സംസ്ഥാനത്ത്​ മോക്​ഡ്രിൽ നടത്തിയത് 126 ഇടങ്ങളിൽ

തി​രു​വ​ന​ന്ത​പു​രം: ഏ​ത് സാ​ഹ​ച​ര്യ​വും നേ​രി​ടാ​ൻ പൊ​തു​ജ​ന​ങ്ങ​ളെ സ​ജ്ജ​രാ​ക്കു​ന്ന​തി​നാ​യി​ ന​ട​ത്തി​യ മോ​ക്ഡ്രി​ൽ സം​സ്ഥാ​ന​ത്ത്​ പൂ​ര്‍ത്തി​യാ​യി. സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി​യു​ടെ നേ​തൃ​ത്വ​ത്തി​ലാ​ണ് സൈ​റ​ണ്‍ മു​ഴ​ക്കു​ക​യും മോ​ക്ക്ഡ്രി​ല്‍ ന​ട​ത്തു​ക​യും ചെ​യ്ത​ത്. 14 ജി​ല്ല​ക​ളി​ലാ​യി 126 ഇ​ട​ങ്ങ​ളി​ലാ​ണ് ​വൈ​കീ​ട്ട്​ നാ​ലു മു​ത​ല്‍ 4.30 മ​ണി​വ​രെ മോ​ക്ഡ്രി​ല്‍ ന​ട​ന്ന​ത്.

നാ​ലു​മ​ണി​ക്ക് തി​രു​വ​ന​ന്ത​പു​രം ദു​ര​ന്ത​നി​വാ​ര​ണ അ​തോ​റി​റ്റി ആ​സ്ഥാ​ന​ത്ത് സൈ​റ​ണ്‍ ന​ല്‍കി ര​ണ്ടു മി​നി​റ്റ്​ കൊ​ണ്ട് 14 ജി​ല്ല​ക​ളി​ലെ 126 കേ​ന്ദ്ര​ങ്ങ​ളി​ലും മു​ന്ന​റി​യി​പ്പെ​ത്തി. ഭ​ര​ണ​കേ​ന്ദ്ര​മാ​യ സെ​ക്ര​ട്ടേ​റി​യ​റ്റ് പൂ​ര്‍ണ​മാ​യും പൊ​ലീ​സി​ന്‍റെ​യും അ​ഗ്നി​ശ​മ​ന സേ​ന​യു​ടെ​യും നി​യ​ന്ത്ര​ണ​ത്തി​ലാ​യി. മ​ന്ത്രി​മാ​രു​ള്‍പ്പെ​ടെ​യു​ള്ള​വ​ര്‍ക്കും നി​യ​ന്ത്ര​ണ​മേ​ര്‍പ്പെ​ടു​ത്തി. നി​ര്‍ദേ​ശം ല​ഭി​ച്ച ഉ​ട​നെ ലു​ലു​മാ​ളി​ല്‍ പൊ​ലീ​സ് സി​വി​ല്‍ ഡി​ഫ​ന്‍സ് വ​ള​ന്‍റി​യേ​ഴ്സും അ​ഗ്​​നി​ശ​മ​ന സേ​ന​യും സ​ജ്ജ​രാ​യി. തീ​പി​ടി​ത്ത​മോ ആ​ക്ര​മ​ണ​മോ ഉ​ണ്ടാ​യാ​ല്‍ സ്വീ​ക​രി​ക്കേ​ണ്ട ന​ട​പ​ടി​ക​ള്‍ സ്വീ​ക​രി​ച്ചു. അ​ഗ്നി​ര​ക്ഷാ സേ​ന​യു​ടെ നേ​തൃ​ത്വ​ത്തി​ല്‍ തെ​ര​ഞ്ഞെ​ടു​പ്പ് ക​മീ​ഷ​ന്‍ ഓ​ഫി​സി​ലും മോ​ക്ഡ്രി​ല്‍ ന​ട​ത്തി.

യു​ദ്ധ​കാ​ല അ​ടി​യ​ന്ത​ര സാ​ഹ​ച​ര്യ​മു​ണ്ടാ​യാ​ല്‍ എ​ങ്ങ​നെ​യാ​ണ് പ്ര​വ​ര്‍ത്തി​ക്കേ​ണ്ട​ത്, പെ​രു​മാ​റേ​ണ്ട​ത് എ​ന്ന​തു​സം​ബ​ന്ധി​ച്ച് ജ​ന​ങ്ങ​ളെ ബോ​ധ​വ​ത്​​ക​രി​ക്കു​ന്ന പ​രി​പാ​ടി​യാ​ണ് മോ​ക്ഡ്രി​ല്ലു​മാ​യി ബ​ന്ധ​പ്പെ​ട്ട് ന​ട​ന്ന​ത്. ക​മ്യൂ​ണി​റ്റി​ത​ല ഇ​ട​പെ​ട​ലു​ക​ള്‍ക്കും ഗാ​ര്‍ഹി​ക​ത​ല ഇ​ട​പെ​ട​ലു​ക​ള്‍ക്കു​മു​ള്ള നി​ര്‍ദേ​ശ​ങ്ങ​ളാ​ണ് പ്ര​ധാ​ന​മാ​യും ന​ല്‍കി​യി​രു​ന്ന​ത്. ഓ​പ​റേ​ഷ​ന്‍ സി​ന്ദൂ​റി​ന്റെ പ​ശ്ചാ​ത്ത​ല​ത്തി​ല്‍ ആ​ളു​ക​ള്‍ ഗൗ​ര​വം ഉ​ള്‍ക്കൊ​ണ്ട് മോ​ക്ക്ഡ്രി​ല്ലി​ല്‍ പ​ങ്കാ​ളി​ക​ളാ​യി.

ഫ്ലാ​റ്റു​ക​ള്‍, ഷോ​പ്പി​ങ് മാ​ളു​ക​ൾ, സി​നി​മ തി​യ​റ്റ​റു​ക​ൾ എ​ന്നി​വ​യു​ൾ​പ്പെ​ടെ തി​ര​ക്കേ​റി​യ സ്ഥ​ല​ങ്ങ​ളി​ലാ​ണ് ഡ്രി​ൽ സം​ഘ​ടി​പ്പി​ച്ച​ത്. എ​യ​ർ വാ​ണി​ങ് ല​ഭി​ച്ച​തോ​ടെ, ജി​ല്ല ആ​സ്ഥാ​ന​ങ്ങ​ളി​ൽ സൈ​റ​ൺ മു​ഴ​ങ്ങി. അ​ടി​യ​ന്ത​ര സാ​ഹ​ച​ര്യ​ത്തി​ൽ ജ​ന​ങ്ങ​ളെ സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റ്റാ​നു​ള്ള ഡ്രി​ല്ലും ഇ​തി​ന്റെ ഭാ​ഗ​മാ​യി ന​ട​ന്നു. 1971ലെ ​ഇ​ന്ത്യ-​പാ​ക് യു​ദ്ധ​സ​മ​യ​ത്താ​ണ് രാ​ജ്യം മു​ഴു​വ​ൻ ഇ​തു​പോ​ലെ മോ​ക്ഡ്രി​ൽ ന​ട​ന്ന​ത്. അ​തി​നു​ശേ​ഷം ഇ​ത്ര വി​പു​ല​മാ​യി ആ​ധു​നി​ക സം​വി​ധാ​ന​ങ്ങ​ളോ​ടെ മോ​ക്ഡ്രി​ൽ ന​ട​ത്തു​ന്ന​ത് ഇ​താ​ദ്യ​മാ​ണ്.