സ്​ത്രീകളോട്​ മോശമായി പെരുമാറിയതിന്​ നേതാക്കളെ പുറത്താക്കിയ പാർട്ടിയാണ്​ സി.പി.എം –എം.എം ഹസൻ

തിരുവനന്തപുരം: സ്​ത്രീപീഢനത്തി​​െൻറ ആൾക്കാർ കോൺഗ്രസ് നേതാക്കളാണെന്ന മന്ത്രി എം.എം.മണിയുടെ വാക്കുകൾക്ക് മറുപടിയുമായി കെ.പി.സി.സി അധ്യക്ഷൻ എം.എം.ഹസൻ. സ്ത്രീകളോട് മോശമായി പെരുമാറിയതിന് നേതാക്കളെ പുറത്താക്കിയ പാർട്ടിയാണ് സി.പി.എം. എന്നിട്ടാണ് കോൺഗ്രസിനെ ആക്ഷേപിക്കുന്നതെന്ന്​ ഹസൻ പറഞ്ഞു. ഉത്സവപ്പറമ്പിൽ നിന്നും പോക്കറ്റടിച്ചിട്ട് കള്ളൻ... കള്ളൻ എന്ന് വിളിച്ചുകൂവുന്ന ആളെപ്പലെയാണ് മണിയെന്നും ഹസൻ പരിഹസിച്ചു. എം.എം.മണിയെ മുഖ്യമന്ത്രി സംരക്ഷിക്കുന്നതിൽ ഗൂഢാലോചയുണ്ടെന്നും ഹസൻ കൂട്ടിച്ചേർത്തു.