പത്താംക്ലാസ് പരീക്ഷ: ഐ.ക്യു 70-84 പരിധിയിലുള്ളവർക്ക് കൂടുതൽ സമയം അനുവദിക്കണം -ഹൈകോടതി

കൊ​ച്ചി: ബു​ദ്ധി​ശ​ക്തി ക​ണ​ക്കാ​ക്കാ​ൻ പ​രി​ഗ​ണി​ക്കു​ന്ന ഐ.​ക്യു നി​ല​വാ​രം 70നും 84​നും ഇ​ട​യി​ലു​ള്ള വി​ദ്യാ​ർ​ഥി​ക​ൾ​ക്ക് പ​ത്താം ക്ലാ​സ് പ​രീ​ക്ഷ​യെ​ഴു​താ​ൻ കൂ​ടു​ത​ൽ സ​മ​യം അ​നു​വ​ദി​ക്ക​ണ​മെ​ന്ന്​ ഹൈ​കോ​ട​തി. മെ​ഡി​ക്ക​ൽ ബോ​ർ​ഡി​ന്റെ ശി​പാ​ർ​ശ​യ​നു​സ​രി​ച്ച്​ അ​ധി​ക സ​മ​യ​മോ പ​രീ​ക്ഷ എ​ഴു​താ​ൻ സ​ഹാ​യി​യെ​യോ ല​ഭ്യ​മാ​ക്ക​ണം.

ഭി​ന്ന​ശേ​ഷി​ക്കാ​രാ​യ വി​ദ്യാ​ർ​ഥി​ക​ൾ​ക്ക്​ ന​ൽ​കു​ന്ന​തി​ന്​ സ​മാ​ന രീ​തി​യി​ൽ ഇ​വ​ർ​ക്കും അ​ധി​ക​സ​മ​യം അ​നു​വ​ദി​ക്കാ​നാ​ണ്​ ചീ​ഫ് ജ​സ്റ്റി​സ് എ​സ്. മ​ണി​കു​മാ​ർ, ജ​സ്റ്റി​സ് മു​ര​ളി പു​രു​ഷോ​ത്ത​മ​ൻ എ​ന്നി​വ​ര​ട​ങ്ങു​ന്ന ഡി​വി​ഷ​ൻ ബെ​ഞ്ചി​ന്‍റെ ഉ​ത്ത​ര​വ്. ഈ ​വി​ഭാ​ഗ​ത്തി​ൽ​പെ​ട്ട ഒ​രു​കൂ​ട്ടം വി​ദ്യാ​ർ​ഥി​ക​ൾ ന​ൽ​കി​യ ഹ​ര​ജി​യാ​ണ് കോ​ട​തി പ​രി​ഗ​ണി​ച്ച​ത്.

ഐ.​ക്യു നി​ല​വാ​രം 70നും 84 ​നു​മി​ട​യി​ലു​ള്ള കു​ട്ടി​ക​ൾ​ക്ക് ഭി​ന്ന​ശേ​ഷി സ​ർ​ട്ടി​ഫി​ക്ക​റ്റ് (ഇ​ന്റ​ല​ക്ച്വ​ൽ ഡി​സെ​ബി​ലി​റ്റി സ​ർ​ട്ടി​ഫി​ക്ക​റ്റ്) ല​ഭ്യ​മാ​ക്കി പ​രീ​ക്ഷ​യെ​ഴു​താ​ൻ അ​ധി​ക​സൗ​ക​ര്യം ഉ​റ​പ്പാ​ക്ക​ണ​മെ​ന്നാ​യി​രു​ന്നു ഹ​ര​ജി​ക്കാ​രു​ടെ ആ​വ​ശ്യം. ഇ​ത്ത​രം കു​ട്ടി​ക​ൾ പ​ഠ​ന​വേ​ഗം കു​റ​ഞ്ഞ​വ​രാ​ണെ​ങ്കി​ലും ഭി​ന്ന​ശേ​ഷി​ക്കാ​രി​ലോ പ​ഠ​ന​വൈ​ക​ല്യ​മു​ള്ള​വ​രു​ടെ കൂ​ട്ട​ത്തി​ലോ ഉ​ൾ​പ്പെ​ടു​ത്തി​യി​ട്ടി​ല്ലെ​ന്ന് കോ​ട​തി പ​റ​ഞ്ഞു.

പ്ര​ത്യേ​ക പ​രി​ഗ​ണ​ന അ​ർ​ഹി​ക്കു​ന്ന ഇ​വ​രെ​യും മു​ഖ്യ​ധാ​ര​യി​ലേ​ക്ക് കൊ​ണ്ടു​വ​രേ​ണ്ട​തു​ണ്ട്. ഇ​ത്ത​രം കു​ട്ടി​ക​ൾ​ക്ക് എ​സ്.​എ​സ്.​എ​ൽ.​സി പ​രീ​ക്ഷ​യെ​ഴു​താ​ൻ സ​ഹാ​യം ആ​വ​ശ്യ​മാ​ണെ​ന്നു​കാ​ട്ടി ഭി​ന്ന​ശേ​ഷി വി​ഭാ​ഗ​ക്കാ​ർ​ക്കു​വേ​ണ്ടി​യു​ള്ള ക​മീ​ഷ​ൻ ആ​രോ​ഗ്യ ഡ​യ​റ​ക്ട​ർ​ക്ക്​ ശി​പാ​ർ​ശ ന​ൽ​കി​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ൽ ജി​ല്ല മെ​ഡി​ക്ക​ൽ ഓ​ഫി​സ​ർ​മാ​ർ​ക്ക് നി​ർ​ദേ​ശം ന​ൽ​കി​യി​ട്ടു​ണ്ടെ​ന്ന സ​ർ​ക്കാ​ർ വി​ശ​ദീ​ക​ര​ണം​കൂ​ടി പ​രി​ഗ​ണി​ച്ചാ​ണ്​ കോ​ട​തി​യു​ടെ നി​ർ​ദേ​ശം.