Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightമന്ത്രി മണിയുടെ ബന്ധു...

മന്ത്രി മണിയുടെ ബന്ധു കോൺഗ്രസ്​ സ്ഥാനാർഥി; മറ്റൊരു ബന്ധു സി.പി.എം ബാനറിൽ

text_fields
bookmark_border
മന്ത്രി മണിയുടെ ബന്ധു കോൺഗ്രസ്​ സ്ഥാനാർഥി; മറ്റൊരു ബന്ധു സി.പി.എം ബാനറിൽ
cancel

അടിമാലി: ഒരു വാർഡിൽ പരസ്​പരം മത്സരിക്കാൻ മന്ത്രിയുടെ ബന്ധുക്കൾ. മന്ത്രി എം.എം. മണിയുടെ സ്വന്തം പഞ്ചായത്തായ ബൈസൺവാലിയിലാണ് അദ്ദേഹത്തി​െൻറ ബന്ധുക്കൾ യു.ഡി.എഫ്​, എൽ.ഡി.എഫ്​ സ്ഥാനാർഥികളായി രംഗത്തുള്ളത്​. ബൈസൺവാലി പഞ്ചായത്ത് അഞ്ചാം വാർഡിലാണ് ഇൗ പോരാട്ടം. മന്ത്രി മണിയുടെ ഭാര്യാസഹോദരൻ തങ്കപ്പ​െൻറ ഭാര്യ ആനന്ദവല്ലിയുടെ സഹോദരൻ വി.ബി. സന്തോഷും മന്ത്രിയുടെ സഹോദരൻ എം.എം. ലംബോദര​െൻറ ഭാര്യാസഹോദരൻ പി.എ. സുരേന്ദ്രനുമാണ് പരസ്​പരം മത്സരിക്കുന്നത്.

സന്തോഷ് കോൺഗ്രസ്​ സ്ഥാനാർഥിയും സുരേന്ദ്രൻ സി.പി.എം സ്ഥാനാർഥിയുമായാണ്. 2015ൽ എൽ.ഡി.എഫ് സ്വതന്ത്രനായി ഏഴാംവാർഡിൽനിന്ന് വിജയിച്ചതാണ് സന്തോഷ്. ബൈസൺവാലിയിൽ കമ്യൂണിസ്​റ്റ്​ പാർട്ടി കെട്ടിപ്പടുത്തവരിൽ പ്രധാനിയായ വടക്കേത്തറയിൽ ഭാസ്​കര​െൻറ മകനാണ്​ സന്തോഷ്. മന്ത്രിയുടെ പഞ്ചായത്താണെങ്കിലും കഴിഞ്ഞ രണ്ടുവട്ടവും ബൈസൺവാലി ഭരിച്ചത് യു.ഡി.എഫാണ്. കേരള കോൺഗ്രസിന് വേരോട്ടമുള്ള ഇവിടെ ജോസ്​ കെ.മാണിയുടെ വരവോടെ പഞ്ചായത്ത് പിടിച്ചെടുക്കാമെന്ന വിശ്വാസത്തിലാണ് എൽ.ഡി.എഫ്​. നിരവധി രാഷ്​ട്രീയ സംഘട്ടനങ്ങൾക്കും കൊലപാതകങ്ങൾക്കും സാക്ഷ്യംവഹിച്ച പഞ്ചായത്താണ് ബൈസൺവാലി.

ജനപ്രതിനിധിക്ക്​ ചേരാത്ത സ്വഭാവ ദൂഷ്യങ്ങളുള്ളതിനാലാണ്​ സന്തോഷിനെ ഇത്തവണ സ്ഥാനാർഥി പട്ടികയിൽനിന്ന്​ ഒഴിവാക്കിയതെന്ന്​ സി.പി.എം നേതാക്കൾ പറയുന്നു. ആരോപണം അടിസ്ഥാനരഹിതമെന്ന് സന്തോഷും. എൽ.ഡി.എഫ്​ സ്ഥാനാർഥി സുരേന്ദ്രൻ ബൈസൺവാലി സഹകരണ ബാങ്ക് മുൻ പ്രസിഡൻറുമാണ്. രാജക്കാട്​ പഞ്ചായത്ത്​ പ്രസിഡൻറായിരുന്ന എം.എം. മണിയുടെ മകൾ സതി ഇക്കുറിയും മത്സരിക്കുന്നുണ്ട്​. രാജകുമാരി പഞ്ചായത്ത്​ പ്രസിഡൻറായിരുന്ന മറ്റൊരു മകൾ സുമ ഇത്തവണ മത്സരരംഗത്തില്ല.

Show Full Article
TAGS:m.m mani panchayat election 2020 
Web Title - Ministerial relative Congress candidate; Another relative in the CPM banner
Next Story