരിപ്പൂരിൽത​െന്നയായിരുന്നു താമസം. ഇടക്ക്​ മാത്രമാണ്​ യുവതി വീട്ടിൽ പോയിരുന്നത്​. യുവതി ഗർഭിണിയാണെന്ന്​ മാതാവിന്​ സംശയം തോന്നിയിരുന്നെങ്കിലും വിദഗ്​ധമായി മാതാവിനെ തെറ്റിദ്ധരിപ്പിച്ചു. പിന്നീട്​ ഗൾഫിൽ ജോലിതേടി പോയ യുവാവിനെ​ പ്രസവത്തിന്​ ഒരാഴ്​ചമുമ്പ്​ യുവതി വിളിച്ചുവരുത്തുകയായിരുന്നു. തുടർന്ന്​ ഇവർ ബംഗളൂരു ആർ.കെ ആശുപത്രിയിൽ ചികിത്സ തേടി. പ്രസവം കഴിഞ്ഞ്​ ട്രെയിനിൽ കോഴിക്കോ​െട്ടത്തിയ ഇരുവരും യുവാവി​​​െൻറ ബുള്ളറ്റിൽ പന്നിയങ്കര പള്ളിയിലെത്തി കുഞ്ഞിനെ ഉപേക്ഷിക്കുകയായിരുന്നു.

സംഭവ ദിവസത്തെ സി.സി.ടി.വി ദൃശ്യങ്ങൾ പൊലീസ്​ പരിശോധിക്കുന്നതിനിടെ സംശയകരമായ ബുള്ളറ്റ്​ ശ്രദ്ധയിൽ പെടുകയും ആ ബുള്ളറ്റ്​ നമ്പർ വഴി യുവാവി​​​െൻറ വീട്ടിലെത്തുകയുമായിരുന്നു. അവിടെനിന്നാണ്​​ യുവതിയുടെ വിവരങ്ങൾ ലഭിച്ചത്​. എന്നാൽ, കുഞ്ഞിനെ ഉപേക്ഷിച്ച ശേഷം നവംബർ ഒന്നിന്​ യുവാവ്​ ഗൾഫി​േലക്ക്​ തിരിച്ചുപോയതിനാൽ പിടികൂടാനായിട്ടില്ല.

സാധാരണ പ്രസവമായിരുന്നെങ്കിലും പ്രസവശേഷം വേണ്ടത്ര ചികിത്സ ലഭിക്കാത്തതിനാൽ ആരോഗ്യ പ്രശ്​നങ്ങൾ നേരിടുന്ന യുവതിയെ കോഴിക്കോട്​ മെഡിക്കൽ കോളജ്​ ​െഎ.എം.സി.എച്ചിൽ പ്രവേശിപ്പിച്ചിരിക്കുകയാണ്​. കുഞ്ഞ്​ ശിശുക്ഷേമ സമിതിയുടെ സ​​െൻറ്​ വിൻസൻറ്​ ഹോമിലാണുള്ളത്​.


Show Full Article
TAGS:Abandoning newborn calicut mosque arrest kerala news 
Next Story