പാലാ ബിഷപ്പുമായി മന്ത്രി വാസവന്‍റെ കൂടിക്കാഴ്ച; പതിവ് സന്ദർശനമെന്ന് പ്രതികരണം

പാലാ: പാലാ ബിഷപ്പിന്‍റെ വം​ശീ​യ​ പ​രാ​മ​ർ​ശ​ങ്ങ​ളെ തുടർന്നുള്ള വിവാദം അവസാനിക്കാത്ത സാഹചര്യത്തിൽ അനുനയ നീക്കവുമായി സംസ്ഥാന സർക്കാരും. പാലാ ബിഷപ്പ് ജോസഫ് കല്ലറങ്ങാട്ടുമായി മന്ത്രി വി.എൻ. വാസവൻ കൂടിക്കാഴ്ച നടത്തി. രാവിലെ 11ഒാടെ പാലാ ബിഷപ്പ് ഹൗസിൽവെച്ചായിരുന്നു കൂടിക്കാഴ്ച. എം.ജി സർവകലാശാല മുൻ വി.സി. സിറിയക് തോമസും മന്ത്രിക്കൊപ്പം ഉണ്ടായിരുന്നു.

സഭയോടുള്ള ആദരവും ബഹുമാനവും നിലനിർത്തിയുള്ള പതിവ് സന്ദർശനമാണ് നടത്തിയതെന്ന് മന്ത്രി വി.എൻ. വാസവൻ പിന്നീട് മാധ്യമങ്ങളോട് പറഞ്ഞു. സഭയുമായും ബിഷപ്പുമാരുമായും നല്ല ബന്ധമാണുള്ളത്. കോൺഗ്രസ്, ബി.ജെ.പി നേതാക്കൾ ബിഷപ്പിനെ സന്ദർശിച്ചതിന് പിന്നിൽ ദുരുദ്ദേശവും രാഷ്ട്രീയ കാരണങ്ങളും ഉണ്ടാവുമെന്നും മന്ത്രി വാസവൻ പറഞ്ഞു.

പാ​ലാ ബി​ഷ​പ്പി​െൻറ വം​ശീ​യ ​പ​രാ​മ​ർ​ശ​ങ്ങ​ളെ തു​ട​ർ​ന്ന് ഉടലെടുത്ത ചേ​രി​തി​രി​വിനിടെ സ​മാ​ധാ​ന ​ശ്ര​മ​ങ്ങ​​ളു​മാ​യി കോ​ൺ​ഗ്ര​സ് നേതൃത്വം രംഗത്തു വന്നിരുന്നു. ഇതിന്‍റെ ഭാഗമായി കെ.​പി.​സി.​സി പ്ര​സി​ഡന്‍റ്​ കെ. ​സു​ധാ​ക​ര​​ൻ, ച​ങ്ങ​നാ​ശ്ശേ​രി അ​തി​രൂ​പ​ത അ​ധ്യ​ക്ഷ​ൻ ജോ​സ​ഫ്​ പെ​രു​ന്തോ​ട്ട​ം, ബിഷപ്പ് ജോസഫ് കല്ലറങ്ങാട്ട്, താ​ഴ​ത്ത​ങ്ങാ​ടി ജു​മാ​മ​സ്ജി​ദ് ഇ​മാം ഇ​ല​വു​പാ​ലം ഷം​സു​ദ്ദീ​ൻ മ​ന്നാ​നി എന്നിവരെ സന്ദശിക്കുകയും ചെയ്തിരുന്നു.

മ​ത​സൗ​ഹാ​ർ​ദം ത​ക​ർ​ക്കു​ന്ന ന​ട​പ​ടി സ​ഭ​യു​ടെ ഭാ​ഗ​ത്തു​നി​ന്ന്​ ഉ​ണ്ടാ​കി​ല്ലെ​ന്ന്​ ആ​ർ​ച് ബി​ഷ​പ് ജോ​സ​ഫ്​ പെ​രു​ന്തോ​ട്ട​ം ഉ​റ​പ്പു​ന​ൽ​കി​യ​താ​യി സു​ധാ​ക​ര​ൻ മാ​ധ്യ​മ​പ്ര​വ​ർ​ത്ത​ക​രോ​ട്​ പ​റ​ഞ്ഞിരുന്നു. സ​മ​വാ​യ​ത്തി​ന്​ മു​ൻ​കൈ​യെ​ടു​ക്കേ​ണ്ട​ സ​ർ​ക്കാ​ർ, ര​ണ്ട്​ സ​മു​ദാ​യം ത​മ്മി​ല​ടി​ക്കു​ന്ന​ത്​ നോ​ക്കി​ നി​ൽ​ക്കു​ക​യാ​ണ്. ഇ​ത്ത​രം സാ​ഹ​ച​ര്യ​ങ്ങ​ൾ ഒ​ഴി​വാ​ക്കാ​ൻ കോ​ൺ​ഗ്ര​സ്​ ശ്ര​മി​ക്കു​മെ​ന്നും സു​ധാ​ക​ര​ൻ പ​റ​ഞ്ഞു.

പാ​ലാ ബി​ഷ​പ്പി​​െൻറ നർ​ക്കോ​ട്ടി​ക്​ ജി​ഹാ​ദ്​ പ​രാ​മ​ർ​ശം, തു​ട​ർ​ന്നു​വ​ന്ന പ്ര​തി​ക​ര​ണ​ങ്ങ​ൾ എ​ന്നി​വ​യു​ടെ പ​ശ്ചാ​ത്ത​ല​ത്തി​ൽ മു​ഖ്യ​മ​ന്ത്രി വ്യാഴാഴ്ച ഉ​ന്ന​ത​ത​ല യോ​ഗ​ം വിളിച്ചിരുന്നു. സ​മൂ​ഹ​ത്തി​ല്‍ അ​സ്വ​സ്ഥ​ത​യും ജ​ന​ങ്ങ​ള്‍ക്കി​ട​യി​ല്‍ ഭി​ന്ന​ത​യും വി​ദ്വേ​ഷ​വും ഉ​ണ്ടാ​ക്കാ​നു​ള്ള ചി​ല ശ​ക്തി​ക​ളു​ടെ ശ്ര​മ​ങ്ങ​ൾ ക​ര്‍ക്ക​ശ​മാ​യി നേ​രി​ടാ​ന്‍ മു​ഖ്യ​മ​ന്ത്രി ഉന്നത ഉദ്യോഗസ്ഥരോട് നി​ർ​ദേ​ശിക്കുകയും ചെയ്തു.