അസഭ്യവർഷം: എസ്​.ഐക്കെതിരെ വകുപ്പുതല അന്വേഷണം

കോ​ട്ട​യം: കെ.​എ​സ്.​യു പ്ര​വ​ര്‍ത്ത​ക​ര്‍ക്കു​നേ​രെ അ​സ​ഭ്യ​വ​ര്‍ഷം ന​ട​ത്തി​യെ​ന്ന പ​രാ​തി​യി​ൽ എ​സ്.​ഐ​ക്കെ​തി​രെ ന​ട​പ​ടി​യു​ണ്ടാ​യേ​ക്കും. സം​ഭ​വ​ത്തി​ൽ ഗാ​ന്ധി​ന​ഗ​ര്‍ പ്രി​ന്‍സി​പ്പ​ല്‍ എ​സ്.​ഐ സു​ധി കെ. ​സ​ത്യ​പാ​ല​നെ​തി​രെ വ​കു​പ്പു​ത​ല അ​ന്വേ​ഷ​ണം തു​ട​ങ്ങി. ഇ​തി​ന്‍റെ റി​പ്പോ​ർ​ട്ട്​ ല​ഭി​ച്ച​ശേ​ഷ​മാ​കും ന​ട​പ​ടി. ഇ​തു​സം​ബ​ന്ധി​ച്ച്​ സ്​​പെ​ഷ​ൽ ബ്രാ​ഞ്ചും റി​പ്പോ​ർ​ട്ട്​ ന​ൽ​കി​യി​രു​ന്നു. സം​ഭ​വ​ത്തി​ന്‍റെ വി​ഡി​യോ​ദൃ​ശ്യ​ങ്ങ​ളും ശേ​ഖ​രി​ച്ചി​ട്ടു​ണ്ട്.

നേ​ര​ത്തേ, മെ​ഡി​ക്ക​ൽ കോ​ള​ജി​ലെ ഡോ​ക്​​ട​റെ ഭീ​ഷ​ണി​പ്പെ​ടു​ത്തി​യെ​ന്ന പ​രാ​തി​യി​ൽ തു​ട​ർ​ന​ട​പ​ടി സ്വീ​ക​രി​ക്കു​ന്ന​തി​ൽ എ​സ്.​ഐ വീ​ഴ്ച വ​രു​ത്തി​യ​താ​യി ക​ണ്ടെ​ത്തി​യി​രു​ന്നു. പ​രാ​തി ന​ൽ​കി ഒ​രു​ദി​വ​സ​ത്തി​നു​ശേ​ഷ​മാ​യി​രു​ന്നു പൊ​ലീ​സ്​ ഡോ​ക്ട​റു​ടെ മൊ​ഴി രേ​ഖ​പ്പെ​ടു​ത്തി​യ​ത്. ഇ​ത്​ ഏ​റെ വി​മ​ർ​ശ​ന​ങ്ങ​ൾ​ക്കും കാ​ര​ണ​മാ​യി.

ഇ​തി​നി​ടെ, സു​ധി കെ. ​സ​ത്യ​പാ​ല​നെ​തി​രെ ന​ട​പ​ടി ആ​വ​ശ്യ​പ്പെ​ട്ട്​ കെ.​എ​സ്.​യു മു​ൻ സം​സ്ഥാ​ന ജ​ന​റ​ൽ സെ​ക്ര​ട്ട​റി സു​ബി​ൻ മാ​ത്യു ഡി.​ജി.​പി​ക്കും കോ​ട്ട​യം ജി​ല്ല പൊ​ലീ​സ്​ മേ​ധാ​വി​ക്കും പ​രാ​തി ന​ൽ​കി. സു​ബി​ൻ മാ​ത്യു​വു​മാ​യു​ള്ള ത​ർ​ക്ക​ത്തി​നി​ടെ​യാ​യി​രു​ന്നു എ​സ്.​ഐ​യു​ടെ അ​സ​ഭ്യ​വ​ർ​ഷം. കെ.​എ​സ്.​യു ജി​ല്ല പ്ര​സി​ഡ​ന്‍റ്​ കെ.​എ​ൻ.​ നൈ​സാ​മാ​ണ്​ വ​കു​പ്പു​ത​ല ന​ട​പ​ടി ആ​വ​ശ്യ​പ്പെ​ട്ട്​ ജി​ല്ല പൊ​ലീ​സ്​ മേ​ധാ​വി​ക്ക്​ പ​രാ​തി ന​ൽ​കി​യ​ത്.

പി.​ജി സ​ർ​ട്ടി​ഫി​ക്ക​റ്റ് ഫോ​ർ​മാ​റ്റു​ക​ൾ കാ​ണാ​താ​യ സം​ഭ​വ​ത്തി​ൽ പ്ര​തി​ഷേ​ധി​ച്ച്​ വ്യാ​ഴാ​ഴ്ച എം.​ജി സ​ർ​വ​ക​ലാ​ശാ​ല​യി​ലേ​ക്ക്​ മാ​ർ​ച്ച്​ ന​ട​ത്തി​യ​പ്പോ​ഴാ​യി​രു​ന്നു സം​ഭ​വം. പ്ര​തി​ഷേ​ധി​ച്ച പ്ര​വ​ര്‍ത്ത​ക​രെ ബ​ല​മാ​യി പൊ​ലീ​സ്​ വാ​ഹ​ന​ത്തി​ലേ​ക്ക്​ ക​യ​റ്റു​ന്ന​തി​നി​ടെ​യു​ണ്ടാ​യ വാ​ക്​​ത​ർ​ക്ക​ത്തി​നി​ടെ എ​സ്.​ഐ തു​ട​ര്‍ച്ച​യാ​യി അ​സ​ഭ്യം പ​റ​യു​ക​യാ​യി​രു​ന്നു. കെ.​എ​സ്.​യു പ്ര​വ​ര്‍ത്ത​ക​ര്‍ ആ​ദ്യം എ​സ്.​ഐ​യെ അ​സ​ഭ്യം പ​റ​ഞ്ഞ​താ​യും പ​രാ​തി​യു​ണ്ട്.