ഭാര്യയെ വെട്ടി കൊലപ്പെടുത്തി അന്തർ സംസ്ഥാന തൊഴിലാളി തൂങ്ങി മരിച്ചു

പെരുമ്പാവൂർ: ഭാര്യയെ വെട്ടി കൊലപ്പെടുത്തി അന്തർ സംസ്ഥാന തൊഴിലാളി തൂങ്ങി മരിച്ചു. ഓടയ്ക്കാലി നൂലേലിയിലാണ് സംഭവം. നൂലേലി പള്ളിപ്പടിയിൽ ഇവർ താമസിക്കുന്ന മുറിക്കുള്ളിലാണ് സംഭവം. ഒഡിഷ സ്വദേശികളായ വിഷ്ണുക്കാര പ്രഥാൻ, സിലിക്കാര എന്നിവരെയാണ് മരിച്ച നിലയിൽ കണ്ടെത്തിയത്. വിഷ്ണുക്കാര പ്രഥാൻ (25) മുറിക്കുള്ളിലെ ജനലിൽ തൂങ്ങിമരിച്ച നിലയിലാണ് ഉള്ളത്. ഭാര്യ സിലക്കാര പ്രഥാൻ (23) മുറിക്കുള്ളിൽ തലയിൽ വെട്ടേറ്റ് മരിച്ച നിലയിലാണ്.