മി​ഥുന്‍റെ മരണവിവരം വിഡിയോ കോളിലൂടെ അമ്മയെ അറിയിച്ചു; സംസ്കാരം സുജ എത്തിയ ശേഷം

കൊല്ലം: സ്കൂ​ൾ കെ​ട്ടി​ട​ത്തിന് മുകളിലൂടെ കടന്നു പോകുന്ന വൈ​ദ്യു​തി ലൈ​നി​ൽ ​നി​ന്ന് മ​ക​ൻ മി​ഥുൻ ഷോ​ക്കേ​റ്റ് മ​രി​ച്ചെന്ന വിവരം മാതാവ് സുജയെ അറിയിച്ചു. വ്യാഴാഴ്ച രാത്രി വിഡിയോ കോളിലൂടെയാണ് ദുഃഖവാർത്ത മാതാവിനെ അറിയിച്ചത്.

കുവൈത്തിൽ ജോലി ചെയ്യുന്ന സുജ തൊഴിലുടമക്കൊപ്പം തുർക്കിയിലേക്ക് പോയിരിക്കുകയാണ്. അതിനാൽ തന്നെ തുർക്കിയിൽ നിന്നാണോ കുവൈത്തിൽ എത്തിയ ശേഷമാണ് സുജ നാട്ടിലേക്ക് തിരിക്കുക എന്ന കാര്യത്തിൽ തീരുമാനമായിട്ടില്ല. ശനിയാഴ്ച എ​ത്തി​യേക്കുമെന്നാണ് ലഭിക്കുന്ന വിവരം. സുജ എത്തിയ ശേ​ഷം ​മിഥുന്‍റെ സംസ്കാരം നടത്താനാണ് കുടുംബത്തിന്‍റെ തീരുമാനം.

സ്കൂ​ൾ കെ​ട്ടി​ട​ത്തോ​ട്​ ചേ​ർ​ന്ന സൈ​ക്കി​ള്‍ ഷെ​ഡി​ന് മു​ക​ളി​ൽ വീ​ണ ചെ​രി​പ്പ് എ​ടു​ക്കാ​ൻ ക​യ​റി​യ എ​ട്ടാം ക്ലാ​സ്​ വി​ദ്യാ​ർ​ഥി​യും തേ​വ​ല​ക്ക​ര വ​ലി​യ​പാ​ടം മി​ഥു​ന്‍ഭ​വ​നി​ല്‍ മ​നു​വി​ന്‍റെ മ​ക​നു​മാ​യ മി​ഥു​ൻ (13) വൈ​ദ്യു​തി ലൈ​നി​ൽ​ നി​ന്ന് ഷോ​ക്കേ​റ്റാണ് മ​രി​ച്ച​ത്. ശാ​സ്താം​കോ​ട്ട തേ​വ​ല​ക്ക​ര കോ​വൂ​ര്‍ ബോ​യ്സ് സ്കൂ​ളി​ൽ വ്യാ​ഴാ​ഴ്ച രാ​വി​ലെ 9.40നാ​ണ്​ സം​ഭ​വം.

ക്ലാ​സ്​ പ​രി​സ​ര​ത്ത്​ ക​ളി​ക്കു​ന്ന​തി​നി​ടെ​യാ​ണ് കെ​ട്ടി​ട​ത്തോ​ട്​ ചേ​ർ​ന്ന സൈ​ക്കി​ള്‍ ഷെ​ഡി​ന് മു​ക​ളി​ലേ​ക്ക് ചെ​രി​പ്പ് വീ​ണ​ത്. ക്ലാ​സ്​ മു​റി​യി​ൽ​ ഡ​സ്കി​ട്ട്​ ഭി​ത്തി​യി​ൽ പി​ടി​ച്ച്​ മു​ക​ളി​ലെ വി​ട​വി​ലൂ​ടെ ഇ​രു​മ്പ്​ ഷീ​റ്റ്​ പാ​കി​യ സൈ​ക്കി​ൾ ഷെ​ഡി​ന് മു​ക​ളി​ൽ​ ക​യ​റി​യ വി​ദ്യാ​ർ​ഥി ചെ​രി​പ്പെ​ടു​ക്കാ​നാ​യി ന​ട​ന്നു​ നീ​ങ്ങു​ന്ന​തി​നി​ടെ വ​ഴു​തി വീ​ണ​പ്പോ​ൾ താ​ഴ്ന്നു​കി​ട​ന്ന വൈ​ദ്യു​തി ലൈ​നി​ൽ ത​ട്ടു​ക​യാ​യി​രു​ന്നു.

ഷെ​ഡി​ന്​ മു​ക​ളി​ൽ പാ​കി​യ ഷീ​റ്റി​ൽ​ നി​ന്ന്​ അ​ര​മീ​റ്റ​ർ പോ​ലും ഉ​യ​ര​ത്തി​ലാ​യി​രു​ന്നി​ല്ല വൈ​ദ്യു​തി ലൈ​ൻ. സ്കൂ​ളി​ലേ​ക്കും സ്വ​കാ​ര്യ വ്യ​ക്​​തി​യു​ടെ കെ​ട്ടി​ട​ത്തി​ലേ​ക്കു​മാ​യി വ​ലി​ച്ച ലൈ​നി​ൽ ​നി​ന്നാ​ണ്​ ഷോ​ക്കേ​റ്റ​ത്. തേ​വ​ല​ക്ക​ര വൈ​ദ്യു​തി ഓ​ഫി​സി​ൽ നി​ന്ന്​ അ​ധി​കൃ​ത​രെ​ത്തി വൈ​ദ്യു​തി വി​​​ച്ഛേ​ദി​ച്ച ശേ​ഷം​ ബെ​ഞ്ച്​ ഉ​പ​യോ​ഗി​ച്ച്​ ലൈ​നി​ൽ ​നി​ന്ന്​ ത​ട്ടി മാ​റ്റി കു​ട്ടി​യെ താ​ഴെ​യി​റ​ക്കി താ​ലൂ​ക്ക് ആ​ശു​പ​ത്രി​യി​ല്‍ എ​ത്തി​ച്ചെ​ങ്കി​ലും ര​ക്ഷി​ക്കാ​നാ​യി​ല്ല.

വൈ​ദ്യു​തി ലൈ​നി​ന്​ ​തൊ​ട്ട്​ താ​ഴെ പ​ഞ്ചാ​യ​ത്ത്​ അ​ധി​കൃ​ത​രു​ടെ അ​നു​മ​തി​യി​ല്ലാ​തെ വ​ർ​ഷ​ങ്ങ​ൾ​ക്ക്​ മു​മ്പ്​ പ​ണി​ത സൈ​ക്കി​ൾ ഷെ​ഡ്​ അ​പ​ക​ട​നി​ല​യി​ലാ​ണെ​ന്ന്​ പി.​ടി.​എ ഭാ​ര​വാ​ഹി​ക​ൾ അ​ട​ക്കം മു​ന്ന​റി​യി​പ്പ്​ ന​ൽ​കി​യി​രു​ന്നെ​ങ്കി​ലും ന​ട​പ​ടി എ​ടു​ത്തി​രു​ന്നി​ല്ല. സി.​പി.​എം ലോ​ക്ക​ൽ ക​മ്മി​റ്റി നി​യ​ന്ത്ര​ണ​ത്തി​ലു​ള്ള എ​യ്​​ഡ​ഡ്​ സ്കൂ​ളാ​ണി​ത്.