You are here

അമ്മയും നാല് വയസ്സുകാരിയും അന്തിയുറങ്ങുന്നത് റെയിൽവേ സ്​റ്റേഷനിൽ

08:05 AM
16/01/2020

തൃ​ശൂ​ർ: വൈ​കു​ന്നേ​ര​മാ​യാ​ൽ ഹ​സീ​ന റെ​യി​ൽ​വേ സ്​​റ്റേ​ഷ​നി​ലെ​ത്തും. നാ​ലു​വ​യ​സ്സു​കാ​രി​യെ അ​രി​കി​ലി​രു​ത്തി നേ​രം വെ​ളു​പ്പി​ക്കും. നേ​രം വെ​ളു​ത്താ​ൽ തൃ​പ്ര​യാ​റി​ലെ വ​സ്ത്ര​ശാ​ല​യി​ലേ​ക്ക് ജോ​ലി​ക്ക് പോ​കും. ക​ഥ​യെ​ന്ന് ക​രു​ത​രു​ത്. തൃ​ശൂ​ർ റെ​യി​ൽ​വേ സ്​​റ്റേ​ഷ​നി​ൽ കാ​ണു​ന്ന കാ​ഴ്ച​ക​ളി​ലൊ​ന്നാ​ണി​ത്. സ്ത്രീ ​സു​ര​ക്ഷ​യു​ടെ​യും സം​ര​ക്ഷ​ണ​ത്തി​െൻറ​യും പേ​രി​ൽ പ​ദ്ധ​തി​ക​ളും രാ​ത്രി​കാ​ല യാ​ത്ര​യും കൊ​ട്ടി​ഘോ​ഷി​ക്കു​മ്പോ​ൾ ഹ​സീ​ന​യും നാ​ല് വ​യ​സ്സു​കാ​രി കു​ഞ്ഞും ഒ​രു രാ​വ് വെ​ളു​പ്പി​ക്കാ​ൻ പെ​ടാ​പ്പാ​ട്​​പെ​ടു​ന്ന​ത് ഈ ​നാ​ട്ടി​ലാ​ണ്. 

തൃ​പ്ര​യാ​ർ കോ​ത​കു​ളം സ്വ​ദേ​ശി​നി ഹ​സീ​ന​യാ​ണ് കി​ലോ​മീ​റ്റ​റു​ക​ൾ​ക്കി​പ്പു​റം തൃ​ശൂ​ർ റെ​യി​ൽ​വേ സ്​​റ്റേ​ഷ​നി​ലെ​ത്തി അ​ന്തി​യു​റ​ങ്ങേ​ണ്ടി വ​രു​ന്ന​ത്. ഇ​ഷ്​​ട​പ്പെ​ട്ട പു​രു​ഷ​നെ വി​വാ​ഹം ക​ഴി​ച്ചു. പ​ക്ഷേ, ദാ​മ്പ​ത്യം നീ​ണ്ടു നി​ന്ന​ത് കു​റ​ച്ച് കാ​ല​ങ്ങ​ൾ മാ​ത്രം. ഭ​ർ​ത്താ​വ് ഉ​പേ​ക്ഷി​ച്ച ബ​ന്ധ​ത്തി​ൽ ര​ണ്ട് കു​ട്ടി​ക​ളു​ണ്ട്. വീ​ട്ടു​കാ​രെ ധി​ക്ക​രി​ച്ച് ഇ​റ​ങ്ങി​പ്പോ​യ​വ​ളാ​യ​തി​നാ​ൽ തി​രി​കെ ക​യ​റ്റു​ന്നി​ല്ല. ഏ​റെ നാ​ള​ത്തെ ദു​രി​ത ജീ​വി​ത​ത്തി​നൊ​ടു​വി​ൽ ചെ​റി​യ വ​രു​മാ​ന​മാ​ണെ​ങ്കി​ലും ത​ളി​ക്കു​ള​ത്തെ സ്​​റ്റേ​ഷ​ന​റി ക​ട​യി​ൽ ജോ​ലി ത​ര​പ്പെ​ട്ടു. 

ദു​ര​വ​സ്ഥ​യ​റി​ഞ്ഞ് ക​ട​യി​ൽ ജോ​ലി​ക്കു​ണ്ടാ​യി​രു​ന്ന നി​ധി​ൻ പ്ര​കാ​ശ് എ​ന്ന​യാ​ൾ വി​വാ​ഹ വാ​ഗ്ദാ​നം ന​ൽ​കി. ഇ​വ​ർ എ​റ​ണാ​കു​ള​ത്ത് മ​ര​ടി​ൽ വാ​ട​ക​ക്ക് വീ​ടെ​ടു​ത്തു. കൈ​വ​ശ​മു​ണ്ടാ​യി​രു​ന്ന പ​ണ​വും, സ്വ​ർ​ണ​വു​മെ​ല്ലാം അ​യാ​ൾ വാ​ങ്ങി. ഇ​തോ​ടെ ക്രൂ​ര​പീ​ഡ​ന​വും തു​ട​ങ്ങി. മ​ക്ക​ളെ മ​ർ​ദി​ക്കു​ന്ന​ത് പ​തി​വാ​യി. വീ​ട്ടി​ൽ പോ​യി​ട്ട് വ​രാ​മെ​ന്ന് അ​റി​യി​ച്ച് പോ​യ നി​ധി​ൻ പി​ന്നീ​ട് തി​രി​ച്ചു വ​ന്നി​ല്ല. പ​ല ത​വ​ണ ബ​ന്ധ​പ്പെ​ടാ​ൻ ശ്ര​മി​ച്ചെ​ങ്കി​ലും ഒ​ഴി​ഞ്ഞു മാ​റി. വാ​ട​ക ന​ൽ​കാ​ത്ത​തി​നാ​ൽ ഉ​ട​മ വീ​ടൊ​ഴി​പ്പി​ച്ചു. ഇ​തോ​ടെ​യാ​ണ് റെ​യി​ൽ​വേ സ്​​റ്റേ​ഷ​നെ ആ​ശ്ര​യ​മാ​ക്കി​യ​ത്. 

നി​ധി​ൻ പ്ര​കാ​ശി​നെ​തി​രെ ന​ട​പ​ടി ആ​വ​ശ്യ​പ്പെ​ട്ട് വ​നി​ത സെ​ല്ലി​ന് പ​രാ​തി ന​ൽ​കി​യെ​ങ്കി​ലും ന​ട​പ​ടി​യു​ണ്ടാ​യി​ല്ല. ത​ളി​ക്കു​ള​ത്തെ പൊ​തു​പ്ര​വ​ർ​ത്ത​ക​നാ​യ ശ്രീ​ജി​ത്തി​െൻറ ശ്ര​ദ്ധ​യി​ലാ​ണ് ഹ​സീ​ന​യു​ടെ ദു​ര​വ​സ്ഥ​പെ​ട്ട​ത്. ഇ​വ​രു​ടെ വീ​ട്ടു​കാ​രു​മാ​യി സം​സാ​രി​ച്ചെ​ങ്കി​ലും അം​ഗീ​ക​രി​ക്കാ​ൻ വീ​ട്ടു​കാ​ർ ത​യാ​റാ​യി​ല്ല. സ​ഹാ​യം തേ​ടി​യെ​ത്തി​യ വ​നി​ത ക​മീ​ഷ​നും കൈ​വി​ട്ട​താ​യും ഈ ​യു​വ​തി പ​റ​യു​ന്നു. സം​ര​ക്ഷി​ക്കേ​ണ്ട നി​യ​മ​വും ക​ണ്ണ​ട​ച്ചി​രി​ക്കു​മ്പോ​ൾ നാ​ല് വ​യ​സ്സു​കാ​രി​യെ നെ​ഞ്ചോ​ട് ചേ​ർ​ത്ത് എ​ന്ത് ചെ​യ്യ​ണ​മെ​ന്ന​റി​യാ​ത്ത നി​സ്സ​ഹാ​യ​ത​യി​ലാ​ണ് ഹ​സീ​ന.

Loading...
COMMENTS