കരിപ്പൂരിലെ സ്വർണക്കടത്ത്​ സംഘത്തിൽ കൂടുതൽ പേരെന്ന്​ നിഗമനം; മറ്റൊരു കാറിലുണ്ടായിരുന്നത്​ മൂന്നുപേർ

കരിപ്പൂർ: ഡയറക്​ടറേറ്റ്​ ഒാഫ്​ റവന്യൂ ഇൻറലിജൻസ്​ (ഡി.ആർ.​െഎ) ഉദ്യോഗസ്ഥരെ ഇടിച്ച്​ തെറിപ്പിച്ച്​ സ്വർണം കടത്താൻ ശ്രമിച്ച സംഘത്തിൽ കൂടുതൽ പേർ. ഒരാളെ മാത്രമാണ്​ സംഭവസ്ഥലത്ത്​ നിന്ന്​ ഡി.ആർ.​െഎക്ക്​ പിടികൂടാൻ സാധിച്ചത്​. രക്ഷപ്പെട്ടയാളെക്കൂടാതെ മൂന്ന്​ പേർ മറ്റൊരു കാറിലുമുണ്ടായിരുന്നതായാണ്​ അന്വേഷണ ഉദ്യോഗസ്ഥർക്ക്​ ലഭിച്ച വിവരം.

സ്വർണം വിമാനത്താവളത്തിനുള്ളിൽ നിന്ന്​ പുറത്തെത്തിക്കാൻ ശ്രമിച്ചവരെക്കുറിച്ചും വിവരം ലഭിച്ചിട്ടുണ്ട്​. അന്വേഷണത്തിൽ കരിപ്പൂരിലെ ശുചീകരണ വിഭാഗത്തിലെ രണ്ട്​ ജീവനക്കാരെ ഡി.ആർ.​െഎ കസ്​റ്റഡിയിലെടുത്തെന്നാണ്​ സൂചന. ഇവരെ ചോദ്യം ചെയ്​ത്​ വരികയാണ്​. കൂടാതെ, സ്വർണം കടത്താൻ സഹായിച്ചവരെക്കുറിച്ചും വിശദ അന്വേഷണം നടക്കുന്നുണ്ട്​. ഡി.ആർ.​െഎ കോഴിക്കോട്​ യൂനിറ്റിന്​ പുറമെ കൊച്ചിയിൽ നിന്നും കൂടുതൽ ഉദ്യോഗസ്ഥരെത്തിയിട്ടുണ്ട്​.

അതിനിടെ, സംഭവസ്ഥലത്ത്​ നിന്ന്​ രക്ഷപ്പെട്ട അരീക്കോട്​ പത്തനാപുരം സ്വദേശി ഫസലുറഹ്​മാ​െൻറ സി.സി.ടി.വി ദൃശ്യങ്ങളും പൊലീസിന്​ ലഭിച്ചു​. സമീപത്തെ വീട്ടിൽ നിന്നുള്ള ദൃശ്യങ്ങളാണ്​ ലഭിച്ചത്​. വയലിലൂടെ ഒാടി രക്ഷപ്പെട്ട ഇയാൾ തൊട്ടടുത്ത വീട്ടിലും കയറിയിട്ടുണ്ട്​.

അപകടത്തിനിടെ വസ്​ത്രം നഷ്​ടമായപ്പോൾ ഇവിടെ നിന്ന്​ തുണി വാങ്ങിയാണ്​ രക്ഷപ്പെട്ടത്​. റോഡിൽ പൊലീസ്​ പരിശോധന നടക്കുന്നുണ്ടെന്നും ലൈസൻസില്ലാത്തതിനാൽ ഒാടി രക്ഷപ്പെടുകയായിരുന്നുവെന്നും​ ഇതിനി​െട വസ്​ത്രം നഷ്​ടമായെന്നുമാണ്​ വീട്ടുകാരോട്​ പറഞ്ഞ​ത്​​. ഇയാളുടെ വീട്ടിൽ കൊണ്ടോട്ടി പൊലീസ്​ പരിശോധന നടത്തി​.

താൽക്കാലിക ജീവനക്കാരെ ഉപയോഗിച്ച്​ മുമ്പും സ്വർണക്കടത്ത്​

സ്വർണം കടത്താൻ ശ്രമിച്ചതിന്​ കരിപ്പൂരിലെ താൽക്കാലിക ജീവനക്കാർ നേരത്തെയും ഡി.ആർ.​െഎ പിടിയിലായിരുന്നു. ഏറ്റവും ഒടുവിൽ 2018 മാർച്ചിലാണ്​ വിമാനത്താവളത്തിൽ നിന്ന്​ സ്വർണം പുറത്തെത്തിക്കുന്നതിനിടെ ജീവനക്കാരൻ ഉൾപ്പെടെ അഞ്ച്​ പേരെ ഡി.ആർ.​െഎ പിടികൂടിയത്​.

കടത്തിന്​ സഹായിച്ചതിന്​ ആറ്​ കരാർ ജീവനക്കാരെയും നേ​രത്തെ ഡി.ആർ​.​െഎ റിപ്പോർട്ടി​െൻറ അടിസ്ഥാനത്തിൽ പിരിച്ചുവിട്ടിരുന്നു. 2017ലും രണ്ട്​ പേർ ടോയ്​ലറ്റിൽ യാത്രക്കാർ ഒളിപ്പിച്ച സ്വർണം പുറത്തുകടത്തുന്നതിനിടെ പിടിയിലായിട്ടുണ്ട്​. പിന്നീട്​ ഏജൻസികൾ കർശന നിയന്ത്രണം ഏർപ്പെടുത്തിയിരുന്നു. ജോലി സമയത്ത്​ മൊബൈൽ ഫോൺ അടക്കം ഉപയോഗിക്കുന്നതിനായിരുന്നു നിയന്ത്രണം.