പ്രായപൂർത്തിയാകാത്ത പെൺകുട്ടി ഗർഭഛിദ്രത്തെത്തുടർന്ന്​ ഗുരുതരാവസ്ഥയിൽ

പെരിന്തൽമണ്ണ: പ്രായപൂർത്തിയാകുന്നതിന്​ മുമ്പ്​ വിവാഹം കഴിച്ചയച്ച അസം സ്വദേശിനി ഗർഭഛിദ്രത്തെത്തുടർന്ന്​ ഗുരുതരാവസ്ഥയിൽ ആശുപത്രിയിൽ. സ്വാഭാവിക ഗർഭഛിദ്രം നടന്നതിനാൽ 16കാരിയെ പെരിന്തൽമണ്ണ ജില്ല ആശുപത്രിയിലെ തീവ്രപരിചരണ വിഭാഗത്തിലാണ് പ്രവേശിപ്പിച്ചിരിക്കുന്നത്​.

ആശുപത്രിയിലെത്തി മജിസ്​ട്രേറ്റ്​ മെ​ാഴിയെടുത്തു. ശൈശവ വിവാഹ നിരോധനം, പോക്സോ എന്നിവ പ്രകാരം മങ്കട പൊലീസ് കേസെടുത്തു. പത്തുമാസം മുമ്പ്​ അസമിൽ വിവാഹിതയായ പെൺകുട്ടി, ഫാമിൽ ജോലി ചെയ്തിരുന്ന ഭർത്താവിനൊപ്പം േനരത്തെ ആലപ്പുഴയിലായിരുന്നു. ഇപ്പോൾ മങ്കടയിലാണ്​ താമസം.

ആലപ്പുഴയിലുള്ള ഭർത്താവിനെ പൊലീസിന്​ കണ്ടെത്താനായിട്ടില്ല. ആശുപത്രിയിൽ ബന്ധുവാണ്​ കൂടെയുള്ളത്​. ആശുപത്രി അധികൃതർ അറിയിച്ചത് പ്രകാരം ചൈൽഡ് ലൈൻ വളൻറിയർമാരും ചൈൽഡ് വെൽഫെയർ കമ്മിറ്റിയും വിഷയത്തിൽ ഇടപെട്ടിട്ടുണ്ട്. നാല്​ ദിവസം മുമ്പാണ് പെൺകുട്ടിയെ പെരിന്തൽമണ്ണ ജില്ല ആശുപത്രിയിൽ ചികിത്സക്കെത്തിച്ചത്.