Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightലൈംഗിക അതിക്രമം...

ലൈംഗിക അതിക്രമം സംബന്ധിച്ച ആരോപണം വ്യാജമെന്ന് എം.ജി​ വൈസ്​ ചാൻസലർ

text_fields
bookmark_border
mg university
cancel

കോട്ടയം: ലൈംഗിക അതിക്രമം സംബന്ധിച്ച്​ പരാതിയൊന്നും ലഭിച്ചിട്ടില്ലെന്നും ആരോപണം വ്യാജമാണെന്നും ​എം.ജി സർവകാലശാല വൈസ്​ ചാൻസലർ ഡോ. സാബു തോമസ്​. ഇതുസംബന്ധിച്ച്​ ഏഴു​ വർഷത്തിനിടെ വാക്കാൽപോലും ഗവേഷക വിദ്യാർഥിനി പരാതി​പ്പെട്ടിട്ടില്ല. കഴിഞ്ഞദിവസം നടന്ന ഒത്തുതീർപ്പ്​ ചർച്ചയിൽ ഇത്തരമൊരു പരാതി ഗവേഷക ഉന്നയിച്ചിരുന്നു. ഇതിനുമുമ്പ്​ ഒരിക്കലും പറഞ്ഞിട്ടുമില്ല, കേട്ടിട്ടുമില്ല. ​

ഗവേഷക സെൻററിനുള്ളിൽ ഇത്തരം സംഭവങ്ങൾ നടക്കാൻ സാധ്യതയില്ല. പരാതി ലഭിച്ചാൽ അന്വേഷണത്തിനും നിയമനടപടികൾക്കും തയാറാണ്​. പരാതിക്കാരി സർവകലാശാലയിൽ തിരിച്ചെത്തണം. ഇവർക്ക്​ പൂർണ പിന്തുണ നൽകുമെന്നും അദ്ദേഹം മാധ്യമപ്രവർത്തകരോട്​ പറഞ്ഞു.

നാനോ സെൻറർ ഡയറക്​ടർ നന്ദകുമാർ കളരിക്കലിനെ പുറത്താക്കാൻ കഴിയില്ല. നന്ദകുമാറിന് എതിരായ ആരോപണങ്ങൾ കോടതി തള്ളിക്കളഞ്ഞതാണ്​. വിദ്യാർഥിക്ക്​ ഗവേഷണം തുടരാൻ എല്ലാ സഹായവും സർവകലാശാല നൽകും. ഗവേഷണത്തിൽ ഒരു തരത്തിലും നന്ദകുമാർ ഇടപെടില്ല. ഗവേഷണം പൂർത്തിയാക്കാൻ പ്രത്യേക ഫെലോഷിപ് അനുവദിക്കുമെന്നും സാബു തോമസ് പറഞ്ഞു.

Show Full Article
TAGS:MG University sexual harassment 
News Summary - MG Vice-Chancellor says allegations of sexual harassment are false
Next Story