ഇടുക്കി ജലാശയത്തിൽ കാണാതായ യുവാക്കളുടെ മൃതദേഹം കണ്ടെത്തി

കട്ടപ്പന: മീൻ പിടിക്കാൻ വലവീശുന്നതിനിടെ ഇടുക്കി ജലാശയത്തിൽ കാണാതായ യുവാക്കളുടെ മൃതദേഹം കണ്ടെത്തി. മാട്ടുതാവളം സ്വദേശികളായ ജോയ്‌സ്, മനു എന്നിവരാണ്​ ഉപ്പുതറ കെട്ടിയറ ഭാഗത്തു ഒഴുക്കിൽപ്പെട്ട്​ മരിച്ചത്​.

തുടർച്ചയായി നാലാം ദിവസം നടത്തിയ തിരച്ചിലിൽ വെള്ളിയാഴ്​ച രാവിലെ 8.30ഒാടെ പെരിയാറിന്‍റെ കൈവഴിയായ സീതക്കയം ഭാഗത്ത് നിന്നുമാണ് മൃതദേഹങ്ങൾ കണ്ടെത്തിയത്. ധീരേന്ദ്ര സിങ് കുശ്വഹയുടെ നേതൃത്വത്തിലുള്ള 15 പേരടങ്ങുന്ന എൻ.ഡി.ആർ.എഫ് ടീം, ഫയർ ഫോഴ്സ്, നാട്ടുകാർ എന്നിവർ ചേർന്നാണ് തിരച്ചിൽ നടത്തിയത്.