കാമുകനൊപ്പം ഒളി​േച്ചാടിയ പത്താം ക്ലാസുകാരിയെ കണ്ടെത്തി

അടൂർ: രണ്ടു രാവും ഒരു പകലും പൊലീസിനെയും രക്ഷിതാക്കളെയും നാട്ടുകാരെയും ഒരുപോലെ ടെൻഷൻ അടിപ്പിച്ച പത്താം ക്ലാസ ുകാരിയെ ഒടുവിൽ കണ്ടെത്തി. വ്യാഴാഴ്ച വൈകീട്ട് എസ്.എസ്.എൽ.സി അവസാന പരീക്ഷയും എഴുതിയ ശേഷം കാമുകനൊപ്പം നാടുവിട്ട പ െൺകുട്ടി പൊലീസ് അന്വേഷിച്ചു വരുന്നതുകണ്ട് കാമുക​​െൻറ വീട്ടിൽനിന്ന് ഇറങ്ങി ഓടുകയായിരുന്നു. മൂന്നു സ്​റ്റേഷന ിൽനിന്ന്​ എട്ടുവണ്ടി പൊലീസ് വ്യാഴാഴ്ച രാത്രിയും വെള്ളിയാഴ്​ച രാവും പകലുമായി പെൺകുട്ടിക്ക് വേണ്ടി അരിച്ചുപെ റുക്കിയിട്ടും ഫലമുണ്ടായില്ല.

ഫോറൻസിക് വിദഗ്ധരും ഡോഗ് സ്‌ക്വാഡും പെൺകുട്ടിക്ക് വേണ്ടി രാപകൽ തിരച്ചിൽ നടത്തിയിരുന്നു. ശനിയാഴ്ച രാവിലെ 10ന് മണക്കാല ജങ്ഷനിൽ ഫെഡറൽ ബാങ്കിന് പിന്നി​െല കുറ്റിക്കാട്ടിൽ പതുങ്ങിയിരുന്ന പെൺകുട്ടിയെ നാട്ടുകാരാണ് പൊലീസിൽ ഏൽപിച്ചത്. തുടർന്ന്​ കൂടുതൽ ചോദ്യം ചെയ്യലിനായി കൊടുമൺ സ്​റ്റേഷനിലേക്ക് മാറ്റി. വൈദ്യപരിശോധനയിൽ പെൺകുട്ടി പീഡിപ്പിക്കപ്പെ​െട്ടന്നാണ് പ്രാഥമിക വിവരം.

കാമുക​​െൻറ വീട്ടിൽനിന്ന്​ ഇറങ്ങിയോടിയ പെൺകുട്ടി ആദ്യദിവസം ഒരു വയലിന് സമീപമാണ് ഒളിച്ചിരുന്നത്. അവിടെനിന്ന്​ മാവിൽനിന്ന് പച്ചമാങ്ങ പറിച്ചു കഴിച്ചു. ഒരു കുപ്പി വെള്ളവും വാങ്ങി കുടിച്ചു. കാമുകനും മറ്റു ചിലരും പീഡിപ്പിച്ചുവെന്നാണ് പെൺകുട്ടി പൊലീസിനോട് പറഞ്ഞത്. വൈദ്യപരിശോധനക്ക്​ ശേഷമേ ഇക്കാര്യം സ്ഥിരീകരിക്കാൻ കഴിയൂ. പെൺകുട്ടിയുമായി ഒളിച്ചോടിയ കാമുകനെ അറസ്​റ്റ്​ ചെയ്തു. ഞായറാഴ്​ച മജിസ്​ട്രേറ്റിനു മുന്നിൽ ഹാജരാക്കും.

വ്യാഴാഴ്ച വൈകീട്ടാണ് കടമ്പനാട് കുണ്ടോംവെട്ടത്ത് മലനട സ്വദേശിയായ ശ്യാം എന്ന 19കാരനൊപ്പം പെൺകുട്ടി ഒളിച്ചോടിയത്. പരീക്ഷ തീർന്ന്​ കൂട്ടുകാർക്കൊപ്പം ഇറങ്ങിയ പെൺകുട്ടി കാമുകൻ വാടകക്ക് എടുത്ത കാറിൽ സ്ഥലംവിടുകയായിരുന്നു. പതിവുസമയം കഴിഞ്ഞിട്ടും പെൺകുട്ടി വീട്ടിൽ എത്താതിരുന്നപ്പോൾ രക്ഷിതാക്കാൾ കൊടുമൺ പൊലീസ് സ്​റ്റേഷനിൽ പരാതി നൽകുകയായിരുന്നു.