Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightകൊലപാതക കേസിലെ...

കൊലപാതക കേസിലെ ഫോട്ടോകൾ നഷ്ടമായി; വിചാരണ നിർത്തി ജഡ്ജി

text_fields
bookmark_border
കൊലപാതക കേസിലെ ഫോട്ടോകൾ നഷ്ടമായി; വിചാരണ നിർത്തി ജഡ്ജി
cancel
Listen to this Article

തിരുവനന്തപുരം: വിദേശ വനിതയുടെ കൊലപാതകവുമായി ബന്ധപ്പെട്ട ഫോട്ടോകൾ കോടതിമുറിയിൽനിന്ന് 'അപ്രത്യക്ഷ'മായതിനെ തുടർന്ന് വിചാരണ നിർത്തിവെച്ച് കോടതി. ഒടുവിൽ ജീവനക്കാരും അഭിഭാഷകരും സ്പെഷൽ പ്രോസിക്യൂട്ടറും പൊലീസുകാരും ചേർന്ന് നടത്തിയ തിരച്ചിലിനൊടുവിൽ കേസ് ഫയലുകൾക്കിടയിൽനിന്ന് നിർണായ തെളിവായ ഫോട്ടോകൾ കണ്ടെത്തി.

വിദേശ വനിതയുടെ മൃതദേഹവും കണ്ടെത്തിയ പരിസരവും അടങ്ങിയ 21 ഫോട്ടോകളാണ് വെള്ളിയാഴ്ച രാവിലെ തിരുവനന്തപുരം ഒന്നാം അഡീഷനൽ സെഷൻസ് കോടതിയിൽനിന്ന് കാണാതായത്. കേസ് ആദ്യം അന്വേഷിച്ച തിരുവല്ലം സി.ഐ ശിവകുമാർ തിരിച്ചറിയേണ്ട ഫോട്ടോകളായിരുന്നു ഇവ. ഫോട്ടോ കോടതി മുറിയിൽനിന്ന് നഷ്ടമായെന്ന് ജീവനക്കാർ അറിയിച്ചതോടെ ജഡ്ജി ബാലകൃഷ്ണൻ വിചാരണ നടപടികൾ നിർത്തി. ജീവനക്കാരോട് ഫോട്ടോ അന്വേഷിച്ച് കണ്ടെത്താനും നിർദേശിച്ചു.

ഇവർക്ക് കണ്ടെത്താനാകാതെ വന്നതോടെ കോടതി മുറിയിലുണ്ടായിരുന്ന മറ്റുള്ളവരോടും ഫോട്ടോ അന്വേഷിച്ച് കണ്ടെത്താൻ കോടതി വാക്കാൽ നിർദേശിക്കുകയായിരുന്നു. കൂട്ടത്തിരച്ചിലിനൊടുവിലാണ് 45 മിനിറ്റിന് ശേഷം കേസ് ഫയലുകൾക്കിടയിൽനിന്ന് 21 ഫോട്ടോയും കിട്ടിയത്. ഇതിനുശേഷമാണ് വിചാരണ നടപടികൾ ആരംഭിച്ചത്.

കേസിന്‍റെ മൂന്നാംഘട്ട വിചാരണയാണ് നടക്കുന്നത്. 2018 മാർച്ച് 14ന് കോവളത്തുനിന്ന് യുവതിയെ സമീപത്തുള്ള കുറ്റിക്കാട്ടിൽ കൂട്ടിക്കൊണ്ടുപോയി ലഹരിവസ്‌തു നൽകി പീഡിപ്പിച്ചെന്നാണ് പ്രോസിക്യൂഷൻ കേസ്. ഉദയൻ, ഉമേഷ് എന്നിവരാണ് പ്രതികൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:trialMurder Cases
News Summary - Missing photos in murder case; The judge stopped the trial
Next Story