മണിയെ ഉൾപ്പെടുത്തിയത്​ സി.പി.​െഎ മന്ത്രിമാരെ വിശ്വാസമില്ലാത്തതിനാൽ -ഹസൻ

തിരുവനന്തപുരം: ​സി.പി.​െഎ മന്ത്രിമാരിൽ വിശ്വാസമില്ലാത്തതിനാലാണ്​ നീലക്കുറിഞ്ഞി ഉദ്യാനത്തി​​െൻറ വിസ്​തീർണം നിർണയിക്കാനുള്ള മന്ത്രിതല സമിതിയിൽ എം.എം. മണിയെയും ഉൾപ്പെടുത്തിയതെന്ന്​ കെ.പി.സി.സി പ്രസിഡൻറ്​ എം.എം. ഹസൻ. ​ൈകയേറ്റത്തി​​െൻറ പേരിൽ റദ്ദാക്കിയ ജോയിസ്​ ജോർജ്​ എം.പിയുടെ പട്ടയം തിരികെ നൽകാനുള്ള നീക്കത്തി​​െൻറ ഭാഗമാണ്​ മുഖ്യമ​ന്ത്രിയ​ുടെ നേതൃത്വത്തിൽ ചേർന്ന യോഗവും അന്വേഷണ സംഘവുമെന്നു​ം ഹസൻ വാർത്തസമ്മേളനത്തിൽ ആരോപിച്ചു.

പട്ടയം റദ്ദാക്കിയ നടപടി അംഗീകരിക്കില്ലെന്ന്​ പരസ്യമായി പ്രഖ്യാപിച്ചയാളാണ്​ മന്ത്രി എം.എം മണി. സബ്​ കലക്​ടറെ അദ്ദേഹം പരിഹസിക്കുകയും ചെയ്​തു. ​ൈകയേറ്റക്കാരുടെ ആശാനും കസ്​റ്റോഡിയനുമാണ്​​ മണിയാശാൻ. അദ്ദേഹത്തെ സമിതിയിൽ ഉൾപ്പെടുത്തിയത്​ എന്തിനെന്നത്​ വ്യക്തമാണ്​. അല്ലെങ്കിൽ വൈദ്യുതി മന്ത്രിക്കെന്ത്​ ഭൂമിയിൽ കാര്യം. നീലക്കുറിഞ്ഞി ഉദ്യാനത്തി​​െൻറ വിസ്​തൃതി കുറക്കുന്നത്​ കർഷകരുടെ പേരുപറഞ്ഞാണ്​. എന്നാൽ, അവിടെയുള്ള ഭൂമിയധികം വൻകിടക്കാരുടേതാണ്​. ഉദ്യാനത്തി​​െൻറ വിസ്​തൃതി കുറക്കാനുളള നീക്കം പ്രതിഷേധാർഹമാണ്​.

ഫോൺകെണി വിവാദത്തിൽ മന്ത്രിയെ കുറ്റമുക്തമാക്കാനും മാധ്യമസ്ഥാപനത്തെ ശിക്ഷിക്കാനും മുൻകൂട്ടിയുള്ള തിരക്കഥക്കനുസരിച്ച്​ നടന്ന നാടകമാണ്​ ജുഡീഷ്യൽ അന്വേഷണവും റ​ിപ്പോർട്ടും. പരാതിക്കാരി ഹാജരായില്ലെന്ന വാദം മന്ത്രിയെ രക്ഷിക്കാനാണ്​. ശബ്​ദം ആരു​ടേതെന്ന്​ വ്യക്​തമായിട്ടില്ലെന്നാണ്​ റിപ്പോർട്ടിലുള്ളത്​. നിരപരാധിയാണെങ്കിൽ പിന്നെയെന്തിനാണ്​ ശശീന്ദ്രൻ രാജിവെച്ചതെന്ന്​ വ്യക്തമാക്കണം. മുഖ്യമന്ത്രി പിണറായി വിജയന്​ പത്രപ്പേടിയാണ്​. പത്രങ്ങൾക്ക്​ കൂച്ചുവിലങ്ങിടാനാണ്​ അദ്ദേഹം ശ്രമിക്കുന്നത്​​. ഇവിടെ ഷാഡോ സെൻസർഷിപ്​​ ഏർപ്പെടുത്തുന്നു​. മാധ്യമങ്ങളെ നിയന്ത്രിക്കാൻ രാജസ്ഥാൻ ഒാർഡിനൻസ്​ പുറപ്പെടുവി​ച്ചെന്നേ വ്യത്യാസമുള്ളൂ.

ദേവസ്വം ബോര്‍ഡ് നിയമനങ്ങളില്‍ മുന്നാക്കക്കാരിലെ പാവപ്പെട്ടവര്‍ക്ക് സംവരണം ഏര്‍പ്പെടുത്തിയ നടപടിയെ അനുകൂലിക്കുകയോ പ്രതികൂലിക്കുകയോ ചെയ്യുന്നില്ല. യു.ഡി.എഫ്​ സർക്കാറായിരുന്നെങ്കിൽ സമവായത്തിലൂടെ സംവരണം നടപ്പാക്കുമായിരുന്നു. ഇത്തരമൊരു സംവരണത്തിന്​ ഭരണഘടനഭേദഗതി വേണമെന്നാണ്​ യു.ഡി.എഫ്​ നിലപാടെന്നും അദ്ദേഹം പറഞ്ഞു.