മുല്ലപ്പള്ളിയോട്​ പറഞ്ഞിട്ട്​ കാര്യമില്ല; ഇലക്ട്രിക് പോസ്റ്റിന് വെള്ളമൊഴിച്ചിട്ട് കാര്യമുണ്ടോ?- മന്ത്രി ജയരാജൻ

കണ്ണൂർ: സ്​പ്രിംക്ലർ വിവാദത്തിൽ കെ.പി.സി.സി അധ്യക്ഷൻ​ മുല്ലപ്പള്ളി രാമചന്ദ്രനെതിരെ പരിഹാസവുമായി മന്ത്രി ഇ.പി. ജയരാജൻ. മുല്ലപ്പള്ളി രാമചന്ദ്രനോട്​ പറഞ്ഞിട്ട്​ കാര്യമില്ലെന്നും ഇലക്ട്രിക് പോസ്റ്റിന് വെള്ളമൊഴിച്ചിട്ട് കാര്യമു​ണ്ടോയെന്നും മന്ത്രി ചോദിച്ചു. കണ്ണൂർ ജില്ലാ പഞ്ചായത്തി​​െൻറ കോൾ സ​െൻറർ പ്രവർത്തനം നിരീക്ഷിക്കാൻ എത്തിയതായിരുന്നു മന്ത്രി.

കേരളം ലോകത്തി​​െൻറ മുത്താണ്. അതിൽ അഭിമാനം കൊള്ളാൻ നോക്കുകയാണ് ഉമ്മൻ ചാണ്ടിയും രമേശ് ചെന്നിത്തലയും ചെയ്യേണ്ടത്. മുല്ലപ്പള്ളി രാമചന്ദ്രനോട് ഇതൊന്നും പറഞ്ഞിട്ട് കാര്യമില്ല. ഇലക്ട്രിക് പോസ്റ്റിനു വെള്ളമൊഴിച്ചിട്ട് കാര്യമുണ്ടോ? കോവിഡ് പ്രതിരോധത്തിൽ സർക്കാറി​​െൻറ പ്രവർത്തനങ്ങളിൽ അസ്വസ്ഥരായ പ്രതിപക്ഷം ഭയന്ന് നിലവിളിക്കുകയാണ്.

ചെന്നിത്തലയും മുല്ലപ്പള്ളിയും വായിൽ തോന്നുന്നത് വിളിച്ചു പറയുകയാണ്. സ്​പ്രിംക്ലർ ആരോപണത്തിൽ കഴമ്പില്ല. എന്തോ കാര്യമായി വീണുകിട്ടിയ മട്ടിലാണ് പ്രതിപക്ഷമെന്നും മന്ത്രി ഇ.പി. ജയരാജൻ പറഞ്ഞു.