അവതാരകയും ഗായികയുമായ ജാഗീ ജോൺ അടുക്കളയിൽ മരിച്ച നിലയിൽ

തിരുവനന്തപുരം: അവതാരകയും ഗായികയുമായ ജാഗീ ജോണിനെ ദുരൂഹ സാഹചര്യത്തിൽ മരിച്ച നിലയിൽ കണ്ടെത്തി.

കുറവൻകോണത്തെ വീട്ടിലെ അടുക്കളയിലാണ് മൃതദേഹം കണ്ടെത്തിയത്. മോഡലിങ്​ രംഗത്തും സജീവമായ ജാഗീ ജോൺ പാചക പരിപാടികളും അവതരിപ്പിച്ചിരുന്നു. പാചക കുറിപ്പുകളിലൂടെയും വീഡിയോകളിലൂടെയും പ്രശസ്തയാണ്. അമ്മയും ഇവര്‍ക്കൊപ്പമാണ് താമസിച്ചിരുന്നത്. തിങ്കളാഴ്​ച വൈകീട്ടാണ്​ വീട്ടിനുള്ളിൽ ഇവരെ മരിച്ച നിലയിൽ കണ്ടെത്തിയെന്ന്​ അയൽവാസികൾ പൊലീസിൽ വിവരമറിയിച്ചത്​. തുടർന്ന്​ പേരൂർക്കട പൊലീസും ഫോറൻസിക് വിദഗ്ധരും ഫ്ലാറ്റിലെത്തി തെളിവെടുപ്പ് നടത്തുകയാണ്. ഫ്ലാറ്റിൽ പോലും ആരുമായും അടുപ്പം പുലര്‍ത്താറില്ലെന്നാണ് അയൽവാസികൾ പറയുന്നത്.