പ്ലാ​സ്റ്റി​ക് കു​ടി​ലി​ൽ ദു​രി​തം; 'ലൈഫ്' കിട്ടുമോ ഇവർക്ക്?

മ​ണ്ണൂ​ർ: ശ​ക്ത​മാ​​യൊ​രു കാ​റ്റു​മ​തി ഈ ​കു​ടും​ബ​ത്തി​ന്റെ അ​ഭ​യ​മി​ല്ലാ​താ​ക്കാ​ൻ. മാ​നം ക​റു​ത്താ​ൽ ജ​യ​പ്ര​കാ​ശ​നും ഭാ​ര്യ ബി​ന്ദു​വി​നും ആ​ധി​യാ​ണ്. പ്ലാ​സ്റ്റി​ക് ഷീ​റ്റ് വ​ലി​ച്ചു​കെ​ട്ടി​യ ഷീ​റ്റി​ന് താ​ഴെ ഉ​റ​ക്ക​മി​ല്ലാ​ത്ത രാ​ത്രി​ക​ൾ ത​ള്ളി​നീ​ക്ക​ണം. ഇ​ട​ക്ക് വെ​ള്ള​ത്തു​ള്ളി​ക​ൾ ഇ​റ്റു​വീ​ഴു​ന്ന മേ​ൽ​ക്കൂ​ര​ക്ക​ടി​യി​ൽ പാ​ത്ര​ങ്ങ​ൾ​വെ​ച്ച് ര​ണ്ട് പെ​ൺ​മ​ക്ക​ളു​റ​ങ്ങു​ന്ന​ത് നോ​ക്കി​യി​രി​ക്ക​ണം. എ​ട്ടു​വ​ർ​ഷ​മാ​യി ര​ണ്ടു വി​ദ്യാ​ർ​ഥി​നി​ക​ള​ട​ക്ക​മു​ള്ള നാ​ലം​ഗ​കു​ടും​ബം കു​ടി​ലി​ൽ ദു​രി​തം പേ​റി ക​ഴി​യു​ക​യാ​ണ്.

മ​ണ്ണൂ​ർ ഗ്രാ​മ​പ​ഞ്ചാ​യ​ത്ത് ര​ണ്ടാം​വാ​ർ​ഡി​ൽ ചോ​ല​ക്കു​ന്നി​ലാ​ണ് പ​ത്താം​ത​ര​ത്തി​ലും പ്ല​സ് ടു​വി​ലും പ​ഠി​ക്കു​ന്ന ര​ണ്ട് പെ​ൺ​മ​ക്ക​ളു​മാ​യി ഈ ​കു​ടും​ബം ക​ഴി​യു​ന്ന​ത്. പ​ഠി​ക്കാ​ൻ മി​ടു​ക്കി​ക​ളാ​ണ് മ​ക്ക​ൾ. മ​ഴ​യി​ൽ പ്ലാ​സ്റ്റി​ക് മേ​ൽ​ക്കൂ​ര ചോ​രു​ന്ന​തോ​ടെ മ​ക്ക​ളു​ടെ പ​ഠ​നം​പോ​ലും പ്ര​തി​സ​ന്ധി​യി​ലാ​വും.

വേ​ന​ലി​ൽ ക​ന​ത്ത​ചൂ​ടും. എ​ങ്കി​ലും ഈ ​കൂ​ര​യി​ലി​രു​ന്ന് തോ​ൽ​ക്കാ​ൻ മ​ന​സി​ല്ലാ​തെ പ​ഠി​ച്ച​തി​ന്റെ എ ​പ്ല​സു​ക​ൾ നി​റ​ഞ്ഞു നി​ൽ​ക്കു​ന്ന​താ​ണ് ര​ണ്ടു​പെ​ൺ​മ​ക്ക​ളു​ടെ​യും സ​ർ​ട്ടി​ഫി​ക്ക​റ്റു​ക​ൾ. സ​ർ​ക്കാ​ർ ഭ​വ​ന​പ​ദ്ധ​തി​യി​ൽ അ​പേ​ക്ഷ ന​ൽ​കി വീ​ടി​ന് വേ​ണ്ടി​യു​ള്ള കാ​ത്തി​രി​പ്പാ​ണ് കു​ടും​ബം.

ജ​യ​പ്ര​കാ​ശ​ൻ കൂ​ലി​പ്പ​ണി​യെ​ടു​ത്ത് കി​ട്ടു​ന്ന വ​രു​മാ​നം കൊ​ണ്ടാ​ണ് കു​ടും​ബ​ത്തി​ന്റെ ജീ​വി​തം മു​ന്നോ​ട്ടു പോ​കു​ന്ന​ത്. ലൈ​ഫ് പ​ദ്ധ​തി പ​ട്ടി​ക​യി​ൽ അ​വ​സാ​ന​മാ​യാ​ണ് ഇ​വ​രു​ടെ പേ​രു​ള്ള​ത്. മ​ഴ​ക്കാ​ല​ത്തി​ന് മു​മ്പെ​ങ്കി​ലും കി​ട​പ്പാ​ടം സ​ജ്ജ​മാ​ക്കാ​ൻ സ​ഹാ​യം തേ​ടി ക​ല​ക്ട​ർ​ക്ക് നി​വേ​ദ​നം ന​ൽ​കാ​നൊ​രു​ങ്ങു​ക​യാ​ണ് കു​ടും​ബം.