രണ്ടാനച്ഛൻ പൊള്ളലേൽപിച്ച വിദ്യാർഥിയെ മന്ത്രി ശിവൻകുട്ടി സന്ദർശിച്ചു

ചവറ (കൊല്ലം): രണ്ടാനച്ഛൻ ഇസ്തിരിപ്പെട്ടി കൊണ്ട് പൊള്ളലേൽപിച്ച മൂന്നാം ക്ലാസ് വിദ്യാർഥിയെ മന്ത്രി വി. ശിവൻകുട്ടി സന്ദർശിച്ചു. കുട്ടികളെ ഉപദ്രവിക്കുന്നവർക്കെതിരെ ശക്തമായ നടപടി സ്വീകരിക്കുമെന്ന് മന്ത്രി പറഞ്ഞു.

പൊതുവിദ്യാഭ്യാസ വകുപ്പ്​ ഡയറക്ടർ എസ്​. ഷാനവാസ്, കൊല്ലം ഡി.ഡി.ഇ കെ.ഐ. ലാൽ, ചവറ ഉപജില്ല വിദ്യാഭ്യാസ ഓഫിസർ കെ. അനിത എന്നിവരും മന്ത്രിക്കൊപ്പമുണ്ടായിരുന്നു.

പ്രവാസിയായ അമ്മ വിദേശത്തുനിന്ന് ചൈൽഡ് ലൈനിൽ നൽകിയ പരാതിയെ തുടർന്ന് കുട്ടിയെ മർദിച്ച രണ്ടാനച്ഛനെ പൊലീസ് അറസ്റ്റ് ചെയ്തിരുന്നു. ഇയാൾ ഇപ്പോൾ റിമാൻഡിലാണ്​.