ദുബൈയിലും കുവൈത്തിലും കുടുങ്ങിയവരെ സഹായിക്കണം -എം.കെ. മുനീർ

കോഴിക്കോട്​: സൗദി അറേബ്യയിലേക്ക്​ യാത്രാവിലക്ക്​ വന്നതിനെ തുടർന്ന്​ ദുബൈയിലും കുവൈത്തിലും കുടുങ്ങിക്കിടക്കുന്നവർ എംബസികൾ താമസവും ഭക്ഷണവും ഉറപ്പുവരുത്തുകയോ നാട്ടിൽ തിരികെ എത്തിക്കുന്നതിന്​ നടപടികൾ സ്വീകരിക്കുകയോ വേണമെന്ന്​ ആവശ്യപ്പെട്ട്​ പ്രതിപക്ഷ ഉപനേതാവ്​ ഡോ. എം.കെ മുനീർ മുഖ്യമന്ത്രിക്കും നോർക്ക പ്രിൻസിപ്പൽ സെക്രട്ടറിക്കും കത്ത്​ നൽകി.

കോവിഡ് വ്യാപനം മൂലം സൗദി അറേബ്യയിലേക്ക് നേരിട്ട് വിമാനസർവീസുകൾ ഇല്ലാത്തതിനാൽ ദുബൈ, കുവൈറ്റ് വഴിയാണ്​ ആണ് സൗദിയിലേക്ക് യാത്ര ചെയ്തു കൊണ്ടിരുന്നത്. ഇങ്ങനെ സൗദിയിലേക്ക്​ പുറപ്പെട്ടവരാണ്​ വഴിയിൽ കുടുങ്ങിക്കിടക്കുന്നത്​.