മന്ത്രിമാർ​ പഠിക്കാനിരിക്കും; മന്ത്രിസഭക്ക്​ മൂന്ന്​ ദിവസത്തെ പരിശീലനം

തിരുവനന്തപുരം: രണ്ടാം പിണറായി സർക്കാറിലെ മന്ത്രിമാർക്ക്​ പരിശീലനം നൽകുന്നു. തിരുവനന്തപുരത്തെ ഇൻസ്​റ്റിറ്റ്യൂട്ട്​ ഒാഫ്​ മാനേജ്​മെൻറ്​ ഇൻ ഗവൺമെൻറിനാണ് ​(​െഎ.എം.ജി) പരിശീലന ചുമതല. ഭൂരിഭാഗം മന്ത്രിമാരും ആദ്യമായാണ്​ മന്ത്രിസഭയിലെത്തുന്നതെന്നതിനാൽ അവർക്ക്​ ഭരണകാര്യങ്ങളിലും ചട്ടങ്ങളിലും പരിശീലനം നൽകണമെന്ന്​ നിർദേശം വന്നിരുന്നു. ഇതിലാണ്​ തീരുമാനമുണ്ടായത്​.

സെപ്​റ്റംബർ 20, 21, 22 തീയതികളിൽ തിരുവനന്തപുരത്തെ ​െഎ.എം.ജിയിൽ തന്നെയാണ്​ പരിശീലനം. രാവിലെ ഒമ്പതര മുതൽ ഉച്ചക്ക്​ ഒന്നര വരെയാണ്​ ക്ലാസുകൾ. ഒരു മണിക്കൂർ വീതമുള്ള മൂന്ന്​ ക്ലാസുകളാണ്​ ഒാരോ ദിവസവും. മൂന്ന്​ ദിവസമായി ഒമ്പത്​ ക്ലാസുകളുണ്ടാകും. പരിശീലനം സംബന്ധിച്ച്​ ​െഎ.എം.ജി ഡയറക്​ടർ ആഗസ്​റ്റ്​​ 30ന്​ സമർപ്പിച്ച നിർദേശം സെപ്​റ്റംബർ ഒന്നിലെ മന്ത്രിസഭ യോഗം ഔട്ട് ഓഫ് അജൻഡയായി (നം.222) അംഗീകരിച്ചു. പൊതുഭരണ വകുപ്പാണ്​ ഇതിനാവശ്യമായ തുക അനുവദിക്കുക. ചെലവി​െൻറ വിശദാംശം ​സമർപ്പിക്കാൻ ​െഎ.എം.ജി ഡയറക്​ടർക്ക്​ സർക്കാർ നിർദേശം നൽകി.

ഉമ്മൻ ചാണ്ടി സർക്കാറിെൻറ കാലത്ത്​ മന്ത്രിസഭാംഗങ്ങൾക്ക്​ ഒരുമിച്ച്​ പരിശീലനം നൽകിയിരുന്നു. അന്ന്​ മന്ത്രിമാർ കോഴിക്കോട്​ ​െഎ.​െഎ.എമ്മിൽ എത്തിയാണ്​ പരിശീലനം നേടിയത്​.