പേവിഷ വാക്സിനേഷൻ ശക്തമാക്കുമെന്ന്​ മന്ത്രി

തിരുവനന്തപുരം: പേവിഷബാധ വാക്സിനേഷൻ ശക്തമാക്കുമെന്ന് മന്ത്രി ജെ. ചിഞ്ചുറാണി. ജന്തുക്ഷേമ പരിപാടികൾ ജനകീയമാക്കും.​ ജന്തുക്ഷേമ ദ്വൈവാരത്തിന്റെ സമാപനം ഉദ്ഘാടനം ചെയ്യുകയായിരുന്നു മന്ത്രി.

100ൽ 95 നായ്ക്കൾക്കും പേവിഷബാധ പ്രതിരോധ കുത്തിവെപ്പെടുക്കുക മാത്രമാണ് പേവിഷബാധ പ്രതിരോധത്തിന്​ ഏക പോംവഴിയെന്ന് കർണാടക മിഷൻ റേബീസ് ഓപറേഷൻ മാനേജർ ഡോ. ബാലാജി ചന്ദ്രശേഖർ പറഞ്ഞു. സ്കൂൾ കുട്ടികൾക്കായി നടത്തിയ മത്സരങ്ങളിലെ വിജയികൾക്ക്​ സമ്മാനം വിതരണം ചെയ്​തു.

കൗൺസിലർ പാളയം രാജൻ അധ്യക്ഷതവഹിച്ചു. മൃഗസംരക്ഷണ വകുപ്പ് ഡയറക്ടർ ഡോ. എ. കൗശിഗൻ, ഡോ. പി.ബി. ഗിരിദാസ്, മരിയ ജേക്കബ്, ഡോ. വിനുജി ഡി.കെ, ഡോ. നാഗരാജ്, ഡോ. ബീനാബീവി, ഡോ. റെനി ജോസഫ് എന്നിവർ സംസാരിച്ചു.