മിൽമ കാലിത്തീറ്റ സബ്സിഡി പിൻവലിച്ചു

ശാ​സ്താം​കോ​ട്ട: ക്ഷീ​ര​ക​ർ​ഷ​ക​ർ​ക്ക് ഇ​രു​ട്ട​ടി​യാ​യി മി​ൽ​മ കാ​ലി​ത്തീ​റ്റ​ക്ക്​ ന​ൽ​കി​വ​ന്ന സ​ബ്സി​ഡി പി​ൻ​വ​ലി​ച്ചു. ഏ​ഴു മാ​സ​മാ​യി ന​ൽ​കി വ​ന്ന 100 രൂ​പ സ​ബ്സി​ഡി​യാ​ണ് ഒ​രു മാ​സ​ത്തി​നു​ള്ളി​ൽ ര​ണ്ട് ത​വ​ണ​യാ​യി പി​ൻ​വ​ലി​ച്ച​ത്. മേ​യ്​ ഒ​ന്നു മു​ത​ൽ 30 രൂ​പ​യും ജൂ​ൺ ഒ​ന്നു​മു​ത​ൽ 70 രൂ​പ​യു​മാ​ണ്​ പി​ൻ​വ​ലി​ച്ച​ത്. സ​ബ്സി​ഡി ഉ​ണ്ടാ​യി​രു​ന്ന​പ്പോ​ൾ 1140 രൂ​പ​ക്ക്​ ല​ഭി​ച്ചി​രു​ന്ന മി​ൽ​മ റി​ച്ച് കാ​ലി​ത്തീ​റ്റ​ക്ക്​ ഇ​പ്പോ​ൾ 1240 ഉം 1270 ​രൂ​പ​ക്ക് ല​ഭി​ച്ചി​രു​ന്ന ഗോ​ൾ​ഡി​ന് 1370 ഉം 1315 ​ന് ല​ഭി​ച്ചി​രു​ന്ന ബൈ​പ്രോ കാ​ലി​ത്തീ​റ്റ​ക്ക്​ 1415 രൂ​പ​യും ന​ൽ​ക​ണം.

ഇ​ത​ര സം​സ്ഥാ​ന​ങ്ങ​ളി​ൽ നി​ന്ന് വ​രു​ന്ന അ​സം​സ്കൃ​ത വ​സ്തു​ക്ക​ളു​ടെ വി​ല​വ​ർ​ധ​ന​യാ​ണ് സ​ബ്സി​ഡി പി​ൻ​വ​ലി​ക്കാ​ൻ കാ​ര​ണ​മെ​ന്നാ​ണ് അ​ധി​കൃ​ത​രു​ടെ വി​ശ​ദീ​ക​ര​ണം. മി​ൽ​മ​യു​ടെ ക​ഴി​ഞ്ഞ ഭ​ര​ണ​സ​മി​തി​ത​ന്നെ, സ​ബ്സി​ഡി പി​ൻ​വ​ലി​ക്കാ​ൻ തീ​രു​മാ​നി​ച്ചി​രു​ന്നു​വെ​ങ്കി​ലും ഇ​പ്പോ​ഴാ​ണ് അ​ത് ന​ട​പ്പാ​യ​തെ​ന്നും അ​വ​ർ പ​റ​യു​ന്നു.

അ​തേ​സ​മ​യം സ​ർ​ക്കാ​ർ ഉ​ട​മ​സ്ഥ​ത​യി​ലു​ള്ള കേ​ര​ള ഫീ​ഡ്സി​െൻറ വി​ല​യി​ൽ മാ​റ്റ​മു​ണ്ടാ​യി​ട്ടി​ല്ല. മു​മ്പ്​ മി​ൽ​മ​യു​ടെ കാ​ലി​ത്തീ​റ്റ വി​ല വ​ർ​ധ​ന​ക്ക്​​ അ​നു​സ​രി​ച്ച് വി​ല വ​ർ​ധി​പ്പി​ച്ചി​രു​ന്ന സ്വ​കാ​ര്യ ക​മ്പ​നി​ക​ളു​ടെ കാ​ലി​ത്തീ​റ്റ ഇ​പ്പോ​ൾ ഇ​തി​ലും കു​റ​ഞ്ഞ വി​ല​യി​ൽ ല​ഭി​ക്കു​ക​യും ചെ​യ്യും.