മുസ്​ലിം ലീഗിന് ഒരു​ പോറലുമേറ്റിട്ടില്ലെന്ന്​ എം.കെ മുനീർ

​കോഴിക്കോട്​: മുസ്​ലിം ലീഗിലെ ജനാധിപത്യത്തിന്​ ഒരു​ പോറലുമേറ്റിട്ടില്ലെന്ന്​ എം.കെ മുനീർ എം.എൽ.എ. ഉന്നതാധികാര സമിതിയോഗം നല്ല നിലയിലാണ്​ നടന്നത്​. സമിതിയിൽ പലരും പല അഭി​പ്രായം പറഞ്ഞാലും അവസാനം എടുക്കുന്ന തീരുമാനം കൂട്ടായ തീരുമാനമാണ്​. അതിൽ ഒറ്റ​െപടലിന്‍റെ പ്രശ്​നമൊന്നുമില്ലെന്നും മുനീർ മാധ്യമങ്ങളോട്​ പറഞ്ഞു.

ലീഗ്​ ഒരു പാട്​ പ്രതിസന്ധികളെ അതിജീവിച്ചാണ്​ മുന്നോട്ട്​ വന്നിട്ടുള്ളത്​. പാർട്ടി എന്നത്​ ഒരു വ്യക്​തിയായി ചുരങ്ങിയെങ്കിൽ ഇന്നലെ ചർച്ച നടക്കില്ല. ആ ചർച്ചക്ക്​ ശേഷം ഒരു സമിതി രൂപീകരിക്കപ്പെട്ടതും വ്യക്​തിയല്ല പ്രസ്ഥാനമാണ്​ ഏറ്റവും പ്രധാനമെന്നതിന്‍റെ ഉദാഹരണമാണെന്നും മുനീർ പറഞ്ഞു.

പാർട്ടിയിൽ ഗുണപരമല്ലാത്തതൊന്നും നടക്കുന്നില്ല. ചർച്ചകൾ പാർട്ടിക്ക്​ കൂടുതൽ ഗുണകരമാക്കും. പാർട്ടിക്ക്​ തുറന്ന സമീപനമാണുള്ളത്​.ഒന്നും മറച്ചുവെക്കാനില്ലെന്നും അദ്ദേഹം കൂട്ടിച്ചേർത്തു.

ചന്ദ്രികയുടെ പ്രശ്​നങ്ങൾ ഗൗരവമായി പരിശോധിക്കണം. ചന്ദ്രികയിൽ പ്രശ്​നങ്ങൾ ഉണ്ട്​. ചന്ദ്രികയെ ഒരിക്കലും പ്രസ്ഥാനം കൈവിടില്ല. ചന്ദ്രികയുടെ ഉള്ളിലുള്ള കാര്യങ്ങളെ കുറിച്ചു പ്രതികരിക്കാൻ ഉദ്ദേശിക്കുന്നില്ലെന്നും അദ്ദേഹം പറഞ്ഞു.