ജനപിന്തുണ​ കൊണ്ടാണ്​ തുടർച്ചയായി വിജയിച്ചത്​, തനിക്കെതിരെ പ്രതിഷേധമുണ്ടായിട്ടില്ല; ഹസന്​ എം.കെ. രാഘവന്‍റെ മറുപടി

കോഴിക്കോട്:​ മത്സരിക്കാനെത്തിയപ്പോൾ കോഴിക്കോട്​ തനിക്കെതിരെ പ്രതിഷേധമുണ്ടായിരുന്നുവെന്ന യു.ഡി.എഫ്​ കൺവീനർ എം.എം. ഹസന്‍റെ പ്രസ്​താവനക്ക്​ മറുപടിയുമായി എം.കെ. രാഘവൻ എം.പി.

കോഴിക്കോട്​ താൻ മത്സരിക്കാൻ വരു​േമ്പാൾ ഒരു പ്രതിഷേധവും ഉണ്ടായിട്ടില്ല. ഒരു വട്ടമല്ല മൂന്ന്​ വട്ടം ഒരേ മണ്ഡലത്തിൽ നിന്ന്​ ജയിച്ച്​ വന്നയാളാണ്​ താൻ. ജനപിന്തുണ ലഭിച്ചതുകൊണ്ടാണ്​ തുടർച്ചയായി വിജയിച്ചത്​. എലത്തൂർ സീറ്റ്​ വിഷയത്തിൽ പാർട്ടി ഇടപെടാൻ വൈകിയെന്നും എം.കെ. രാഘവൻ പറഞ്ഞു.

എം.കെ. രാഘവൻ എം.പിയെ പോലെ ഒരാൾ വിഷയത്തിൽ ഇങ്ങനെ പ്രതികരിക്കരുതായിരുന്നു. പയ്യന്നൂരിൽ നിന്ന്​ അദ്ദേഹം കോഴിക്കോ​െടത്തിയപ്പോൾ പ്രതിഷേധം ഉണ്ടായിരുന്നു. അത് അദ്ദേഹം പരിഗണിക്കണമായിരുന്നുവെന്നുമാണ്​ എം.എം. ഹസൻ പറഞ്ഞത്​.

എലത്തൂരിൽ യുഡിഎഫ് സ്ഥാനാർഥിയെ തീരുമാനിച്ചത് വേണ്ടത്ര കൂടിയാലോചനയില്ലാതെയാണെന്ന് എം.കെ രാഘവൻ എം.പി പ്രതികരിച്ചിരുന്നു. പ്രാദേശികമായ കോൺ​ഗ്രസ് കമ്മിറ്റികളെല്ലാം രാജി ​െവച്ചുകഴിഞ്ഞു. പശ്ചാത്തലത്തിൽ വളരെ ​ഗൗരവമായി കെ.പി.സി.സി വിഷയത്തിൽ തീരുമാനം എടുക്കണമെന്നുമായിരുന്നു അദ്ദേഹത്തിന്‍റെ ആവശ്യം.

മണ്ഡലത്തിൽ സ്വാധീനമില്ലാത്ത മാണി സി. കാപ്പ​ന്‍റെ എൻ.സി.കെക്ക്​ സീറ്റ്​ നൽകിയതിനെ തുടർന്നാണ്​ കോൺഗ്രസിൽ നിന്ന്​ എതിർപ്പുയർന്നത്​.

അതേസമയം ഒത്തുതീർപ്പിനായി എലത്തൂർ ഭാരതീയ നാഷനൽ ജനതദളിന് നൽകിയേക്കുമെന്നാണ്​ സൂചന.

ഇതിന്​ കോൺഗ്രസ് പ്രാദേശിക നേതൃത്വത്തിന്‍റെ പിന്തുണയുമുണ്ടെന്നാണ്​ സൂചന. ഇവിടെ ഭാരതീയ നാഷനൽ ജനതദൾ അംഗം പത്രിക സമർപ്പിച്ചിരുന്നു. നാഷനൽ ജനതാദളിന്‍റെ രണ്ട്​ അംഗങ്ങളുടെ ബലത്തിലാണ്​ ചേളന്നൂർ പഞ്ചായത്ത്​​ യു.ഡി.എഫ്​ ഭരിക്കുന്നത്​.

എന്നാൽ എൻ.സി.കെ സ്​ഥാനാർഥി സുൽഫിക്കർ മയൂരി കഴിഞ്ഞ കുറച്ച്​ ദിവസങ്ങളായി പ്രചാരണര രംഗത്ത്​ സജീവമാണ്​. ഇതിനാൽ തന്നെ ഫോർമുലക്ക്​ എൻ.സി.കെ വഴങ്ങുമോ എന്ന കാര്യത്തിൽ തീർച്ചയായില്ല.