Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightKeralachevron_rightഎം.ജി പരീക്ഷ...

എം.ജി പരീക്ഷ മാറ്റിവെക്കാൻ സോഷ്യൽ മീഡിയ 

text_fields
bookmark_border
mg-university
cancel

കോട്ടയം: എം.ജി സർവകലാശാല രണ്ടാം സെമസ്​റ്റർ പരീക്ഷ മാറ്റിവെക്കണമെന്നാവശ്യപ്പെട്ട്​ സോഷ്യൽമീഡിയ കാ​മ്പയിനുമായി ഒന്നാം വർഷ ബിരുദ വിദ്യാർഥികൾ. ജൂൺ 15ന്​ നിശ്ചയിച്ച പരീക്ഷ മാറ്റണമെന്നാണ്​ ആവശ്യം. യാത്ര സംവിധാനമില്ലാത്തതും ഹോസ്​റ്റലുകൾ അടച്ചതും സിലബസ്​ പൂർത്തിയാക്കാത്തതും​ ചൂണ്ടിക്കാട്ടി, ഒന്നാംവർഷ ബിരുദ വിദ്യാർഥി കൂട്ടായ്മ, 6029 പേർ ഒപ്പിട്ട ഓൺലൈൻ ഭീമഹരജി വൈസ് ചാൻസലർക്കും ഉന്നത വിദ്യാഭ്യാസ മന്ത്രിക്കും സമർപ്പിച്ചു. അടുത്തഘട്ടമായി 10,000 പേരുടെ ഒപ്പ്​ ശേഖരിച്ച്​ ഗവർണർക്ക്​ ഭീമഹരജി നൽകാനാണ്​ തീരുമാനം.

ഇതുവരെ പഠിപ്പിച്ച പാഠഭാഗങ്ങളെ ആസ്പദമാക്കിയാകും പരീക്ഷ എന്ന് പറയുന്നുണ്ടെങ്കിലും അത് ശാസ്ത്രീയമല്ലെന്ന്​ വിദ്യാർഥികൾ പറയുന്നു. 
രണ്ടാം സെമസ്​റ്ററി​​െൻറ തുടർച്ചയാണ് മൂന്നാം സെമസ്​റ്റർ. രണ്ടാം സെമസ്​റ്ററിലെ പാഠഭാഗങ്ങൾ പൂർത്തിയാക്കാതെ മൂന്നാം സെമസ്​റ്റർ ആരംഭിക്കുന്നത് പഠനത്തിൽ വിടവ് സൃഷ്​ടിക്കും. പ്രാക്ടിക്കൽ ഇല്ലാതെ അടുത്ത സെമസ്​റ്ററിലേക്ക് കടക്കുന്നത് പ്രായോഗിക പരിജ്ഞാന​െത്തയും ബാധിക്കും. അവശേഷിക്കുന്ന പാഠഭാഗങ്ങൾ പഠിപ്പിച്ചുതീർക്കാൻ ഓൺലൈൻ സമ്പ്രദായങ്ങളെ ആശ്രയിക്കുന്നുണ്ടെങ്കിലും ശാസ്ത്ര വിഷയങ്ങളുടെ പ്രാക്ടിക്കലുകൾക്ക്​ ഇത്​ പ്രായോഗികമല്ല. മിക്ക വിദ്യാർഥികളുടെയും പുസ്തകങ്ങളും പഠനോപകരണങ്ങളും ഹോസ്​റ്റലിൽ ആണ്. 

ഇതുമൂലം പരീക്ഷക്ക്​ വേണ്ട തയാറെടുപ്പുകൾ നടത്താൻ പലർക്കും സാധിച്ചിട്ടില്ല. ഗതാഗതമാർഗങ്ങളില്ലാതെ തങ്ങൾ എങ്ങനെ​ പരീക്ഷക്ക്​ എത്തുമെന്നും​ വയനാട്ടിൽനിന്നുള്ള വിദ്യാർഥികളടക്കം ചോദിക്കുന്നു. കോവിഡ്​ ഭീതി മാറി സാഹചര്യം അനുകൂലമാകുന്നതുവരെ പരീക്ഷ മാറ്റി​വെക്കണമെന്നും ക്ലാസ് റൂം അധ്യാപനവും പഠനവും പ്രാക്ടിക്കൽ പരിശീലനവും നടത്തിയ ശേഷമേ തിയറി - പ്രാക്ടിക്കൽ പരീക്ഷകൾ നടത്താവൂ എന്നുമാണ്​ വിദ്യാർഥികളുടെ ആവശ്യം. 

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:kerala newsmg universitycovid 19lockdown
News Summary - MG Exam change-Kerala news
Next Story