കടലിലെ രക്ഷാപ്രവർത്തനത്തിന്​ മന്ത്രി കടകംപള്ളി സുരേന്ദ്രനും- വിഡിയോ

തിര​ുവനന്തപുരം: കടലിലെ രക്ഷാപ്രവര്‍ത്തനത്തിന്​ മന്ത്രിയും. ഹെലികോപ്​ടറില്‍ യാത്രചെയ്ത് സഹകരണ-ടൂറിസം മന്ത്രി കടകംപള്ളി സുരേന്ദ്രൻ​ രക്ഷാപ്രവർത്തനങ്ങൾ വിലയിരുത്തി​. ഒപ്പം ഇൗ ഹെലികോപ്​ടറിൽ​ ആറ്​ പേരെ​ രക്ഷിച്ച്​ കരക്കെത്തിച്ചു​. തീരത്തുനിന്ന് അമ്പത് കിലോമീറ്റര്‍ അകലെ എത്തിയാണ് കാര്യങ്ങള്‍ വീക്ഷിച്ചത്. രണ്ട്​ ഹെലികോപ്​ടറുകളിലായാണ് മന്ത്രിയുടെ നേതൃത്വത്തിലുള്ള സംഘം പോയത്. ഡൈവിങ്​ അറിയാവുന്നവരും ഹെലികോപ്​ടറുകളിലുണ്ടായിരുന്നു. കടലിൽ 50 കി.മീ ചുറ്റളവിൽ ഹെലികോപ്​ടർ നിരീക്ഷണം നടത്തിയെന്നും എന്നാൽ അവിടെ ആരെയും തന്നെ സഹായം അഭ്യർഥിക്കുന്നതായി കണ്ടെത്താനായില്ലെന്നും മടങ്ങിയെത്തിയ മന്ത്രി കടകംപള്ളി സുരേന്ദ്രൻ മാധ്യമപ്രവർത്തകരോട്​ പ്രതികരിച്ചു.

പല ബോട്ടുകളും തകർന്നുകിടക്കുന്നതായി കണ്ടു. കപ്പലുകളും കാണാൻ കഴിഞ്ഞു. രക്ഷപ്പെട്ട മത്സ്യത്തൊഴിലാളികള്‍ ഈ കപ്പലുകളിലുണ്ടെന്നാണ് അനുമാനം. രക്ഷാപ്രവര്‍ത്തനത്തി​​െൻറ ചുമതല പൂര്‍ണമായി നേവിക്കും എയര്‍ഫോഴ്‌സിനും നല്‍കിയിരിക്കുകയാണ്. അവർ കൃത്യമായി തന്നെ രക്ഷാപ്രവർത്തനം നടത്തുന്നുണ്ട്​. ഇതിലും കൂടുതലായി എന്ത്​ ചെയ്യാൻ സാധിക്കുമെന്നും മന്ത്രി ചോദിച്ചു. 63 പേര്‍ രക്ഷാപ്രവര്‍ത്തകരുടെ സഹായമില്ലാതെ വിവിധസ്ഥലങ്ങളിലായി കരയിലെത്തിയിട്ടുണ്ടെന്നും അറിയിച്ചു​.