മി​ഹ്​​ർ അ​ഹ​മ്മ​ദിന്‍റെ മരണം: സ്കൂളുകളുടെ വിശദീകരണത്തില്‍ അവ്യക്തത

കാ​ക്ക​നാ​ട്: തി​രു​വാ​ണി​യൂ​ർ ഗ്ലോ​ബ​ൽ പ​ബ്ലി​ക് സ്കൂ​ളി​ലെ ഒ​മ്പ​താം​ക്ലാ​സ് വി​ദ്യാ​ർ​ഥി മി​ഹ്​​ർ അ​ഹ​മ്മ​ദ് ആ​ത്മ​ഹ​ത്യ ചെ​യ്ത സം​ഭ​വ​ത്തി​ൽ കു​ട്ടി പ​ഠി​ച്ചി​രു​ന്ന സ്കൂ​ളു​ക​ളു​ടെ വി​ശ​ദീ​ക​ര​ണ​ത്തി​ല്‍ അ​വ്യ​ക്ത​ത​യെ​ന്ന് പൊ​തു​വി​ദ്യാ​ഭ്യാ​സ ഡ​യ​റ​ക്ട​ര്‍ എ​സ്. ഷാ​ന​വാ​സ്. കു​ടും​ബം ഉ​ന്ന​യി​ച്ച പ​രാ​തി​ക​ളി​ൽ പ​ല​തി​നും സ്കൂ​ള്‍ അ​ധി​കൃ​ത​രി​ല്‍നി​ന്ന് കൃ​ത്യ​മാ​യ മ​റു​പ​ടി കി​ട്ടി​യി​ല്ല. ഈ ​സാ​ഹ​ച​ര്യ​ത്തി​ൽ ഹാ​ജ​ർ​നി​ല ഉ​ള്‍പ്പെ​ടെ രേ​ഖ​ക​ള്‍ ആ​വ​ശ്യ​പ്പെ​ട്ടു.

മി​ഹ്റി​ന്‍റെ മാ​താ​പി​താ​ക്ക​ളും കാ​ക്ക​നാ​ട് ജെം​സ് സ്കൂ​ളി​ലെ​യും ഗ്ലോ​ബ​ൽ പ​ബ്ലി​ക് സ്കൂ​ളി​ലെ​യും പ്രി​ൻ​സി​പ്പ​ൽ​മാ​രും അ​ധ്യാ​പ​ക​രു​മാ​ണ് തി​ങ്ക​ളാ​ഴ്ച വി​ദ്യാ​ഭ്യാ​സ ഡെ​പ്യൂ​ട്ടി ഡ​യ​റ​ക്ട​റേ​റ്റി​ൽ ന​ട​ത്തി​യ തെ​ളി​വെ​ടു​പ്പി​ൽ മൊ​ഴി ന​ൽ​കി​യ​ത്. സ​ര്‍ക്കാ​റി​ന്‍റെ എ​ന്‍.​ഒ.​സി ഉ​ള്‍പ്പെ​ടെ രേ​ഖ​ക​ള്‍ ഹാ​ജ​രാ​ക്കാ​നും സ്കൂ​ളു​ക​ള്‍ക്ക് ക​ഴി​ഞ്ഞി​ല്ല. ഇ​വ​ർ​ക്കെ​തി​രെ ന​ട​പ​ടി​ക​ൾ​ക്ക് ശി​പാ​ർ​ശ ചെ​യ്യു​മെ​ന്ന് വി​ദ്യാ​ഭ്യാ​സ ഡ​യ​റ​ക്ട‌​ർ പ​റ​ഞ്ഞു. മൂ​ന്നു​ദി​വ​സ​ത്തി​ന​കം മ​ന്ത്രി​ക്ക് റി​പ്പോ​ര്‍ട്ട് ന​ല്‍കും. സാ​മൂ​ഹി​ക​നീ​തി വ​കു​പ്പി​ന്‍റെ അ​ന്വേ​ഷ​ണ​ത്തി​നും ശി​പാ​ര്‍ശ ചെ​യ്തി​ട്ടു​ണ്ട്.

മി​ഹ്ർ മ​രി​ച്ച​തി​നു​ശേ​ഷം ഇ​തു​മാ​യി ബ​ന്ധ​പ്പെ​ട്ട്​ വി​ദ്യാ​ർ​ഥി​ക​ൾ​ക്കി​ട​യി​ൽ പ്ര​ച​രി​ച്ചെ​ന്നു പ​റ​യ​പ്പെ​ടു​ന്ന വാ​ട്‌​സ്​​ആ​പ് സ​ന്ദേ​ശ​ങ്ങ​ളെ​ക്കു​റി​ച്ച്​ ത​ങ്ങ​ൾ​ക്ക് അ​റി​യി​ല്ലെ​ന്ന്​ സ്‌​കൂ​ൾ അ​ധി​കൃ​ത​ർ പ​റ​ഞ്ഞു. എ​ന്നാ​ൽ, ഇ​തി​ന്റെ സ്ക്രീ​ൻ​ഷോ​ട്ട് ഉ​ൾ​പ്പെ​ടെ ഹാ​ജ​രാ​ക്കാ​മെ​ന്ന് മാ​താ​പി​താ​ക്ക​ൾ അ​റി​യി​ച്ചു.

ആ​ദ്യം പ​ഠി​ച്ച ജെം​സ് സ്കൂ​ളി​ൽ ചി​ല സീ​നി​യ​ർ വി​ദ്യാ​ർ​ഥി​ക​ളി​ൽ​നി​ന്നും​ വൈ​സ് പ്രി​ൻ​സി​പ്പ​ലി​ൽ​നി​ന്നും​ കു​ട്ടി​ക്ക് മാ​ന​സി​ക പീ​ഡ​ന​മേ​റ്റ​താ​യി സൂ​ച​ന​യു​ണ്ട്. അ​കാ​ര​ണ​മാ​യി സ​സ്പെ​ൻ​ഡ് ചെ​യ്ത​തും ശി​ക്ഷാ​കാ​ലാ​വ​ധി ക​ഴി​ഞ്ഞ് സ്കൂ​ളി​ലെ​ത്തി​യ മി​ഹ്​​റി​നെ പ്ര​ത്യേ​കം മു​റി​യി​ൽ ഒ​റ്റ​ക്കി​രു​ത്തി​യ​തും ത​നി​ച്ചി​രു​ത്തി പ​രീ​ക്ഷ​യെ​ഴു​തി​ച്ച​തും കു​ട്ടി​യി​ലു​ണ്ടാ​ക്കി​യ മാ​ന​സി​ക സ​മ്മ​ർ​ദ​ത്തെ​ത്തു​ട​ർ​ന്നാ​ണ്​ ഗ്ലോ​ബ​ൽ സ്കൂ​ളി​ലേ​ക്ക് മാ​റ്റി​യ​ത്. ഇവിടെയും സ​മാ​ന അ​നു​ഭ​വം ആ​വ​ർ​ത്തി​ച്ച​താ​ണ്​ ആ​ത്മ​ഹ​ത്യ​യി​​ലേ​ക്ക്​ ന​യി​ച്ച​തെ​ന്നും ര​ക്ഷി​താ​ക്ക​ൾ പ​റ​യു​ന്നു.

സ്കൂൾ അധികൃതർക്കെതിരെ ആത്മഹത്യ പ്രേരണക്കുറ്റം ചുമത്തിയേക്കും

തൃ​പ്പൂ​ണി​ത്തു​റ: ഫ്ലാ​റ്റി​ൽ​നി​ന്ന്​ ചാ​ടി മി​ഹി​ർ അ​ഹ​മ്മ​ദ് (15) എ​ന്ന വി​ദ്യാ​ർ​ഥി മ​രി​ച്ച സം​ഭ​വ​ത്തി​ൽ തി​രു​വാ​ണി​യൂ​ർ ഗ്ലോ​ബ​ൽ പ​ബ്ലി​ക് സ്കൂ​ൾ അ​ധി​കൃ​ത​ർ​ക്കെ​തി​രെ ആ​ത്മ​ഹ​ത്യ പ്രേ​ര​ണ​ക്കു​റ്റം ചു​മ​ത്താ​നു​ള്ള നീ​ക്ക​ത്തി​ൽ തൃ​പ്പൂ​ണി​ത്തു​റ ഹി​ൽ​പാ​ല​സ് പൊ​ലീ​സ്. വി​ദ്യാ​ർ​ഥി ആ​ദ്യം പ​ഠി​ച്ചി​രു​ന്ന ഇ​ൻ​ഫോ​പാ​ർ​ക്ക് ജെം​സ് സ്കൂ​ളി​ലെ വൈ​സ് പ്രി​ൻ​സി​പ്പ​ൽ, ക്ലാ​സ് ടീ​ച്ച​ർ തു​ട​ങ്ങി​യ​വ​രു​ടെ മൊ​ഴി ക​ഴി​ഞ്ഞ ദി​വ​സ​ങ്ങ​ളി​ൽ രേ​ഖ​പ്പെ​ടു​ത്തി​യി​രു​ന്നു. മി​ഹി​ർ സ്കൂ​ളി​ൽ ക്രൂ​ര​മാ​യ റാ​ഗി​ങ്ങി​ന് വി​ധേ​യ​നാ​യി​രു​ന്നു​വെ​ന്ന വെ​ളി​പ്പെ​ടു​ത്ത​ലു​ക​ൾ പു​റ​ത്തു​വ​ന്ന​തോ​ടെ ഗ്ലോ​ബ​ൽ പ​ബ്ലി​ക് സ്കൂ​ളി​നു​നേ​രെ വി​ദ്യാ​ർ​ഥി സം​ഘ​ട​ന​ക​ളു​ടെ പ്ര​തി​ഷേ​ധ​വും ക​ന​ക്കു​ക​യാ​ണ്. എ​സ്.​എ​ഫ്.​ഐ, യൂ​ത്ത് കോ​ൺ​ഗ്ര​സ് സം​ഘ​ട​ന​ക​ളു​ടെ നേ​തൃ​ത്വ​ത്തി​ൽ സ്കൂ​ളി​ലേ​ക്ക്​ പ്ര​തി​ഷേ​ധ മാ​ർ​ച്ച് ന​ട​ത്തി​യി​രു​ന്നു. ചൊ​വ്വാ​ഴ്ച എ​സ്.​ഡി.​പി.​ഐ മാ​ർ​ച്ച് ന​ട​ത്തു​മെ​ന്ന​റി​യി​ച്ചി​ട്ടു​ണ്ട്.