തെരുവുനായ്​ക്കൾ കടിച്ചുകീറുന്നതിൽ ഏറെയും കുഞ്ഞുങ്ങൾ; സംവിധാനങ്ങൾ നോക്കുകുത്തി

എ. ​സ​ക്കീ​ർ ഹു​സൈ​ൻ

തി​രു​വ​ന​ന്ത​പു​രം: കു​ട്ടി​ക​ളെ ഉ​ൾ​പ്പെ​ടെ ക​ടി​ച്ചു​കീ​റു​ന്ന തെ​രു​വു​നാ​യ്​ ആ​ക്ര​മ​ണം രൂ​ക്ഷ​മാ​യി​രി​ക്കെ സം​വി​ധാ​ന​ങ്ങ​ൾ നോ​ക്കു​കു​ത്തി​യെ​ന്ന്​ ആ​ക്ഷേ​പം. വാ​ക്സി​നേ​ഷ​നും വ​ന്ധ്യം​ക​ര​ണ​വും ഊ​ർ​ജി​ത​മാ​ക്കി തെ​രു​വു​നാ​യ്​ ഭീ​തി ഇ​ല്ലാ​താ​ക്കാ​ൻ പ്ര​ഖ്യാ​പ​ന​ങ്ങ​ൾ നി​ര​വ​ധി ഉ​ണ്ടാ​യെ​ങ്കി​ലും ഒ​ന്നും കാ​ര്യ​ക്ഷ​മ​മാ​യി​ല്ല. ക​ഴി​ഞ്ഞ മൂ​ന്നു​ ദി​വ​സ​ത്തെ ക​ണ​ക്ക്​ പ്ര​കാ​രം സം​സ്ഥ​ന​ത്ത്​ 1631 പേ​ർ​ക്ക്​ തെ​രു​വു​നാ​യു​ടെ ക​ടി​യേ​റ്റു. അ​തി​ൽ ന​ല്ലൊ​രു ശ​ത​മാ​ന​വും ചെ​റി​യ കു​ട്ടി​ക​ളാ​ണ്.

ഈ ​വ​ർ​ഷം ഏ​ഴു​മാ​സ​ത്തി​നി​ടെ 18 പേ​വി​ഷ മ​ര​ണ​ങ്ങ​ളാ​ണ് സം​സ്ഥാ​ന​ത്ത്​ റി​പ്പോ​ർ​ട്ട് ചെ​യ്ത​ത്. ഇ​തി​ൽ ഒ​മ്പ​തെ​ണ്ണം സ്ഥി​രീ​ക​രി​ച്ചു. ഒ​മ്പ​തെ​ണ്ണ​ത്തി​ന്റെ അ​ന്തി​മ​ഫ​ലം ല​ഭി​ക്കാ​നു​ണ്ട്. ജൂ​ലൈ​യി​ൽ ഇ​തു​വ​രെ മൂ​ന്നു മ​ര​ണ​ങ്ങ​ൾ റി​പ്പോ​ർ​ട്ട് ചെ​യ്തു. ഒ​രു​മ​ണി​ക്കൂ​റി​ൽ 23 പേ​ർ നാ​യ്​​ക​ടി​യേ​ൽ​ക്കു​ന്ന അ​വ​സ്ഥ​യാ​ണ് ഇ​ന്നു​ കേ​ര​ള​ത്തി​ൽ. ശ​നി​യാ​ഴ്ച ത​ല​സ്ഥാ​ന ജി​ല്ല​യി​ൽ ബാ​ല​രാ​മ​പു​ര​ത്ത് നാ​യു​ടെ ആ​ക്ര​മ​ണ​ത്തി​ന് ഇ​ര​യാ​യി മു​ഖ​ത്ത്​ സാ​ര​മാ​യി ക​ടി​യേ​റ്റ കു​ഞ്ഞി​നെ പ്ലാ​സ്റ്റി​ക് സ​ർ​ജ​റി​ക്ക്​ വി​ധേ​യ​മാ​ക്കേ​ണ്ടി​വ​ന്നു.

തെ​രു​വു​നാ​യ്ക്ക​ൾ വീ​ട്ടു​വ​ള​പ്പു​ക​ളി​ലേ​ക്ക് ക​ട​ന്നു​ക​യ​റി ആ​ക്ര​മ​ണം ന​ട​ത്തു​ന്ന സാ​ഹ​ച​ര്യ​ത്തി​ലും ബ​ന്ധ​പ്പെ​ട്ട വ​കു​പ്പു​ക​ൾ കാ​ര്യ​ക്ഷ​മ​മാ​യി ഒ​ന്നും ചെ​യ്യു​ന്നി​ല്ല. തെ​രു​വു​നാ​യ്​ നി​യ​ന്ത്ര​ണ​ത്തി​ന്​ കേ​ന്ദ്ര മാ​ന​ദ​ണ്ഡ​ങ്ങ​ൾ പ​ല​തി​നും ത​ട​സ്സ​മാ​ണെ​ങ്കി​ലും സം​സ്ഥാ​നം പ്ര​ഖ്യാ​പി​ച്ച വാ​ക്സി​നേ​ഷ​നും വ​ന്ധ്യം​ക​ര​ണ​വും എ​ങ്ങു​മെ​ത്തു​ന്നി​ല്ല. ഈ ​വ​ർ​ഷം ആ​റു​മാ​സ​ത്തി​നി​ടെ 1,62,437 പേ​രാ​ണ് നാ​യ്​​ക​ടി​യേ​റ്റ് ചി​കി​ത്സ തേ​ടി​യ​ത്. ശ​രാ​ശ​രി ഓ​രോ മാ​സ​വും 25,000 പേ​ർ നാ​യ്​ ക​ടി​ക്ക്​ ചി​കി​ത്സ തേ​ടു​ന്നു​ണ്ട്. മാ​ർ​ച്ചി​ലാ​ണ് ഏ​റ്റ​വും കൂ​ടു​ത​ൽ നാ​യ്​​ക​ടി റി​പ്പോ​ർ​ട്ട് ചെ​യ്ത​ത് 31,000.

ത​ല​സ്ഥാ​ന ജി​ല്ല​യി​ലാ​ണ്​ ഏ​റ്റ​വും കൂ​ട​ത​ൽ തെ​രു​വു​നാ​യ്​ ആ​ക്ര​മ​ണം ന​ട​ന്ന​ത്. കൊ​ല്ലം, കോ​ട്ട​യം, എ​റ​ണാ​കു​ളം, തൃ​ശൂ​ർ എ​ന്നി​വ​യാ​ണ് തെ​രു​വു​നാ​യ്​ വി​ല്ല​നാ​യ മ​റ്റു ജി​ല്ല​ക​ൾ. തെ​രു​വു​നാ​യ്​ ആ​ക്ര​മ​ണ​ങ്ങ​ൾ​ക്ക്​ പി​ന്നാ​ലെ ക​ടി​ച്ച നാ​യ്ക്ക​ൾ ച​ത്തു​വീ​ഴു​ന്ന​ത്​ ജ​ന​ങ്ങ​ളി​ൽ പു​തി​യ ആ​ശ​ങ്ക സൃ​ഷ്ടി​ക്കു​ന്നു. ത​ല​സ്ഥാ​ന ജി​ല്ല​യി​ൽ അ​ഞ്ചു​തെ​ങ്ങി​ൽ നാ​ലു​ വ​യ​സ്സു​കാ​രി​യെ ക​ടി​ച്ച നാ​യ്​​ക്ക്​ പേ​വി​ഷ​ബാ​ധ സ്ഥി​രീ​ക​രി​ച്ചു. ശ​നി​യാ​ഴ്ച ബാ​ല​രാ​മ​പു​ര​ത്ത്​ ര​ണ്ടു​ കു​ട്ടി​ക​ളെ ക​ടി​ച്ച നാ​യും ച​ത്തു.