തിരുവനന്തപുരത്ത്​ അന്തർ സംസ്​ഥാന തൊഴിലാളികളുടെ പ്രതിഷേധം; കല്ലേറിൽ പൊലീസുകാരന്​ പരിക്ക്​ 

തിരുവനന്തപുരം: നാട്ടിലേക്ക്​ മടങ്ങാൻ സൗകര്യമൊരുക്കണമെന്ന്​ ആവശ്യപ്പെട്ട്​ തിരുവനന്തപുരത്ത്​ അന്തർ സംസ്​ഥാന തൊഴിലാളികളുടെ പ്രതിഷേധം. ഒരുവാതിൽ കോട്ടയിലാണ്​ തൊഴിലാളികൾ പ്രതിഷേധിച്ചത്​. 

ഞായറാഴ്​ച വൈകിട്ട്​ നടന്ന പ്രതിഷേധം അക്രമാസക്തമായി. തൊഴിലാളികൾ പൊലീസിനുനേരെ നടത്തിയ കല്ലേറിൽ പേട്ട സി.ഐ ഗിരിലാലിന്​ പരിക്കേറ്റു. സി.ഐയുടെ പരിക്ക്​ ഗുരുതരമല്ല. ഒരുവാതിൽകോട്ടക്ക്​ സമീപം മാളി​​െൻറ നിർമാണത്തിനെത്തിയ 670ഓളം തൊഴിലാളികളാണ്​ പ്രതിഷേധിച്ചത്​. 

തുടർന്ന്​ പൊലീസ്​ തൊഴിലാളികളുമായി ചർച്ച നടത്തി. മടങ്ങിപോകുന്നതിനുള്ള സൗകര്യം ഏർ​െപ്പടുത്താമെന്ന്​ പൊലീസ്​ ഉറപ്പുനൽകി​യതോടെ പ്രതിഷേധം അവസാനിപ്പിച്ച്​ തൊഴിലാളികൾ മടങ്ങി.