മൂലമറ്റം വൈദ്യുതി നിലയത്തിലെ ജനറേറ്റർ തകരാർ പരിഹരിച്ചു

മൂ​ല​മ​റ്റം: മൂ​ല​മ​റ്റം വൈ​ദ്യു​തി നി​ല​യ​ത്തി​ലെ ഒ​ന്നാം ന​മ്പ​ർ ജ​ന​റേ​റ്റ​റി​ന് നേ​രി​യ ത​ക​രാ​ർ. ഇ​തേ​തു​ട​ർ​ന്ന് ഒ​ന്നാം ജ​ന​റേ​റ്റ​ർ 30 മ​ണി​ക്കൂ​ർ നി​ശ്ച​ല​മാ​യി. ശ​നി​യാ​ഴ്​​ച രാ​വി​ലെ​യാ​ണ്​ ജ​ന​റേ​റ്റ​ർ പ്ര​വ​ർ​ത്ത​നം നി​ർ​ത്തി​െ​വ​ച്ച​ത്. ജ​ന​റേ​റ്റ​റി​െൻറ ട​ർ​ബെ​യി​ൻ ബ​ക്ക​റ്റി​നു​ണ്ടാ​യ (റ​ണ്ണ​ർ ബ​ക്ക​റ്റ്) നേ​രി​യ വി​ള്ള​ലാ​ണ് പ്ര​വ​ർ​ത്ത​നം നി​ർ​ത്തി​െ​വ​ക്കാ​ൻ കാ​ര​ണം. 20 ബ​ക്ക​റ്റു​ക​ൾ ഉ​ള്ള​തി​ൽ 16ാം ന​മ്പ​റി​നാ​ണ് വി​ള്ള​ൽ ഉ​ണ്ടാ​യ​ത്. ഞാ​യ​റാ​ഴ്ച വൈ​കീ​​ട്ടോ​ടെ ബ​ക്ക​റ്റി​ലെ വി​ള്ള​ൽ വെ​ൽ​ഡി​ങ് ന​ട​ത്തി പൂ​ർ​വ​സ്ഥി​തി​യി​ലാ​ക്കി.

ജ​ന​റേ​റ്റ​ർ 1000 മ​ണി​ക്കൂ​ർ പ്ര​വ​ർ​ത്തി​ച്ച് ക​ഴി​യു​മ്പോ​ൾ ന​ട​ത്താ​റു​ള്ള സാ​ധാ​ര​ണ പ​രി​ശോ​ധ​ന ന​ട​ത്തി​യ​പ്പോ​ഴാ​ണ് ട​ർ​ബെ​യി​ൻ ബ​ക്ക​റ്റി​ൽ വി​ള്ള​ൽ​ക​ണ്ട​ത്. ഉ​ട​ൻ ജ​ന​റേ​റ്റ​ർ പ്ര​വ​ർ​ത്ത​നം നി​ർ​ത്തി​െ​വ​ച്ച് ക്ര​മ​പ്പെ​ടു​ത്തു​ന്ന ജോ​ലി​ക​ളി​ലേ​ക്ക് ക​ട​ക്കു​ക​യാ​ണ് ചെ​യ്ത​ത്. 2019ലാ​ണ് ഈ ​ജ​ന​റേ​റ്റ​റി​െൻറ ട​ർ​ബെ​യി​ൻ ഇ​തി​നു​മു​മ്പ്​ മാ​റ്റി​യ​ത്.

കു​ള​മാ​വ് ഡാ​മി​ൽ​നി​ന്ന്​ പെ​ൻ​സ്​​റ്റോ​ക്ക് വ​ഴി എ​ത്തു​ന്ന ജ​ലം ട​ർ​െ​ബ​യി​ൻ ബ​ക്ക​റ്റി​ൽ ത​ട്ടി​ച്ചാ​ണ് ജ​ന​റേ​റ്റ​ർ ക​റ​ക്കു​ന്ന​ത്. ഒ​ന്ന​ര കി​ലോ​മീ​റ്റ​റോ​ളം ഉ​യ​ര​ത്തി​ൽ​നി​ന്ന്​ എ​ത്തു​ന്ന ജ​ലം ട​ർ​ബ​യി​ൻ ബ​ക്ക​റ്റി​ൽ ത​ട്ടു​ന്ന​തു​മൂ​ലം ഒ​രു​ല​ക്ഷ​ത്തി എ​ൺ​പ​തി​നാ​യി​രം കു​തി​ര​ശ​ക്തി​യി​ലാ​ണ് ജ​ന​റേ​റ്റ​ർ ക​റ​ങ്ങു​ന്ന​ത്. ഇ​തു​വ​ഴി ദി​വ​സം 33 ല​ക്ഷം യൂ​നി​റ്റ് വൈ​ദ്യു​തി​വ​രെ ഉ​ൽ​പാ​ദി​പ്പി​ക്കാ​ൻ സാ​ധി​ക്കും.