പത്മ പുരസ്‌കാരം: കേന്ദ്രസര്‍ക്കാര്‍ നടപടിക്കെതിരെ മന്ത്രി ബാലന്‍

തിരുവനന്തപുരം: പത്മ പുരസ്‌കാരത്തിന്​ സംസ്ഥാന സർക്കാർ നല്‍കിയ പട്ടിക തള്ളിക്കളഞ്ഞ കേന്ദ്രസര്‍ക്കാര്‍ നടപടിക്കെതിരെ നിയമസഭയില്‍ രൂക്ഷവിമര്‍ശനവുമായി മന്ത്രി എ.കെ. ബാലന്‍. ജ്യോത്സ്യത്തിനും കൈനോട്ടത്തിനും പുരസ്‌കാരം ഏര്‍പ്പെടുത്തിയാല്‍ ത​​​െൻറ പേര് താന്‍തന്നെ നിർദേശിക്കുമെന്നും മന്ത്രി പരിഹസിച്ചു. പത്മശ്രീ ലഭിച്ച ലക്ഷ്​മിക്കുട്ടിയമ്മക്ക്​ പാരമ്പര്യ ചികിത്സകേന്ദ്രം അനുവദിക്കണമെന്നാവശ്യ​പ്പെട്ട്​ കെ.എസ്. ശബരീനാഥ​ൻ അവതരിപ്പിച്ച സബ്​മിഷന്​ മറുപടി പറയുകയായിരുന്നു മന്ത്രി. സംസ്ഥാന സർക്കാർ നല്‍കിയ പട്ടിക തള്ളിക്കളഞ്ഞതിൽ കേന്ദ്രത്തെ പ്രതിഷേധം അറിയിക്കണമെന്ന് പ്രതിപക്ഷനേതാവ് രമേശ് ചെന്നിത്തലയും ആവശ്യപ്പെട്ടു.

പാരമ്പര്യ- ഗോത്രവർഗ ചികിത്സകയായ ലക്ഷ്മിക്കുട്ടിയമ്മക്ക്​ പുരസ്‌കാരം ലഭിച്ചതിനെ അഭിനന്ദിക്കു​െന്നങ്കിലും അവരുടെ പേര് സംസ്ഥാന സര്‍ക്കാര്‍ സമര്‍പ്പിച്ച പട്ടികയില്‍ ഉണ്ടായിരുന്നില്ലെന്ന് മന്ത്രി ബാലന്‍ വ്യക്തമാക്കി. ഈ മേഖലയില്‍ പുരസ്‌കാരമുണ്ടെന്ന് അറിയാത്തതിനാൽ ആണ്​ അവരുടെ പേര്​ നിർദേശിക്കാതിരുന്നത്​. സംസ്ഥാനം സമര്‍പ്പിച്ച പട്ടികയിലെ വിവരങ്ങള്‍ വിവരാവകാശ നിയമപ്രകാരം പുറത്തുവരുന്ന സാഹചര്യത്തിൽ ചില കാര്യങ്ങള്‍ പറയാനുണ്ട്​.  42 പേരുകളാണ് സര്‍ക്കാര്‍ നിർദേശിച്ചത്. അതില്‍ മാര്‍ ക്രിസോസ്​റ്റത്തി ​േൻറത് മാത്രമാണ് സ്വീകരിച്ചത്. ബാക്കി 41ഉം തള്ളി.

ഒരു രാഷ്​ട്രീയപാര്‍ട്ടിയിലുംപെട്ടവരുടെ പേരുകളല്ല സര്‍ക്കാര്‍ നിർദേശിച്ചത്. പത്മഭൂഷന് വേണ്ടി എം.ടി. വാസുദേവന്‍നായരുടെയും മമ്മൂട്ടി, മോഹന്‍ലാല്‍ എന്നിവരുടെയും പേരുകളാണ്​ നിർദേശിച്ചത്​. അതെല്ലാം തള്ളി പി. പരമേശ്വരന് നൽകി. അതിനെ എതിര്‍ക്കുന്നില്ല. അദ്ദേഹത്തി​​​െൻറ പേര്​​ മറ്റേതോ ഒരു പരമേശ്വരന്‍ നിർദേശിച്ചുവെന്നാണ് പറയുന്നത്. കേന്ദ്രസര്‍ക്കാര്‍ മാന്യമായ സമീപനം സ്വീകരിക്കണം. കഴിഞ്ഞ തവണയും ഇതാണ് ചെയ്തത്. ഇനി മന്ത്രവാദത്തിനൊക്കെ പത്​മ പുരസ്‌കാരം കൊടു​േത്തക്കും. ഇതുവരെ സ്വീകരിച്ച മാനദണ്ഡം അനുസരിച്ചാണ് നമ്മൾ പട്ടിക നല്‍കിയത്​- മന്ത്രി പറഞ്ഞു.

ജ്യോതിഷിയെന്ന നിലയിലാണോ പേര് കൊടുക്കാൻ പോകുന്നതെന്ന് പ്രതിപക്ഷനേതാവ് രമേശ് ചെന്നിത്തല ചോദിച്ചപ്പോൾ എ.കെ. ആൻറണിയുടെ രാജി താന്‍ പ്രവചിച്ചിരുന്ന കാര്യം ബാലന്‍ ചൂണ്ടിക്കാട്ടി. മൂലം നക്ഷത്രക്കാരനായ ആൻറണി പൂരുരുട്ടാതി നക്ഷത്രത്തില്‍ സത്യപ്രതിജ്ഞ ചെയ്തപ്പോള്‍തന്നെ അദ്ദേഹത്തി​​​െൻറ രാജി താൻ പ്രവചി​െച്ചന്ന് കൂട്ടച്ചിരിക്കിടയില്‍ മന്ത്രി പറഞ്ഞു.