കര്‍ഷകര്‍ക്ക് 15 രൂപ അധിക പാല്‍വില പ്രഖ്യാപിച്ച് മില്‍മ

തി​രു​വ​ന​ന്ത​പു​രം: മി​ല്‍മ തി​രു​വ​ന​ന്ത​പു​രം മേ​ഖ​ല യൂ​നി​യ​ന്‍ ക്ഷീ​ര ക​ര്‍ഷ​ക​ര്‍ക്ക് 15 രൂ​പ അ​ധി​ക പാ​ല്‍വി​ല​യും 200 രൂ​പ കാ​ലി​ത്തീ​റ്റ സ​ബ്സി​ഡി​യും പ്ര​ഖ്യാ​പി​ച്ചു. ന​വം​ബ​റി​ല്‍ ക്ഷീ​ര സ​ഹ​ക​ര​ണ സം​ഘ​ങ്ങ​ളി​ല്‍ നി​ന്നും സം​ഭ​രി​ച്ച പാ​ലി​ന് ലി​റ്റ​റൊ​ന്നി​നാ​ണ് 15 രൂ​പ അ​ധി​ക പാ​ല്‍വി​ല പ്ര​ഖ്യാ​പി​ച്ച​ത്. യൂ​നി​യ​ന്‍റെ 38-ാമ​ത് വാ​ര്‍ഷി​ക പൊ​തു​യോ​ഗ​ത്തി​ലാ​ണ് ചെ​യ​ര്‍മാ​ന്‍ മ​ണി വി​ശ്വ​നാ​ഥ് പ്ര​ഖ്യാ​പ​നം ന​ട​ത്തി​യ​ത്. വാ​ര്‍ഷി​ക പൊ​തു​യോ​ഗം 2024-25 വ​ര്‍ഷ​ത്തേ​ക്ക് 1474 കോ​ടി രൂ​പ​യു​ടെ റ​വ​ന്യൂ ബ​ജ​റ്റും 52 കോ​ടി രൂ​പ​യു​ടെ മൂ​ല​ധ​ന ബ​ജ​റ്റും പാ​സാ​ക്കി. യൂ​നി​യ​ന്‍റെ നി​യ​മാ​വ​ലി ഭേ​ദ​ഗ​തി​ക​ള്‍ യോ​ഗം അം​ഗീ​ക​രി​ച്ചു.

അ​ധി​ക പാ​ല്‍വി​ല​യാ​യ 15 രൂ​പ​യി​ല്‍ 10 രൂ​പ ക​ര്‍ഷ​ക​ര്‍ക്കും മൂ​ന്ന്​ രൂ​പ സം​ഘ​ങ്ങ​ള്‍ക്കും ല​ഭി​ക്കും. ര​ണ്ടു​രൂ​പ സം​ഘ​ങ്ങ​ള്‍ക്ക് യൂ​നി​യ​നി​ലു​ള്ള ഓ​ഹ​രി​ക​ളാ​യി മാ​റ്റും. ഇ​തോ​ടെ തി​രു​വ​ന​ന്ത​പു​രം മേ​ഖ​ല യൂ​നി​യ​ന്‍റെ പ​രി​ധി​യി​ലു​ള്ള ക്ഷീ​ര സം​ഘ​ങ്ങ​ള്‍ക്ക് ല​ഭി​ക്കു​ന്ന ശ​രാ​ശ​രി പാ​ല്‍വി​ല ലി​റ്റ​റൊ​ന്നി​ന് 59.98 രൂ​പ​യാ​കും. തി​രു​വ​ന​ന്ത​പു​രം മി​ല്‍മ​യു​ടെ ച​രി​ത്ര​ത്തി​ലെ ഏ​റ്റ​വും ഉ​യ​ര്‍ന്ന അ​ധി​ക പാ​ല്‍വി​ല​യാ​ണി​ത്.

13 കോ​ടി രൂ​പ​യാ​ണ് ഇ​തി​നാ​യി മാ​റ്റി​വെ​ച്ച​ത്. 2023 ഡി​സം​ബ​ര്‍ മു​ത​ല്‍ ഇ​തു​വ​രെ 20 കോ​ടി രൂ​പ അ​ധി​ക പാ​ല്‍വി​ല​യാ​യി ന​ല്‍കി​യ​തി​ന്​ പു​റ​മെ​യാ​ണി​ത്. 2025 ജ​നു​വ​രി, ഫെ​ബ്രു​വ​രി, മാ​ര്‍ച്ച് മാ​സ​ങ്ങ​ളി​ല്‍ ചാ​ക്കൊ​ന്നി​ന് 200 രൂ​പ വീ​തം കാ​ലി​ത്തീ​റ്റ സ​ബ്സി​ഡി ന​ല്‍കു​മെ​ന്നും ചെ​യ​ര്‍മാ​ന്‍ അ​റി​യി​ച്ചു. 2024 ജ​നു​വ​രി മു​ത​ല്‍ ചാ​ക്കൊ​ന്നി​ന് 100 രൂ​പ വീ​തം കാ​ലി​ത്തീ​റ്റ സ​ബ്സി​ഡി ന​ല്‍കി​യി​രു​ന്നു. യോ​ഗ​ത്തി​ല്‍ മാ​നേ​ജി​ങ്​ ഡ​യ​റ​ക്ട​ര്‍ ഡോ. ​മു​ര​ളി പി, ​ഡ​യ​റ​ക്ട​ര്‍ ബോ​ര്‍ഡം​ഗ​ങ്ങ​ളാ​യ പി.​ജി. വാ​സു​ദേ​വ​നു​ണ്ണി, കെ.​ആ​ര്‍. മോ​ഹ​ന​ന്‍ പി​ള്ള, പ്ര​തു​ല​ച​ന്ദ്ര​ന്‍, ഡ​ബ്ല്യു.​ആ​ര്‍. അ​ജി​ത് സിം​ഗ് എ​ന്നി​വ​ര്‍ സം​സാ​രി​ച്ചു.