മന്ത്രി ചിഞ്ചുറാണി വിദേശത്തേക്ക്

തിരുവനന്തപുരം: മുഖ്യമന്ത്രി പിണറായി വിജയനു പിന്നാലെ മന്ത്രി ജെ. ചിഞ്ചുറാണിയും വിദേശത്തേക്ക്​. മേയ്​ ആറ്​ മുതൽ എട്ട്​ വരെ യു.എ.ഇയിൽ നടക്കുന്ന ലോക മലയാളി കൗൺസിൽ കുടുംബ സംഗമത്തിൽ പ​ങ്കെടുക്കാനാണ്​ മൃഗസംരക്ഷണ മന്ത്രി വിദേശത്ത്​ പോകുന്നത്​. ഇതിന്​ അനുമതി നൽകി പൊതുഭരണവകുപ്പ്​ ഉത്തരവിറക്കി.

യാത്രാചെലവ്​ സർക്കാർ വഹിക്കും. യു.എ.ഇയിലെ താമസം, അവിടെ എത്തിയശേഷം യാത്രാചെലവുകൾ എന്നിവ സംഘാടകർ ആണ്​ വഹിക്കുക. മേയ്​ അഞ്ചിന്​ യാത്ര തിരിക്കുന്ന മന്ത്രി ഒമ്പതിന്​ മടങ്ങിയെത്തും.