മഹാരാജിനെ പൊലീസ്​ കസ്റ്റഡിയിൽ വിട്ടു; തോപ്പുംപടി മജിസ്​ട്രേറ്റ്​ കോടതിയിൽ നാടകീയ രംഗങ്ങൾ

കൊച്ചി: കോടികളുടെ സാമ്പത്തിക തട്ടിപ്പ്​ നടത്തി മുങ്ങിയ തമിഴ്​നാട്​ സ്വദേശി മഹാരാജിനെ 10 ദിവ​സത്തെ പൊലീസ്​ കസ്റ്റഡിയിൽ വിട്ടു. ചോ​ദ്യം ചെ​യ്യ​ലി​നു​ശേ​ഷം തോ​പ്പും​പ​ടി മ​ജി​സ‌്ട്രേ​റ്റി​​​െൻറ വ​സ​തി​യി​ൽ ഇന്നലെ ഹാ​ജ​രാ​ക്കി​യ ഇ​യാ​ൾ​ക്ക്​ ഒ​രു ദി​വ​സ​ത്തെ ജാ​മ്യം അ​നു​വ​ദി​ച്ചിരുന്നു. തുടർന്നാണ്​ ഇന്ന് വീണ്ടും​ ഹാജരായത്​.

അതേസമയം മഹാരാജിനെ ഹാജരാക്കിയ തോപ്പുംപടി മജിസ്​ട്രേറ്റ്​ കോടതിയിൽ നാടകീയ രംഗങ്ങളാണുണ്ടായത്​. തനിക്ക്​ പറയാനുള്ളത്​ കോടതി കേട്ടില്ലെന്ന്​ പ്രോസിക്യൂട്ടർ ആരോപിച്ചു. പ്രോസിക്യൂട്ടർ കോടതിക്കുള്ളിൽ പരസ്യമായി പ്രതിഷേധിച്ചു. തുടർന്ന്​ മജിസ്​ട്രേറ്റ്​ കോടതി നടപടികൾ നിർത്തിവെച്ച്​ ഇറങ്ങിപ്പോയി.

കേ​ര​ള​ത്തി​ൽ നൂ​റി​ല​ധി​കം പേ​ർ​ക്കാ​യി മ​ഹാ​രാ​ജ 500 കോ​ടി​യോ​ളം പ​ലി​ശ​ക്ക്​ ന​ൽ​കി​യതാ​യാ​ണ‌് സൂ​ച​ന. പ​ത്ത‌ു കോ​ടി​ രൂ​പ തി​രി​കെ കി​ട്ടാ​നു​ണ്ടെ​ന്ന്​ ചോ​ദ്യം ചെ​യ്യ​ലി​ൽ മ​ഹാ​രാ​ജ സ​മ്മ​തി​ച്ച​ിരുന്നു. മാ​സ​ങ്ങ​ൾ​ക്ക് മു​മ്പ് ചെ​ന്നൈ​യി​ൽ​നി​ന്ന് പി​ടി​കൂ​ടി​യ ഇ​യാ​ളു​മാ​യി വാ​ഹ​ന​ത്തി​ൽ വ​ര​വെ കൂ​ട്ടാ​ളി​ക​ൾ കോ​യ​മ്പ​ത്തൂ​ര്‍ ടോ​ള്‍ പ്ലാ​സ​ക്ക് സ​മീ​പം പൊ​ലീ​സി​നെ ആ​ക്ര​മി​ച്ച് ര​ക്ഷ​പ്പെ​ടു​ത്തിയി​രു​ന്നു.

ശേഷം വെള്ളിയാഴ്​ച സാഹസികമായാണ്​ ഇയാളെ കേരളാ പൊലീസ്​ കീഴ്​പെടുത്തിയത്​. കേ​ര​ള പൊ​ലീ​സ‌് എ​ത്തു​മ്പോ​ൾ പു​റ​ത്ത‌് പോ​കാ​നാ​യി കാ​റി​ന‌് കാ​ത്തി​രി​ക്കു​ക​യാ​യി​രു​ന്നു. വീ​ട‌് വ​ള​ഞ്ഞ‌് ക​സ‌്റ്റ​ഡി​യി​ലെ​ടു​ത്ത​പ്പോ​ഴേ​ക്കും അ​നു​യാ​യി​ക​ൾ ത​ട​യാ​നെ​ത്തി. സം​ഘ​ർ​ഷം രൂ​ക്ഷ​മാ​കു​ന്ന​ത‌് ക​ണ്ട‌് പൊ​ലീ​സ്​ ആ​കാ​ശ​ത്തേ​ക്ക‌് വെ​ടി​െ​വ​ച്ചു. ഇ​തോ​ടെ വി​ര​ണ്ട അ​നു​യാ​യി​ക​ൾ പി​ന്മാ​റുകയായിരുന്നു.