ബംഗളൂരുവില്‍ നിന്ന്​ പുറപ്പെട്ട രണ്ട്​ ആൺകുട്ടികളെ ദുരൂഹ സാഹചര്യത്തിൽ കാണാതായി

ചെന്ത്രാപ്പിന്നി(തൃശൂർ): ബംഗളൂരുവിലെ ബന്ധുവീട്ടില്‍ നിന്നും മടങ്ങിയ രണ്ട്​ ആൺകുട്ടികളെ ദുരൂഹ സാചര്യത്തിൽ കാണാതായി. എടത്തിരുത്തി മധുരംപിള്ളി കിഴക്ക്‌ വീട്ടില്‍ സാജന്‍ മേനോ​​​െൻറ മകന്‍ നിർമല്‍ മേനോൻ(17), പെരിങ്ങോട്ടുകര കിഴക്കുംമുറി കാനാറ വീട്ടില്‍ ദിനേഷി‍​​െൻറ മകന്‍ ദിബീഷ്‌ (16) എന്നിവരെയാണ്‌ മേയ്‌ 31 മുതൽ കാണതായത്​. നിർമല്‍ മേനോ​​​െൻറ രക്ഷിതാക്കള്‍ മതിലകം പൊലീസിലും ദിബീഷി​​​െൻറ രക്ഷിതാക്കള്‍ അന്തിക്കാട്‌ പൊലീസ്‌ സ്‌റ്റേഷനിലും പരാതി നല്‍കിയിട്ടുണ്ട്‌. 

കാണാതായ രണ്ട് ആൺകുട്ടികളും ബന്ധുവായ ഒരു 13 കാരനും കൂടി ഒരാഴ്ച മുമ്പാണ്​ ബംഗളൂരുവിലേക്ക്​  ടൂർ പോയത്​. കൂട്ടത്തിൽ ഒരാളുടെ പിതൃസഹോദരൻ ബംഗളൂരുവിലാണ്​  താമസിക്കുന്നത്​്​. അവിടെയാണ്​ ഇവർ താമസിച്ചത്​്​ . 31ന്​ ബംഗളൂരുവില്‍   നിന്നും ട്രെയിനിൽ പുറപ്പെട്ട ഇവരിൽ 13 കാരൻ മാത്രമാണ്​ തിരി​ച്ചെത്തിയത്​. ഒലവക്കോട് വന്നിറങ്ങിയ ശേഷം ഇയാളെ തൃശൂരിലേക്ക് വേറെ ട്രെയിനിൽ ഇവർ കയറ്റി വിട്ടു എന്നാണ്​ പറയുന്നത്​. കാണാതായ രണ്ടുപേരും ഇതുവരെ വീട്ടിലെത്തിയിട്ടില്ല.  കുട്ടികൾ താമസിച്ച വീട്ടിലുണ്ടായിരുന്നവർ ഒരു ബന്ധുവടക്കം പ്രായ പൂർത്തിയാകാത്ത രണ്ടു പെൺകുട്ടികളെയും കൂട്ടി ബംഗളൂരുവില്‍  നിന്ന് മുങ്ങി​യതാണെന്ന്​ അഭ്യൂഹമുണ്ട്​. കൂടെയുള്ള 13 കാരനെ തൃശൂരിലേക്ക് വണ്ടി കയറ്റി വിട്ട ശേഷം കാണാതായവരടക്കം മുങ്ങിയെന്നാണ് കരുതുന്നത്.

ഇവരെപ്പറ്റി  വിവരം ലഭിക്കുന്നവർ കൊടുങ്ങല്ലൂർ സി.ഐ (9497987143), മതിലകം പൊലീസ്‌ സ്‌റ്റേഷന്‍ (9494980547), അന്തിക്കാട്‌ എസ്‌.ഐ (9497980522), ചേർപ്പ്‌ സി.ഐ (9497980530) എന്നിവരെ അറിയിക്കണമെന്ന്​ ബന്ധുക്കൾ അഭ്യർഥിച്ചു.