പി. ബിജുവി​െൻറ വീട്​ മന്ത്രി പി.എ. മുഹമ്മദ് റിയാസ് സന്ദര്‍ശിച്ചു

വെഞ്ഞാറമൂട്: വിദ്യാർഥി രാഷ്​ട്രീയത്തിലും യുവജന രാഷ്​ട്രീയത്തിലും നേതൃനിരയില്‍ ഒപ്പമുണ്ടായിരുന്ന സഹ പ്രവര്‍ത്തക​െൻറ വീട്ടില്‍ പൊതുമരാമത്ത് മന്ത്രി പി.എ. മുഹമ്മദ് റിയാസ് സന്ദര്‍ശനം നടത്തി.

സമീപ കാലത്ത് യുവജന ക്ഷേമ ബോര്‍ഡ് വൈസ് പ്രസിഡൻറായിരിക്കെ അന്തരിച്ച പി. ബിജുവി​െൻറ വാമനപുരം മേലാറ്റുമൂഴിയിലുള്ള വീടാണ് സത്യപ്രതിജ്ഞക്ക് തലേദിവസം മന്ത്രി സന്ദര്‍ശിച്ചത്.

വീട്ടിലെത്തിയ പിതാവി​െൻറ അടുത്ത സുഹൃത്തിനെ ബിജുവി​െൻറ മക്കളായ നയന്‍, നീല്‍ എന്നിവര്‍ സ്വീകരിച്ചു.

നിയുക്ത എം.എല്‍.എ ഡി.കെ. മുരളി, ഡി.വൈ.എഫ്.ഐ സംസ്ഥാന സെക്രട്ടറി എ.എ. റഹിം, സി.പി.എം വെഞ്ഞാറമൂട് ഏരിയ സെക്രട്ടറി ഇ.എ. സലിം എന്നിവരും പി.എ. മുഹമ്മദ് റിയാസിന്​ ഒപ്പമുണ്ടായിരുന്നു.