Top
Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഅവയവദാനം:...

അവയവദാനം: ശ്രീകുമാറി​െൻറ ബന്ധുക്കൾക്ക് മോഹൻലാലി​െൻറ അഭിനന്ദനം

text_fields
bookmark_border
അവയവദാനം: ശ്രീകുമാറി​െൻറ ബന്ധുക്കൾക്ക് മോഹൻലാലി​െൻറ അഭിനന്ദനം
cancel

തിരുവനന്തപുരം: ഹൃദയമുൾപ്പെടെയുള്ള അവയവങ്ങൾ ദാനം ചെയ്​ത്​ നാല്​ രോഗികളുടെ പ്രതീക്ഷകൾ സഫലമാക്കിയ ശ്രീകുമാറി ​​െൻറ ബന്ധുക്കൾക്ക് മോഹൻലാലി​​െൻറ അഭിനന്ദനം. ഞായറാഴ്​ച വൈകീട്ട്​ നാലരയോടെയാണ് മൃതസഞ്ജീവനി ഗുഡ് വിൽ അംബാസഡർ ക ൂടിയായ നടൻ മോഹൻലാൽ ശ്രീകുമാറി​​െൻറ കുടുംബാംഗങ്ങളുമായി ഫോണിൽ ബന്ധപ്പെട്ടത്.

വലിയൊരു കാര്യമാണ് നിങ്ങൾ ചെയ്​തതെന്ന് അദ്ദേഹം ശ്രീകുമാറി​​െൻറ ഭാര്യയോടും മകനോടും ഭാര്യാസഹോദരനോടും പറഞ്ഞു. കാര്യങ്ങളെല്ലാം പത്രത്തിലൂടെ അറിഞ്ഞു. മൃതസഞ്ജീവനി നോഡൽ ഓഫിസർ ഡോ. നോബിൾ ഗ്രേഷ്യസുമായി സംസാരിക്കുകയും ചെയ്തു. ആർക്കും ചിന്തിക്കാൻ പോലും കഴിയാത്ത സമയത്താണ് അവയവദാനം നടന്നിരിക്കുന്നതെന്നും തിരുവനന്തപുരത്തെത്തുമ്പോൾ നേരിൽ കാണാമെന്നും മോഹൻലാൽ പറഞ്ഞു.

മക​​െൻറ പഠന കാര്യങ്ങളെക്കുറിച്ചും ചോദിച്ചറിഞ്ഞു. ശ്രീകുമാറി​​െൻറ ഭാര്യ ബേബി ബിന്ദു, മകൻ സ്വാതിൻ, ഭാര്യാ സഹോദരൻ ഹരികുമാർ എന്നിവരുമായും അദ്ദേഹം സംസാരിച്ചു.

കഴിഞ്ഞ ഏപ്രിൽ ഒമ്പതിനായിരുന്നു ബൈക്കുകൾ തമ്മിൽ കൂട്ടിയിടിച്ചുണ്ടായ അപകടത്തെ തുടർന്ന്​ വർക്കല ഒറ്റൂർ മണ്ണറം കോട് ശ്രീവിശ്വത്തിൽ ശ്രീകുമാറിനെ (54) കിംസ് ആശുപത്രിയിൽ പ്രവേശിപ്പിച്ചത്. മസ്തിഷ്ക മരണം സ്ഥിരീകരിച്ചതോടെ അവയവദാനത്തിന് ബന്ധുക്കൾ സന്നദ്ധരായി.

കോവിഡ്-19 പശ്ചാത്തലത്തിൽ നാടാകെ സ്തംഭനാവസ്ഥയിലാണെങ്കിൽ പോലും ഹൃദയമുൾപ്പെടെയുള്ള അവയവങ്ങൾ നാലു രോഗികൾക്ക് ദാനം ചെയ്ത ശ്രീകുമാറി​​െൻറ ബന്ധുക്കൾക്കും അവയവങ്ങൾ വിജയകരമായി ​െവച്ചുപിടിപ്പിച്ച ഡോക്ടർമാർക്കും മൃതസഞ്ജീവനി പ്രവർത്തകർക്കും വലിയ സ്വീകാര്യതയാണ് ലഭിച്ചത്.

Show Full Article
TAGS:Mohanlal transplantation medical news kerala 
News Summary - mohanlal praised sreekumar's family
Next Story