Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപിണറായി...

പിണറായി കമ്യൂണിസ്റ്റാണോയെന്ന ചോദ്യവുമായി എം.​െക മുനീർ; വിമർശനങ്ങൾക്ക്​ മറുപടി

text_fields
bookmark_border
MK Muneer
cancel

കോഴിക്കോട്​: വഖഫ് വിവാദവുമായി ബന്ധപ്പെട്ട് മുഖ്യമന്ത്രി പിണറായി വിജയൻ മുസ്‌ലിംലീഗിനെതിരെ നടത്തിയ വിമര്‍ശനത്തോട്​ പ്രതികരിച്ച് സംസ്​ഥാന സെക്രട്ടറി ഡോ. എം.കെ. മുനീർ എം.എൽ.എ. ലീഗ്​ മതസംഘടനയാണോയെന്ന പിണറായിയുടെ പ്രസ്​താവനക്ക്​ പിണറായി കമ്യൂണിസ്റ്റാണോയെന്ന മറുചോദ്യമാണ്​ മുനീർ ഉയർത്തിയത്​. കമ്യൂണിസ്റ്റുകാർ പോലും പിണറായിയെ അംഗീകരിക്കില്ലെന്നും അദ്ദേഹം പറഞ്ഞു.

മുസ്​ലിം ലീഗ്​ എന്തു ചെയ്യണമെന്നതിന്​ എ.കെ.ജി സെൻററി​‍െൻറ തീട്ടൂരം ആവശ്യമില്ല.​ മുസ്‌ലിം ലീഗ് രാഷ്​ട്രീയ സംഘടനയാണോ എന്ന് ചോദിക്കുന്ന പിണറായി വിജയനോട് തങ്ങൾക്ക് അങ്ങോട്ട് ചോദിക്കാനുള്ളത് അദ്ദേഹം കമ്യൂണിസ്​റ്റാണോ എന്നാണ്. കമ്യൂണിസത്തി​‍െൻറ പഴയകാല നിർവചനങ്ങളുടെ അടിസ്ഥാനത്തിൽ പിണറായി കമ്യൂണിസ്​റ്റല്ല എന്നാണ് ഞങ്ങൾ വിശ്വസിക്കുന്നത് -മുനീർ പറഞ്ഞു.

നിയമസഭയിൽ തെരഞ്ഞെടുക്കപ്പെട്ട രാഷ്​​ട്രീയ പ്രസ്​ഥാനത്തോട്​ മുഖ്യമന്ത്രി ധാർഷ്​ട്യത്തിൽ സംസാരിക്കരുത്​​. അത്​ വീട്ടിൽ പറഞ്ഞാൽ മതി. ഞങ്ങളുടെ തലയിൽ കയറി ഞരങ്ങണ്ട. ഒരു സമുദായം മാ​ത്രം ഒന്നും മിണ്ടാൻ പാടില്ല എന്നത്​ മതങ്ങളെ ഹൈജാക്ക്​ ചെയ്യലാണ്​. മൊത്തം മതനിരാസം സൃഷ്​ടിക്കാനാണ്​ സി.പി.എം ശ്രമം.

വഖഫ് ബോർഡ്​ നിയമനം പി.എസ്.സിക്ക് വിടുന്ന തീരുമാനം ഏതെങ്കിലും പള്ളികളിൽ എടുത്തതല്ല. അത് നിയമസഭയിൽ എടുത്തതാണ്​. നിയമസഭയിലെ ഒരു രാഷ്​ട്രീയ കക്ഷി എന്ന നിലയിൽ ഞങ്ങൾ മിണ്ടരുത് എന്നാണോ അദ്ദേഹം പറയുന്നത്. അദ്ദേഹത്തി​െൻറ തീട്ടൂരം വേറെ ആളുകളോട് കാണിച്ചോട്ടെ. ലീഗി​‍െൻറ മഹാസമ്മേളനം കണ്ട് വിഭ്രാന്തി പൂണ്ട അദ്ദേഹത്തിന് സ്ഥലജല ഭ്രമം സംഭവിച്ചിരിക്കുന്നു. മുഖ്യമന്ത്രി പറഞ്ഞതു മുഴുവൻ വാസ്തവ വിരുദ്ധമാണ്. നിയമസഭയിൽ വഖഫ് നിയമം നിരാകരിക്കണമെന്ന പ്രമേയമാണ് ഞങ്ങൾ കൊണ്ടുവന്നത്. കേസ്​ കാണിച്ച് ഭയപ്പെടുത്തേണ്ടെന്നും മുനീർ കൂട്ടിച്ചേർത്തു.

Show Full Article
TAGS:mk muneer Pinarayi Vijayan 
News Summary - MK Muneer on the question of whether Pinarayi is a communist; Reply to criticism
Next Story