വിദ്യാര്‍‌ഥിനിയെ പീഡിപ്പിച്ച കേസില്‍ അറസ്റ്റിലായ കായികാധ്യാപകനെതിരെ കൂടുതല്‍ പരാതികള്‍

കോഴിക്കോട്: കട്ടിപ്പാറയില്‍ വിദ്യാര്‍‌ഥിനിയെ പീഡിപ്പിച്ച കേസില്‍ അറസ്റ്റിലായ അധ്യാപകന്‍ മിനീഷിനെതിരെ കൂടുതല്‍ പരാതികളുമായി രക്ഷിതാക്കളും വിദ്യാർഥികളും. ചൂഷണം ചെയ്യുന്നതിനായി ചില വിദ്യാർഥികളെ ഇയാള്‍ ഹോസ്റ്റലില്‍ നിന്നും മറ്റൊരു വീട്ടില്‍ കൊണ്ടുവന്ന് താമസിപ്പിക്കാറുണ്ടായിരുന്നുവെന്ന ആരോപണവുമായി പൂര്‍വ വിദ്യാര്‍ഥിയും അമ്മയും രംഗത്തെത്തി.

അധ്യാപകന്‍റെ മോശം പെരുമാറ്റം മൂലം കുട്ടിക്ക് കായികരംഗം വിടേണ്ടിവന്നു. ഇയാള്‍ക്കെതിരെ സ്കൂള്‍ അധികൃതര്‍ക്ക് പരാതി നല്‍കിയിട്ടും നടപടിയുണ്ടായില്ലെന്നും ഇവര്‍ ആരോപിച്ചു. കായിക രംഗത്ത് മികവാര്‍ന്ന ഭാവിയുണ്ടാകുമെന്ന പ്രതീക്ഷയിലാണ് കട്ടിപ്പാറയിലെ സ്കൂളില്‍ മിനീഷിന്‍റെ കീഴില്‍ ഈ കുട്ടി പരിശീലനത്തിന് ചേര്‍ന്നത്. പക്ഷേ സംഭവിച്ചത് മറ്റൊന്നാണെന്ന് കുട്ടി പറയുന്നു.

ഫോണില്‍ രാത്രിയായാല്‍ വിദ്യാര്‍ഥികളോട് വിളിച്ച് അശ്ലീല ചുവയോടെ മിനീഷ് സംസാരിക്കും. ചില വിദ്യാര്‍ഥികളെ സ്കൂള്‍ ഹോസ്റ്റലിന് പുറത്തുള്ള മറ്റൊരു സ്ത്രീയുടെ വീട്ടിലേക്ക് കൊണ്ടു പോകും. തന്നോട് പോലും മോശമായി ഇയാള്‍ ഫോണില്‍ പെരുമാറിയിട്ടുണ്ടെന്നാണ് ഈ അമ്മ പറയുന്നത്. സ്കൂള്‍ അധികൃതര്‍ക്കും പരാതി നല്‍കി. സ്പ്രിന്‍റ് ഇനത്തില്‍ മികച്ച പ്രകടനം നടത്തിയിരുന്ന പെണ്‍കുട്ടി പരിശീലനം അവസാനിപ്പിച്ച് മറ്റൊരു സ്കൂളില്‍ ചേരുകയായിരുന്നുവെന്നും ഇവര്‍ പറഞ്ഞു.

വി​ദ്യാ​ര്‍ഥി​നി​യെ പീ​ഡി​പ്പി​ച്ച കേസിൽ കായികാധ്യാപകനായ കോ​ട​ഞ്ചേ​രി നെ​ല്ലി​പ്പൊ​യി​ല്‍ മീ​ന്‍മു​ട്ടി വ​ട്ട​പ്പാ​റ​യി​ല്‍ വി.​ടി. മി​നീ​ഷി​നെ​​ (41) താ​മ​ര​ശ്ശേ​രി പൊ​ലീ​സ് പോ​ക്സോ ചുമത്തി അ​റ​സ്​​റ്റ്​ ചെ​യ്ത​ിരുന്നു. പെ​ണ്‍കു​ട്ടി​യെ പ്രാ​യ​പൂ​ര്‍ത്തി​യാ​വു​ന്ന​തി​നു​മു​മ്പ് സ്‌​കൂ​ളി​നു സ​മീ​പ​ത്തെ വാ​ട​ക​മു​റി​യി​ലും നെ​ല്ലി​പ്പൊ​യി​ലി​ലു​ള്ള മി​നീ​ഷി​െൻറ ബ​ന്ധു​വീ​ട്ടി​ലെ​ത്തി​ച്ചും 2019ൽ ​ര​ണ്ടു ത​വ​ണ പീ​ഡി​പ്പി​ച്ചു​വെ​ന്നാ​ണ് പ​രാ​തി. സ്‌​കൂ​ൾ​മു​റി​യി​ൽ​ ക​ട​ന്നു​പി​ടി​ച്ച​താ​യും നി​ര​ന്ത​രം ശ​ല്യം​ചെ​യ്ത​താ​യും പെ​ണ്‍കു​ട്ടി മൊ​ഴി ന​ൽ​കി​യി​ട്ടു​ണ്ട്.

വിദ്യാർഥിനിയെ ആക്രമിച്ച് പരിക്കേൽപ്പിച്ചതിനും ഇയാൾക്കെതിരെ പരാതി വന്നിരുന്നു. പ​രി​ശീ​ല​ന​ത്തി​നി​ടെ വി​ദ്യാ​ർ​ഥി​നി​യെ ക്രൂ​ര​മാ​യി മ​ർ​ദി​ക്കു​ക​യും കാ​ലി​‍െൻറ തു​ട​യെ​ല്ലി​ന് ച​വി​ട്ടി പ​രി​ക്കേ​ൽ​പ്പി​ക്കു​ക​യും ചെ​യ്‌​തെ​ന്ന​താ​ണ് പു​തി​യ പ​രാ​തി. കോ​ട​ഞ്ചേ​രി​ക്ക​ടു​ത്ത മൈ​ക്കാ​വ് സ്വ​ദേ​ശി​നി​യാ​യ 15കാ​രി​യെ​യാ​ണ് ഇയാൾ ച​വി​ട്ടി​പ്പ​രി​ക്കേ​ൽ​പ്പി​ച്ച​ത്.