മിൽമ പാൽ വില കൂട്ടില്ലെന്ന് മന്ത്രി ചിഞ്ചുറാണി

തിരുവനന്തപുരം: മിൽമ പാൽ വില കൂട്ടില്ലെന്ന് വകുപ്പ് മന്ത്രി ചിഞ്ചുറാണി. പാൽ ലിറ്ററിന് വില അഞ്ച് രൂപ വരെ കൂട്ടണമെന്ന് മിൽമ ചെയർമാൻ ജോൺ തെരുവത്ത് ആവശ്യപ്പെട്ടിരുന്നു. ഈ പശ്ചാത്തലത്തിലാണ് മന്ത്രി നിലപാട് വ്യക്തമാക്കിയത്.

ലോക്ക്ഡൗണും കൊവിഡ് സാഹചര്യമെല്ലാം വന്നതോടെ ക്ഷീരകർഷകർ പ്രതിസന്ധിയിലായി. കാലിത്തീറ്റയുടെ വിലയും ക്രമാതീതമായി കൂടിയിട്ടുണ്ട്. ക്ഷീരകർഷകരുടെ പ്രതിസന്ധി കണക്കിലെടുത്താണ് പാൽ വില കൂട്ടണമെന്നായിരുന്നു ആവശ്യം.

എന്നാൽ മിൽമയുടെ നിർദേശം ലഭിച്ചിട്ടില്ലെന്നും മന്ത്രി വ്യക്തമാക്കി.